MATÌÙT 19:16 - Ala Ane Wene Ket Mene Warogo Wo'ninapike Wene

¹⁶ At Yesùt atì'nogo lagaikesik were'ma, ap aike oba wagaikesik he, mel yogosike: “Guru, noe. An nabùlal-habùlal haga'nabuak en he, an noabùt hagatì logousak he, hano ki hake hagatì logousak akegen,” ìlùk yogosikomo,

MATÌÙT 19:16 ပူးပေါင်းရင်းမြစ်များ

YURAT 1:21

Atì'nogo ìkì logolìk, hina'la nen, “Ninoe Etagepogot Yesùt Karìsùt ninebe etawì nen, nit hobuk nabùlal-habùlal haga'ninabigin,” ìlùk, serogo logolìk he, at Ala nen ninebe etawì atì re, hit en at hinom hutigat logoino o.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

1 YOHANET 1:2

Nen, at eluk motok welagarek mene atì, ebe opase eperak eluk motok welagaikesik en, opase nen nit nineileken hoagalùk weinamethesikomo nineileken hasugusik enat abok yogohisìkì lago o.

MATÌÙT 25:46

it apùnì atì yì aik tì aik hìkì logogun oba motok logouagalùk laksegein o. Meneat he, it Ala ane hologo hagatì logogun mene atì ineluk motok logogunmo atoma hisegein o,” ìlùk, yogoisasike.

TITUT 3:7

At Yesùt oabùt hano nen ùkùm ninoba mene korogo wokhìlìk, Ala ninom ninapotkwe hùnogo hinasikomo, nit nina'la nen he, “Nineluk motok logogun o,” ìlùk akìkì lago atì higit hogo eseweregat asuagalùk Ala Areagùn wo'nisasike ìlùk,

1 YOHANET 2:25

Nen, at okawerek en, “Wokhisegein,” ìlùk abok yogonisasike a'nogo re, ninebe nabùlal-habùlal haga'ninabigìluk isike o.

TITUT 1:2

At Ala nen, yì mene tì mene oan elalhì'lek logolìk, nit apùnì hesik mel isike: “Apùnì an nen elalinabìk he, inebe ineluk motok logouagalùk, hano hagarinabigin,” ìlùk, abok isike atì, “Apeliak ikerek lek,” ìlùk nina'la eberek logolìk, ebe wene yakùlisìkì lago atì.

1 TIMOTÌÙT 6:19

Atì'nogo hagatì logogun halok he, yì mene tì mene hobuk mene hesik atogorogo hagarek hak, hano hagatì logolìk, hobuk motok logogin mene hesigat hakìkì logopik he, ninebe eberogoat ninelugu'ninabumo logogun atì meneat heloagalùk inasuk Watì logoino o.

1 TIMOTÌÙT 6:12

Apùnì inawe walhùogolùk sa awewerek sa awewerek walhagarek hak, nineluk motok logogun atì mene hela lagalùk, hetaùken Ala oba hìpìrìk logolìk, at hesik homamerogo hagatì logoino. Atì'nogo hagatì logopik, atì mene hela lanogolùk, Ala nen hayoko hesikomo, hat en he, “Netaùken Karìsùt oba hìpìrethìlìk tì'nogo hagatì logogin,” ìlùk apùnì logolegat ineilhanem pak hogo isigin atì higit hogoat homamerogo hagatì logoino.

LAKSASIKE 16:30

Hobuk, at kain a'nogo melarìk, inebe wogisek wùlìbi wagaikesik he, mel yogoisasike: “Nogogì. An nebe Ala nen telnabuagalùk, noabùt nìkì'nogo hagasik,” ìlùk yogoisasikomo re,

ÙRÙM 5:21

Weak hagataresik wa'lagaikarek atì ba, weak hagatarek mene omame agaike atì hak, ninoe Etagepogot en ùkùm ninoba mene korogo wokhìlìk, Ala ninom hùnogo hinasike atì ba, Ala oabùt hano nen etawì'ninaperek mene atì omame agaikomo re, nineluk motok logogun atì.

ÙRÙM 2:7

At Ala nen he, it apùnì o'moko nen inebe hogorinaparek mene mel, agaugerinaparek mane mel, hili agarek lek mene mel, ese asuogolùk inepe morogo logolìk inoabùt higit hagatarek mene hùgì, inebe ineluk motok logouagalùk hagarinabigin.

YOHANET 12:25

Atì'nogo yogoisasikesik, wene aike mel yogoisasike: “At sa nen, a'la nen he, An kweangma yoma nebe neluk logousak walok, ìlùk akikerek halok he, hobuk ebe eluk motok logousak mene hesik nong asigin o. Meneat he, at sa nen a'la nen he, Kweangma yoma neluk logousak he, nabìt, ìlùk akikerek halok he, at atì hobuk ebe nong agì'lek eluk motok logogin o.

YOHANET 10:28

Nopolik niko kolek, it ineluk motok logouagalùk inelugurinapì logogin atì nen he, it inebe wa'larìk nong asugun lek. It an neki ba werek kolek, it ap aike nen telogo woginabusak mea o.

YOHANET 6:68

Atì'nogo yogoisìkì lagaikomo, at Simon Peterùt a'nogo nen he, mel yogosike: “Eigo. Noe. Ninebe nineluk motok logousak hesik mene re, wene hat en yogonisìkì lagen hake yama re, hat herakhagalùk ap sa ba lasak akegen.

YOHANET 6:47

Sa nen etaùken an noba hìpìrethiko halok he, ineluk motok welagaikarek mene ese agasik werek o, ìlùk, eberogoat yogohisìgì,” ìlùk yogoisasikesik,

YOHANET 5:39

Hit en akìkì logolìk, Nineluk motok logogun he, Ala ane helal waganek hesogo welago yì baat logogun o, ìlùk, helal waganek atì hanorogo hìthegesep meneat he, helal waganek atì, an nebe hùthanuagalùk wanhukwama werek kolegat he,

YOHANET 4:14

i an nen wogisamo niko halok be, it ina'la nen i elesi hake huluk-huluk palogo wùlùpo motok logogin atì nen he, ineluk motok logolìk, it hobuk i nele aga logogun motok lek o,” ìlùk, yogosike.

MATÌÙT 19:29

Halok, an netage hùko asuagalùk sa nen awì wùrìk mel, oe agot mel, erùgì mel, opase agosa mel, againapùrì mel, eyabu siok mel, heraksalùk waga halok he, obùlù'mo Ala nen oko ebe mene motok apik wogotìk, nabùlal-habùlal wogotìk, ìgìn o.

1 TIMOTÌÙT 1:16

Mene re, it apùnì aike hobuk inetaùken Yesùt oba hìpìrethikenem ineluk motok logouagalùk, hagarinabigin mene ina'la nen akìkì logolìk he, “Paùlùt weak hagato kolegat he, Karìsùt Yesùt a'la pùk agì'lek epe morogo motok welagaikesik en, etawìrarìk ebe wanhìke atì re, at en apùnì weak hagatarek mene atì'nogo woginapere'ma hìgì,” ìlùk, Ala oabùt enagat hùthoagalùk, an tak atì'nogo wo'napike atì.

MATÌÙT 19:26

at Yesùt en eileken it inoba hìlìk he, mel yogoisasike: “Apùnì nen hagasusak motok mea meneat he, at Ala nen yì mene tì mene hagasusak elok enek o,” ìlùk yogoisasike.

MATÌÙT 19:15

Atì'nogo yogoisasikesik he, eki inùkùloak sebelhùlùk, atoma nen o wele'ma lagaike.