MATÌÙT 18:19 - Ala Ane Wene Ket Mene Warogo Wo'ninapike Wene

^19-20 “Nen, wene aike yì yogohisak. Hit hinebe pìre a? Hìnagan a, an netage ba atogosugun halok he, an nebe hinekele'ma atoma logogin atì nen he, hit hinebe pìreinagùn nen kweangma yoma logolìk, hinetaùken omakeat arìk, hit en, Aike wo'nisan, ìlùk, we, nena mene Ala kìno yogosugun halok he, kìno ugun mene atì, an nopase pogot oba mene nen hinane asuk holìk he, wokhisegeinat o,” ìlùk yogoisasike.

MATÌÙT 18:19 ပူးပေါင်းရင်းမြစ်များ

MATÌÙT 7:7

Atì'nogo yogoisasikesik aike mel yogoisasike: “It apùnì inebe lopok en Ala kìno yogotenem he, at en inebe lopok wogisikerek enek atì. Nen, it aike inebe lopok en yì mene tì mene at oba heratenem he, inebe lopok herakagarek enek atì. Nen, it aike inebe lopok en kwe ane papagathikenem he, at en inebe lopok kwe hùrisikerek enek atì. Atì nen he, hit he, Ala kìno yogotì logoino. Yogotì logoumo, wokhisegeinat o. Hano mene at oba heratì logoino. Heratì logoumo herasugunat o. Nen, kwe ane papagathìkì logoino. Papagathìkì logoumo re, at en kwe hùthikegeinat o.

MAREKÙT 11:24

Atì'nogo hagaterek atì nen he, hit en yì mene tì mene Ala kìno yogotì logolìk, hina'la nen, Arat wo'nisikomo, ìlùk akegep halok wokhisegeinat o, ìlùk yogohisìgì.

YOHANET 16:23

Hùlì atì hùlì arat asi lìlìk he, hit en wene aike an noba hinok wo'neogoin motok lek o. Halok, an nen wene aike yogohisak: Hit en yì mene tì mene an netage palogo nopase kìno yogosugun halok he, at en wokhisegeinat o, ìlùk eberogoat yogohisìgì.

MATÌÙT 21:22

Nen, hit yì mene tì mene Ala kìno yogotì logolìk hinetaùken at oba hìpìrethegep halok he, wokhisegeinat, o,” ìlùk yogoisasike.

YOHANET 15:7

Hit an ninom hutik logolìk nane hina'la werek halok, we, nena mene hit walok mene an kìno yogonesumo wokhisamo helogoinat o.

1 YOHANET 3:22

at en wene ninasuk wasike wene higit hogo hagatìk, at eilhanem a'la hanorogo nek hagatìk, ìkì lago atì nen, nit yì mene tì mene kìno yogotenem, at en wo'nisìlì'logo.

LAKSASIKE 12:5

At Peterùt eki hele warogo kelakhìlìk werek kolek he, it Ala againapùrì nen sapan at hesik kamo ìgì'lek hutik-hutigat inetaùken oba nenat motok ìkì lagaukwa.

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

LAKSASIKE 1:14

It inebe atem mel, Yesùt agosa Maria mel, hìmì aike mel, Yesùt agoromì opolik mene inomat, inebe obogat inetaùken omakeat logolìk he, sapan iko motok welagaukwa.

MATÌÙT 5:24

wolok legein mene atì Ala hesik hisagarek oba atoma welegat halùk, hobuk sùgùlogo hapotkwe hagaiyak a'nogo oba wìrìk, wene sagalogo legethousak o. Nen, wene arat sagalhep halok he, hobuk lìlìk Ala awe a'ma a'nogo housak o.

LAKSASIKE 6:4

Menhisamo, it atì'nogo hagato kolek, nit en he, sapan ìgìk, wene ebe wene atìat yogoisìgìk, iko logogun,” ìlùk yogoisasukwa.

LAKSASIKE 16:10

Abìkakan atì'nogo hasikomo, nit en he, mel isugu: “Wene hano wane it apùnì atoma mene yogoisa loagalùk, Ala nen ninayoko hike hìgì,” ìlùk isugusik he, o Maketonia wùlìbi wesuogolùk isugu.