MATÌÙT 19:22 - Ala Ane Wene Ket Mene Warogo Wo'ninapike Wene

²² Atì'nogo yogosikomo, at ap elege a'nogo asuk holhikesik he, agarok motok api'mo nogo nen he, a'la weak a'lùk lagaike.

MATÌÙT 19:22 ပူးပေါင်းရင်းမြစ်များ

MATÌÙT 6:24

Atì'nogo yogoisasikesik he, aike mel yogoisasike: “Atì hak he, ap omakeat mene ap kaintek inebe pìre mene inatitigeke logolìk ineyabu hagatì logousak motok mea o. Atì'nogo logogin halok he, at inatitigeke atì nen: Nopase aike yì hano netawì. Nen, aike atì, weak nabìt, ìlùk, ìkì logolìk he, etawì mene atì eperak lopok hogo logolìk he, aike abìt mene atì aberalìthìkì logousak o. Atì hake, hit he, Ala atitigeke logolìk, uang atitigeke logousak mea o.

MATÌÙT 13:22

Nen, awì heik aike pakì api'mo lakhesike atì ebe re, it apùnì aike Ala ane atì inasuk holharesik enat he, ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la eberìk inokawerek en lalìgìk, egarek atì nen he, wene atì ero kakil arìk he, eken ìterek lek atìat o.

KOLOSE 3:5

Ati nen he, hinoabùt hinesogat logolìk, hina'la nen yì walok tì walok akegesep mene atì warogo heraksìkì logoino. Hinoabùt atì re, pailak haksagarek atì mel, ina'la nen, walok ìlùk wesi nekarek atì mel, inetaùken nikeresik inoba aiyage lagaikerek atì mel, ineileken lagisìlìk ina'la nen walok akagarek atì mel, tùgì hareken oba hìpìrìk logou hak, ina'la nen, “Yì mene tì mene, an mene nek logoilep,” ìlùk akagarek atì mel, hinoabùt atì mene obogat warogo heraksìkì logoino.

EPESÙT 5:5

It apùnì pailak haksagarek mene mel, inekalì lek weak hagatarek mene mel, “Yì mene tì mene an mene nek logoilep,” ìlùk ina'la nen akìlìk hagatarek atì, tùgì hareken oba hìpìrìk logolìk hagatarek hagat hagatarek halok, Karìsùt Ala eperak inawe a'ma hisikenem welagaikarek oba atoma esewerek asugun motok lek o, ìlùk, hanorogo hina'la akano.

MAREKÙT 10:22

wene atì asuk holhìkesik he, agarok motok api'mo nogo nen he, elokoken age lagalìk he, a'la weak a'lùk lagaike.

MATÌÙT 16:26

Sa nen yì mene tì mene kweangma mene obogat ese asigin meneat he, hobuk ebe nong asigin halok, at en he, An aike elok sabùrogo hakìgì, usak nogo? Motok lek o. Ebe nong asigin atì obùlù'mo re, nena mene eperak okosusak nogo. Mea o.

LUKAT 18:23

at ap a'nogo asuk holhikesik he, agarok motok api'mo nogo nen he, a'la motok weak agaike.

MATÌÙT 14:9

Atì'nogo yogosikomo, at kain Herotet a'nogo a'la weak agaike meneat he, “An nen Ala etage hopuk palogo abok yogotenem apùnì apik pesta isago nùogolùk atogosi wagaika mene yoma arat inasuk holhasi'mo,” ìlùk, agoromì nen helekerek a'nogo nen isike higit hogoat hagarogo wogosi loagalùk yogoisasike.

MAREKÙT 6:26

at kain Herotet a'nogo a'la motok weak agaike. Atì'nogo weak agaike meneat he, “An nen nagoromì ninom pesta isago nìkì logolìk ineilhanem, Ala etage hopuk palogo eberogoat wokhesigin o, ìlùk abok yogotìrì'mo re, kamo usak nabìt. Wogosiginat o,” ìlùk a'la akasike.

MATÌÙT 19:21

at Yesùt en he, “Hat hebe hano motok asigìlùk halok, yoma nen lìlìk he, hagarok yì mene tì mene atoma obogat it aike inoba abasi lano. Abarìk he, oko wokhesugun mene atì, it apùnì aike inagarok lek inelageik mene atì sùpùrogo wogisano. Atì'nogo wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en, we'no,” ìlùk yogosike.

MATÌÙT 19:23

Lagaikomo re, at Yesùt en agoromì ane wanhì lagaukwa mene amanogo mel yogoisasike: “Apùnì inagarok apik mene atì pogot oba Ala nen awe a'ma hisikere'ma atoma nìkì'nogo ku heat o, ìlùk eberogoat yogohisìgì,” ìlùk yogoisasike.

YOHANET 16:20

Hobuk hit hina'la nen lì agìk, le agìk, ugun meneat he, it apùnì kweangma mene ina'la hai hakogoin o. Atì'nogo meneat he, hit hina'la weak logogun mene atì, hobuk hano aganem hina'la hai apik hakogoin o, ìlùk eberogoat yogohisìgì.