MATÌÙT 19:28 - Ala Ane Wene Ket Mene Warogo Wo'ninapike Wene

²⁸ at Yesùt en he, “An nen eberogoat yogohisak. Hit an nopolik nìkì lagep mene yì re, yì mene tì mene Ala nen hobuk ket hùnogoat hagarì'mo nen, an abat ta'lasi wagagi a'nogo hobuk wìrìk, hogo'napo kolek, nobùlùk oba atoma kain were'ma, hit nera'lu atoma hinobùlùk 12 nen talek oba kainat logolìk, apùnì Isirael mene inùkùl etage 12 nen amanogo hit en ùkùm inoba hìgìk, kotìk, ìkì logogun o.

MATÌÙT 19:28 ပူးပေါင်းရင်းမြစ်များ

MATÌÙT 25:31

At Yesùt en atì'nogo yogoisasikesik he, wene aike mel yogoisasike: “An abat ta'lasi wagagi a'nogo, apùnì nen hogo'napo kolek, it malaikat Ala nen pogot oba nen yoko pelaksa wagarek mene amanogo obogat ninom wìrìk, an hogo'napo kolek kain Netagepogot welagìrek oba logolìk,

ABÌKAKAN 20:4

Atì'nogo hìgìrìk oba nen, opolik he, ap kaintek inobùlùk apik were'ma atoma inebe apigat kain logolìk, apùnì aike inawe a'ma hisìlìk hagisek logolìk ùkùm inoba hìgìk, kotìk, ìkì logouagalùk esewerek hisagama isìgì. Nen, aike hìgì re, it apùnì yeke lo yeke hake hùko mene a'nogo mel, sukwan at ebe hake hagarek a'nogo mel, hogorinapì'lek, etage salek helal waganek a'nogo inetaùken wekelogo ineilhaken oba he a? Ineki ba he a, wanhì'lek heraksìlìk, Yesùt hagatì lagaike mene yogoisìlìk negarek hesik ho, Ala ane hesik ho, inalokop palogo inoasukwa mene arat inapotkwe inelugurinabìk, menhisikesik, at Karìsùt inom apùnì aike inawe a'ma hisìlìk hagisek, mo lagagik pìgìk iko kolek 1.000 tahun welagaika isìgì.

ABÌKAKAN 7:4

Atì'nogo yogoisikesik he, apùnì Isirael en tagokwe mene inùkùl etage lopok obogat inetaùken wekelogo Ala asilo ineilha ba hisìlìk lagaikasik, “Inebe hùlì 144.000 nen silo hisìlìk lagoma,” ìlùk ikenem holhì o.

2 PETERÙT 3:13

Atì'nogo hagatì logolìk, nina'la nen he, “Ala nen wene wa'nisìkì logolìk, Pogot ket mene hagatìk, kweang ket mene hagatìk, hagasiginmo atoma kìlìk higit hogo nek hagatì logogun,” ìlùk, wene wa'nisasike a'nogo serogo welago.

MATÌÙT 16:27

An abat ta'lasi wagagi a'nogo re, hobuk nopase hogorato motok welagaikarek atì hagat haga'la'lùk, it malaikat Ala nen pogot oba nen yoko pelaksa wagarek mene amanogo ninom wìrìk, atì sat he, apùnì obogat inoabùt lopok hagatarek mene higit hogoat oko wogisa wesigin o.

ABÌKAKAN 21:5

Nen, at Ala ebe kain welagarek obùlùk a'nogo ba logolìk, mel ike: “Yì mene tì mene obogat ket mene elalogo hìgì yoma lakhani,” ìlùk ikesik, an mel yogonete: “Wene yì hesik, apùnì nen he, Wene atì eberogoat, ìlùk hùthasak mene atì nen he, helal wanino o,” ìlùk yogonete.

ABÌKAKAN 4:4

At kain welagarek obùlùk tùlem werek kolek, it aike kain welagaikarek inobùlùk 24 en were'ma, ap inalùgetek inebe 24 enat inasu kut mene laberek, nen, kare-kare emas mene misago ap inetagepogot ugu welagaikarek atì hak ugu mene inebe inobùlùk atì bakwe hùrek welagaika.

ABÌKAKAN 3:21

“An arat nomame agagimo, nopase kain welagarek obùlùk oba neperak welago yì hak, sa nen omame asigin halok, an kain welagìrek nobùlùk oba neperak logouogolùk menhegein o,

2 TIMOTÌÙT 2:12

Nit ninepe morogo logogun halok, apùnì at awe a'ma kìlìk logogun mene atì, nit ninom enat hagisek logogun o. Nit en he, “Yesùt ninoe lek o,” ìlùk, at ebe motok heraksogo halok, at en he, “It an nagoromì legat o,” ìlùk, herakhinegeinat o.

LAKSASIKE 3:21

Yogotak ya re, Yesùt ebe pogot oba logousak obaat logogin o. Logopik en, hùlì Ala nen yì mene tì mene obogat agauak hagasigin atì hùlìat pi wesigin o, ìlùk hageat it ap inebe Ala hesik logolìk at ane yogoisìkì lagaukwa mene amanogo nen isukwa hagat haga'lasigin o.

MATÌÙT 20:21

at en he, “Hat ha'la kì'nogo akalùk en egen,” ìlùk yogosikomo, he a'nogo nen he, “An neagwì pìre ya re, apùnì obogat hat hawe a'ma hisegeinmo atoma hera'lu, at aike heki ebekwe, nen aike heki peikkwe, kain logouagalùk he, menhisanogolùk yogohetì o,” ìlùk yogosike.

ABÌKAKAN 22:2

O kota atì, kwe ebela esako heta-heta lagaikarek oba were'ma, i a'nogo tùlem lagare'ma hìgì. Atì'nogo laga kolek, i aik ìlì ba, yì ba, e awì yago were'ma hìgì. E atì eken nikenem inelugurinaperek mene a'nogo, tugi omakeat oba eken aike ìtìk, tugi aike ba eken aike ìtìk, iko kolek mo lagagìk, pìgìk, iko kolek tahun omakeat oba eken hùlì 12 nen ìterek mene welaga. Nen, eka ba re, yì apùnì tì apùnì inùkùl etage lopok hanorinaperek mene hìgì.

ABÌKAKAN 12:1

Atì'nogo hìgìrìk oba nen, opolik lakhìgì hak he, apùnì nen hùthoagalùk pogot oba elalinat hagasusak lek mene hakorogo hagatenem yì'nogo lakhìgì. He mene aike tugi ba esok hìlìk asu negen mo mene laberek, nen hesagal 12 mene ùkùloba kare-kare negen ugu mene lakhìgì.

MATÌÙT 6:33

Halok he, hinopase Ala nen awe a'ma logolìk hagatì logousak atì hesik mel, nen, at en, Yì'nogo tì'nogo haga'no, ìlùk yogohisikenem hagatì logousak atì hesik mel, esinethìkì logogun halok, yì mene tì mene atì oba louk hogo wokhisegeinat o.

MATÌÙT 8:20

Atì'nogo yogosikomo, at Yesùt en he, “Lo yeke atì re, awì wùrìk akola welagarek. Nen, sùe purogo nikerek mene atì, awì wùrìk welagaregat. Mene re, an abat ta'lasi wagagi atì nek he, nogo ìkì logousak oba nawì wùrìk he, motok lek o,” ìlùk yogosike.

MATÌÙT 19:27

At Yesùt en atì'nogo yogoisasikomo, at Peterùt en he, “Mene re, nit hat hopolik nìkì logouogolùk yì mene tì mene obogat heraksalùk wagosik nìkì lago mene yì nek he, nena mene wo'nisegein,” ìlùk yogosikomo,

MAREKÙT 10:37

it en he, mel yogosukwa: “Hat hobuk Hetagepogot arìk hagatenem, apùnì nen hogothapi logogun atì sat he, ninom kainat logouok en he, nit aike heki ebekwe, nen aike heki peikkwe, logouagalùk menhinanogolùk wago,” ìlùk yogosukwama,

ABÌKAKAN 11:16

Nen, it inalùgetek inebe 24 en Ala era'lu kain inobùlùk oba welagaikarek mene amanogo inelokwe sogoum Ala awe a'ma kìlìk hogoratì logolìk mel ìkì lagaika:

ABÌKAKAN 22:5

Nen, Ala ebe apopok it inebe lìarinapo kolek nogo nen he, a hùako legat, nen esage mel, mo mel, yatì logousak legat, werek kolek, it kaintek inetagepogot logolìk, apùnì aike inawe a'ma hisìlìk hagisek moto'-motok logogun isìgì o.