MATÌÙT 18:15 - Ala Ane Wene Ket Mene Warogo Wo'ninapike Wene

¹⁵ At Yesùt en atì'nogo yogoisasikesik he, aike mel yogoisasike: “Hat aike herei hagaiyak aike nen weak hagathape halok he, hat at oba lìlìk heperak hinaligat logolìk he, Atì'nogo hagasusak lek o, ìlùk pak hogoat asuk wa'no. Atì'nogo watenem, asuk holhe halok he, sagalogo heperak hano asusak.

MATÌÙT 18:15 ပူးပေါင်းရင်းမြစ်များ

KOLOSE 3:13

Hit-hit aike nen aike weak hagathinapenem, eken hìgì'lek hinepe morogo logolìk, sagalogo heraksìkì logoino. Hit weak hagatì lagagip mene, ninoe Etagepogot en sagalogo heraksasike hak, hit-hit atì'nogoat sagalogo heraksìkì logoino o.

KALATIA 6:1

Nerùgì nagaiya'lak. At aike weak hagatenem hineileken hegep halok he, at atì apotkwe oabùt hebelasuagalùk, hit Ala Areagùn eberogoat hina'la werek mene nen hinane lìok hogo asuk wa'no o. Asuk atì'nogo watenem, hit atì'nogoat hinoba asinogo ìlùk, hinokawerek hinepe hebelogo logoino.

2 TESALONIKA 3:15

Atì'nogo meneat he, hinom weim palek negen hagatì logogùp o. We, “Ninerùgì ninagaiya'lak Ala againapùrì meneat,” ìlùk, inasak hanorogo watì logoino o.

MATÌÙT 18:35

Atì hagat, hit hinerùgì hinagaiya'lak en weagathinabì'lùgì mene atì hinetaùken nenat sagalogo legetsìgì'lek halok he, an nopase pogot oba mene nen atì'nogo hagathinabiginat o,” ìlùk yogoisasike.

ÙRÙM 12:21

Weak hagatarek mene atì omame arìk hit mabenethikanogo ìlùk he, hit hano hagatì logolìk, hinomame arìk he, weak hagatarek mene atì mabenetsìkì logoino o.

1 PETERÙT 3:1

Ati hak, hit hìmì aike hinagonì Ala ane wanhì'lek mene hinane yogoisogoin oba hùk. We, hinoabùt hineil lopok hogo hinagonì inane hologo hagatenem, it en ineileken hisìlìk, Ala werekwe wìrìk ane wanuagalùk, hinokawerek hinagonì lopok inawe a'ma kìlìk inane hologo hagatì logoino o.

1 KORÌTÙT 8:12

Hinerùgì hinagaiya'lak inetaùken akut mene ineil salogo weagarinapìk, inetaùken menetìk, ìkì lagep atì re, Karìsùt ebeat eil salogo hagatì lagep o.

2 KORÌTÙT 7:12

An nen sùesika helal waganogo hinoba lakhei wagagi meneat he, at aike weak hagasike atì nen lakhei wagagi hùk. Nen, at weak hagasike atì ba it aike nong agaukwa mene atì hesik lakhei wagagi hùgat o. Atì re, we, hit hinokawerek hina'la nen he: “Nit Paùlùt lak ninetawìrogo it hesik keirogo hagasusak welago hìgì,” ìlùk Ala eilhanemat, hinokawerek hinoabùt paloageip en ìlùk lakhei wagagi o.

1 TESALONIKA 4:6

Ati mene hesik higit hogo hagatì logolìk he, hinerùgì hinagaiya'lak ineil salogo inagagwì inagonì mene pailak haksasak lek o,” ìlùk, Ala a'la nen atì'nogo akìlìk yogonisikerek atì. Atì'nogo ikerek atì nen, alebat nit en ìkì logolìk he: “It apùnì pailak atì'nogo haksagarek mene hùgì, ninoe Etagepogot en ùkùm inoba hegein werek o,” ìlùk, hinasuk ning hogo warogo yogohisasugu atì.

MATÌÙT 18:14

Atì hak he, hinopase pogot oba mene a'nogo nen he. Yekerùgì magatek atì hake omakeat aike nalasi lasak he, motok abìt o, ìlùk akikerek,” ìlùk yogoisasike.

MATÌÙT 18:21

At Yesùt en atì'nogo yogoisasikomo re, at Peterùt oba wagaikesik he, mel yogosike: “Noe. An nagaiyak aike nen weaga'nape halok he, wene atì eken hìgì'lek he, neki mìren oba sagalogo legetsasak nogo. Hùlì neki 7 ba nen sagalogo legetsasagat a? Mea a,” ìlùk yogosikomo,

TITUT 3:10

It aike nen, Ala againapùrì mene it-it inom weak asuagalùk, hagarì'lùgì mene atì, inasuk emakum warìk he, hobuk wa'no. Atì'nogo wasigin mene, inasuk holhì'lek halok, hinom hutik logogùp o.