MATÌÙT 18:28 - Ala Ane Wene Ket Mene Warogo Wo'ninapike Wene

²⁸ Atì'nogo lakhesikomo re, at agot a'nogo olilu wùlìpike hak he, at agaiyak ap kain a'nogo agot aike, at wùlìpike a'nogo auang 1.000 mene hamùlùgat wogosike mene oba palek were'ma eperak api agaukwa. Apì agaukwasik ebe hakhìlìk he, alokop perelogo hesogo logolìk, Nagarok hoba palek werek a'nogo oko wo'nom, ìlùk yogosikomo re,

MATÌÙT 18:28 ပူးပေါင်းရင်းမြစ်များ

MATÌÙT 20:2

Wùlìpikesik, ap inayoko hesike mene inom wene mel yogoisasike: Hineki omake hesik hagatep halok he, oko uang ineki omake hesik hagatenem wogisagarek hagat hinebe lopok omakìtek wokhisegein o, ìlùk yogoisasikomo, it en he, Elok, ìlùk yogosukwama re, at eyabumo laksasike.

MATÌÙT 18:27

at kain a'nogo nen, at agot a'nogo etawì agaikesik he, Halok he, an nagarok hat hoba palek mene atì welegat a'no. Heraksìgì, ìlùk wene sagalogo legetsìlìk lakhesike.

MATÌÙT 18:29

at agaiyak a'nogo awe a'ma soma ìlìk hai watì logolìk he, Nagaiyak e. Netawì nììlìk eil omakeat logoino. Wokhesiginat o, ìlùk yogosike meneat he,

MAREKÙT 6:37

Ati'nogo yogosukwama, at Yesùt en he, “Hit enat melagisani o,” ìlùk yogoisasikomo, it en he, mel yogosukwa: “Egi! Apùnì nen yabu ineki omake hesik hagatenem, ineki oko uang wogisagarek atì hake mene, nit en 200 wolok he, sùpùrùk horoti oko palogo apùnì yìgìnì'mo elok melagisoagalùk ìkì lagen? Mea o,” ìlùk yogosukwa.

MAREKÙT 14:5

Amusu yì ba, uang perak apùnì yabu ineki omake hesik hagatenem ineki oka omakìtek wogisagarek a'nogo mene 300 nen wìlìk en he, apùnì inagarok lek mene sùpùrisasak mene,” ìlùk, he a'nogo wenagasukwa.

LUKAT 7:41

at Yesùt en he, mel yogosike: “Ap inebe pìre mene, ap aike auang elama hesik wogisìkì lagaike mene nen wogisasikomo inoba palegeke welagaike. Aike uang hùko mene 500 ribu rupiah hake. Nen, aike 50 ribu rupiah hake inoba palek welagaike.

LUKAT 10:35

Serogo nogo ìlùk he, hùenkwe re, ap a'nogo nen he, ap o atì esewerek mene uang perak mene pìre wogotì logolìk he, mel yogosike: Ap yì serogo logoino. Serogo logolìk he, hat mene yì mene tì mene wogotì logogin mene, oko wokhetì yì lek aga halok he, an hobuk wìrìk oko wokhesigin o, ìlùk yogosike,” ìlùk, Yesùt en ap Ala ane halal waganek esewerek mene a'nogo yogosike.

YOHANET 6:7

Atì'nogo yogosikomo, at Pilipùt en he, mel yogosike: “Apùnì nen yabu ineki omake hesik hagatenem ineki oko uang wogisagarek atì mene nit en 200 oba sùpùrùk horoti mene oko pali lamo re, apùnì yoma, hamùlùk hamùlùk eken wokhìgìk elok nasak? Meaat o,” ìlùk isikomo re,