MATÌÙT 19:21 - Ala Ane Wene Ket Mene Warogo Wo'ninapike Wene

²¹ at Yesùt en he, “Hat hebe hano motok asigìlùk halok, yoma nen lìlìk he, hagarok yì mene tì mene atoma obogat it aike inoba abasi lano. Abarìk he, oko wokhesugun mene atì, it apùnì aike inagarok lek inelageik mene atì sùpùrogo wogisano. Atì'nogo wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en, we'no,” ìlùk yogosike.

MATÌÙT 19:21 ပူးပေါင်းရင်းမြစ်များ

MAREKÙT 10:21

at Yesùt eileken oba hìlìk etawì arìk he, mel yogosike: “Hat he, wene omakeat enek aike hagatì'lek welagen o. Hat yoma nen lìlìk he, hagarok yì mene tì mene atoma obogat it aike inoba abasi lan o. Abarìk he, oko wokhesugun mene atì, it apùnì aike inagarok lek inelageik mene atì sùpùrogo wogisano. Atì'nogo wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en we'no,” ìlùk yogosikomo,

LUKAT 18:22

at Yesùt asuk holhikesik he, mel yogosike: “Wene omakeat enek aike hagatì'lek welagen o. Hat hagarok atoma heleleng hogo it alke inoba abasi lano. Abarìk he, oko wokhesugun mene atì it apùnì aike inagarok lek inelageik mene atì motok sùpùrogo wogisano o. Atì'nogo arat wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en we'no,” ìlùk yogosikomo,

LUKAT 12:33

Hit hinagarok mene atì oko abarìk he, oko uang abasugun mene amanogo it inagarok lek inelageik mene atì sùpùrisano o. Sùpùrisìlìk he, uang awì momok agarek lek mene waganogo hìlìk, kalogo hìkì logou hak, hinagarok hano motok lek asigin lek mene, it ap ineil agasabu weak mene nen yogot hinasi kìgìk, elugeke nen palhìk, ikerek motok le'ma pogot oba atoma kalogo hikoagalùk lakhakìkì logoino o.

LUKAT 14:33

Ati hak he, hit aike hinagarok yì mene tì mene hebisìgì'lek logolìk an nagoromì asuogolùk awe a'ma ki wesusak mea o,” ìlùk yogoisasike.

LAKSASIKE 2:45

Atì'nogo logolìk he, it aike nen, inakweang mel, inagarok mel, oko uang wìlìk he, uang atì it Ala againapùrì mene amanogo inebe lopok sùpùrisìkì logolìk, it aike lek mene elok hogoat sùpùrisìkì lagaukwa.

YOHANET 12:26

Men, at sa nen an natitigeke logolìk, a'la nen he, An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.

LUKAT 9:23

Atì'nogo yogoisasikesik, wene aike it apùnì obogat mel yogoisasike: “Sa nen an nopolik nìkì logoigìlùk halok he, okawerek hesik hagaterek mene, Nabìt, ìlùk hebisalùk he, e ba menhisìlìk inoatarek mene atì, ageiyo meneat ninhùp-nanhùbat wolok he, an nopolik nìkì logoìgìlùk wesuak o.

YOHANET 10:27

Hit hina'la atì'nogo akegesep meneat he, it aike an nako topa mene halok, nane inasuk holharesik, it en an nebe inelu nogo nen he, nopolìk wagaikarek o.

MATÌÙT 5:48

Halok he, ninopase Ala pogot oba mene oabùt hano motok katoksek logolìk etawìrinaperek hùk, hit atì'nogoat hinetawìrinapì logoino o,” ìlùk yogoisasike.

LUKAT 16:9

Atì halok he, an wene aike yogohisak. Hinagarok yì mene tì mene kweangma mene, ineilmasirogo kolo hagatarek mene atì lek aga halok, hinawì hano motok logousak oba wokhinabuagalùk he, yogotak ya hinagarok atì ba hinagaiya'lak hinom ekaberakìkì logoino o,” ìlùk yogoisasike.

MATÌÙT 19:28

at Yesùt en he, “An nen eberogoat yogohisak. Hit an nopolik nìkì lagep mene yì re, yì mene tì mene Ala nen hobuk ket hùnogoat hagarì'mo nen, an abat ta'lasi wagagi a'nogo hobuk wìrìk, hogo'napo kolek, nobùlùk oba atoma kain were'ma, hit nera'lu atoma hinobùlùk 12 nen talek oba kainat logolìk, apùnì Isirael mene inùkùl etage 12 nen amanogo hit en ùkùm inoba hìgìk, kotìk, ìkì logogun o.

MATÌÙT 16:24

Atì'nogo yogosikesik he, at agoromì ane wanhì lagaukwa mene amanogo aike mel yogoisaaike: “At sa nen an nopolik nìkì logoigìlùk halok he, oabùt okawerek hesik etaùken tùlem logolìk hagaterek mene atì, Nabìt, ìlùk heraksalùk, e ba menhisìlìk inoatarek mene atì ageiyo meneat wolok nopolik nìkì logoigìlùk wesuak o.

LUKAT 6:40

It guru lak wene yakùlisagarek mene sebeksek negen werek kolegat, it inagainapùrì yakùlisagarek mene atì hesaksek negen po ya welagaikarek lek o. Atì'nogo meneat he, sa nen wene arat yakùlìk tùkùm hogo elu arìk halok he, opase yakùlisikerek mene atì eperak hig'irat o.

LUKAT 5:27

Atì'nogo haga'lùk he, at Yesùt o atoma nen wùlìbìk he, kwe laga logolìk eileken yethasike re, ap uang pemerintah hesik kìno ìlìk wanharek mene aike etage Lewi atì, kantor uang kìno ìlìk hìkì lagaike ba hùrek were'ma eileken hasike. Atoma were'ma eileken hìlìk, “Nopolik eme o,” ìlùk yogosikomo re,

MAREKÙT 8:34

Wenagasikesik he, apùnì logolek amanogo inom, agoromì ane wanhì lagaukwa mene amanogo inom, waisasikomo wagaukwama re, mel yogoisasike: “At sa nen an nopolik nìkì logoigìlùk halok he, oabùt okawerek hesik hagaterek mene atì, Nabìt, ìlùk heraksalùk he, e ba menhisìlìk inoatarek mene atì ageiyo meneat wolok he, an nopolik nìkì logoigìlùkk wesuak o.

MATÌÙT 9:9

At Yesùt o atoma hebùlùk laga logolìk, ap aike etage Matìùt, kantor uang pemerìntah hesik waganogo hìkì lagaukwa ba hùrek were'ma, eileken hìlìk, “Nopolik eme o,” ìlùk yogosikomo re, melagaikesik he, opoligat lagaike.

IBERANI 10:34

it aike hele warogo kelaksikenem hinetawìrinapìk, ìkì lagagip atì. Atì'nogo hagatì logolìk hina'la nen he, “Nit mene ningsek hano motok logogin mene werek o,” ìlùk akìkì logolìk he, hit mene yì mene tì mene helikenem hina'la weak agì'lek hai hakìkì lagagip atì.

MAREKÙT 2:14

Yakùlisalùk laga logolìk he, ap Alepeùt aput etage Lewi, kantor uang pemerintah hesik kìno ìlìk wanharek oba hùrek were'ma eileken hìlìk he, “An nopolik eme o,” ìlùk yogosikomo melagaikesik he, opolik lagaike.

MATÌÙT 8:22

Atì'nogo yogosikomo, at Yesùt en he, mel yogosike: “Heraksalùk he, an nopolik eme. Warek mene halok, it apunì inebe warek mene hake werek atoma nenat salinapì logouak o,” ìlùk yogosike.

MATÌÙT 4:19

Lagisìlìk he, “Ikan wanhesep atì hak, apùnì atì'nogoat woginabìk nìkì logouageip en he, yakùlhisak en nopolik we'ni o,” ìlùk yogoisasikomo re,

MATÌÙT 19:20

at ap elege a'nogo nen he, “Wene obogat yogoneten atì re, nasuk hologo logolìk higit hogo hagatìrek meneat o. Mene re, kì mene hagatì'lek welagì akegen,” ìlùk yogosikomo

MATÌÙT 19:22

Atì'nogo yogosikomo, at ap elege a'nogo asuk holhikesik he, agarok motok api'mo nogo nen he, a'la weak a'lùk lagaike.