MATÌÙT 18:4 - Ala Ane Wene Ket Mene Warogo Wo'ninapike Wene

⁴ Sa nen, An mea mene, ìlùk oabùt yekerek yì oabùt hake etaùken okawerek en sebethakìlìk seberogo logogin halok he, at atì Ala awe a'ma hisikere'ma atoma kain etagewerek logogin o.

MATÌÙT 18:4 ပူးပေါင်းရင်းမြစ်များ

YAKOBÙT 4:10

Ninoe Etagepogot awe a'ma kìlìk hinetaùken seberogo logogun halok he, at en hesagathikegeinat o.

MAREKÙT 10:43

Mene re, hit en it hagatarek atì hak atì'nogo hagatì logousak motok lek o. An abat ta'lasi wagagi a'nogo re, hit apùnì nen lebe'nìkì logouageip ìlùk wagagi lek o. At he, an hit lebethisìkì logolìk, hinebe hele homago negen welagep mene atì hinebe logolegat hele hikalhinabigìlùk anat noasuagalùk wagagi atì. Atì nen he, hit aike sa nen, An inoe kain asigin, ìluk akiko halok he, hinagorat asuak. Nen, ht aike sa nen, An netagewerek asìgìn, ìlùk akiko halok he, at ebe hit obogat hinatitigeke asuak o,” ìlùk yogoisasike.

LUKAT 9:48

it amanogo wene mel yogoisasike: “Hit hinekele'ma yoma at etage lek maben mene atìat ebe kain etagewerek asigin atì nen he, sa nen yekerek yì an hesik wanhe halok he, anat wo'nabigin o. Nen, sa nen an wo'napo halok he, at lakhani wagaike mene a'nogoat wanigin o,” ìlùk yogoisasike.

1 PETERÙT 5:5

Nen, atì hagat he, hit ap elege nagoromì. It aike nen Ala ane ba mel isukwa: “Apùnì inokawerek en hogorakikenem, Ala nen inoasigìlùk abìt isikerek o. Meneat he, inokawerek inetaùken seberogo logogun halok, etawìrinaperek o,” ìlùk helal waganogo hesukwama werek atì nen, hit en inalùgetek inawe a'ma kìlìk inane hologo hagatì logoino o. Atì'nogo hagatì logolìk he, hit obogat he, hinokawerek en hogorakìgì'lek inawe a'ma logolìk, hit aike nen it aike inatitigeke welagìk, it en hit hinatitigeke welagìk, ìkì logolìk lebet-lebet ìkì logoino o.

MATÌÙT 18:1

Atì sat he, at Yesùt agoromì ane wanhì lagaukwa mene amanogo oba wagaukwasik he, mel yogosukwa: “Ala awe a'ma hisikere'ma atoma, kain etagewerek he, sa logogin,” ìlùk yogosukwa.

MATÌÙT 18:3

mel yogoisasike: “Hit apùnì yì re, hinepe hebelarìk hinoabùt yekerùgì yì inoabùt hake haga'lasugun lek halok he, Ala nen awe a'ma hisikere'ma atoma kugun motok lek o, ìlùk eberogoat yogohisìgì.

MATÌÙT 18:5

Nen, sa nen yekerek yì hake an hesik wanhe halok he, an nebeat wo'nabigin o,” ìlùk yogoisasike.

MAREKÙT 9:34

it ebekwe laga logolìk, “Kain hetagewerek, hat nogo? An o,” ìgìk, inane sagalìk lagaukwasi'mo nogo nen he, inane ìgì'lek kamo isukwa.