MATÌÙT 18:23 - Ala Ane Wene Ket Mene Warogo Wo'ninapike Wene

²³ Atì hake re, Ala nen awe a'ma hisikere'ma atoma eperak higit he, ap kain etagepogot aike agarok agoromì nen hesogo welagaukwa mene waisasike. An enek sabùrogo hanhama a? It aike inoba palek werek a, ìlùk eki wenasigìlùk waisasikomo wagaukwama re,

MATÌÙT 18:23 ပူးပေါင်းရင်းမြစ်များ

MATÌÙT 13:24

At Yesùt en wene atì'nogo yogoisasikesik he, wene aike oba lìrogo mel yogoisasike: “Ala nen awe a'ma hisikere'ma atì ebe re, ap aike awì hano mene yasike atì hakeat o.

ÙRÙM 14:12

Hobuk he, ninebe lopok en, “An yì'nogo hagatìma atì, tì'nogo nen hagatì o,” ìlùk, wene pìlìngìrogo at Ala at yogosugun o.

MATÌÙT 13:47

Atì'nogo yogoisasikesik he, aike mel yogoisasike: “At Ala nen awe a'ma hisikerek atì ebe re, mel hake. Ikan wanuogolùk su yoge su i laut hùko atì yekele'ma a'la pelapenem yì ikan tì ikan ùkùl etage lopok motok a'la kalaga halok,

MATÌÙT 3:2

“Kain pogot oba mene awe a'ma hinegein a'nogo yogotak arat hinegein. Halok he, weak hagatì lagep mene heraksìlìk hinoabùt hebela'ni o,” ìlùk yogoisìkì lagaike.

1 KORÌTÙT 4:5

Atì nen he, at en ùkùm apùnì inoba hìgìk, kotìk, igin atì like oan asi wagì'lek werek kolek, hit en it aike ùkùm inoba hìgìk, kotìk, usak motok lek o. We, at ninoe Etagepogot ebe wìrìk en he, apùnì nen hùako hinagasogo hagarì'lùgì mene sele'mathìgìk, Tì'nogo hagasugun, ìlùk akalìk ina'la sebelek werek mene atì hukalogo hìgìk, i wesigin atì serogo logousak o. Atì'nogo hukalogo hikenem, Ala nen he, hano hagata mene inebe lopok hogorinabusak meneat hogorinabigin o.

MATÌÙT 25:14

At Yesùt en atì'nogo yogoisasikesik he, aike mel yogoisasike: “Ala nen awe a'ma hisikere'ma atoma, eperak higit he, ap aike o walegat hùnogoma lagalùk ìkì logolìk, at atitigeke mene waisasikomo wagaukwama re, at agarok yì mene tì mene it hesogo logouagalùk ineki ba hùlùk lagaike atì hakeat o.

MATÌÙT 13:52

Atì'nogo yogosukwama, at Yesùt en he, “Halok he, it ap Ala ane helal waganek esewerek mene amanogo nen, Ala nen awe a'ma hisikerek a'nogo wene yakùlho halok he, atì mel hake usak. Ap kain mene agarok etaùken hutìk mene hakikerek oba nen, ket mene wulabi wagìk, hageat mene wulabi wagìk, hobugalep wulabi wagarek hagat o,” ìlùk yogoisasike.

MATÌÙT 13:33

Atì'nogo yogoisasikesik he, wene aike oba lìrogo mel yogoisasike: “Ala nen awe a'ma hisikerek atì ebe re, eken sùpùrùk horotì mene a'la hikenem hìterek atì hakeat o. He aike nen gandum sagalek tepung wul hake mene 40 liter yalelogo wìlìk, eken horotì hisuagalùk a'la pelakhìlìk ìpìkwe-apìkwe hagasikomo re, ebe obogat motok hisike atì hakeat o,” ìlùk yogoisasike.

MATÌÙT 13:31

At Yesùt en atì'nogo yogoisasikesik he, hobuk wene aike oba lìrogo mel yogoisasike: “At Ala nen awe a'ma hisikerek atì ebe re, kìbì-kìbì eken hake o. Ap aike nen kìbì-kìbì eyabumo heik lakhesike. Yì mene tì mene awì atì hamùlùtegat meneat he, kìbì-kìbì awì atì nek motok hamùlùtegat o. Mene re, kìbì, wùtat mel, aike mene mel, hulelheresik he, oake hamùlùgat negen lagaikerek. Meneat he, kìbì-kìbì awì atì nek he, motok hùkoat lagaikeresik, e hake haga'laganem he, sùe purogo nikerek mene wìrìk he, kìbì-kìbì atì eki bakwe awì wusi wagarek atì hùkeat o,” ìlùk yogoisasike.

MATÌÙT 25:1

At Yesùt en atì'nogo yogoisasikesik he, wene aike mel yogoisasike: “Ninopase Ala nen awe a'ma hisikere'ma atoma eperak higit he, hìlìmìkìrùgì inebe 10 nen lampu kìalogo wolok ap aike agwe ìkagalùk waganem elokoma lagaukwa atì hakeat o.

MATÌÙT 7:24

Atì'nogo yogoisasikesik, aike mel yogoisasike: “Halok he, sa nen, an nane atì asuk holìk higit hogo hagate halok, at en yì hake hagasigin o. Ap aike etaùken werek mene nen o helep oba louk hogo wùsikomo,

MATÌÙT 18:24

agarok amanogo eki wenatenem he, agoromì amanogo aike uang juta motok apik oba palek welagaike mene oba wolok Wagaukwa.