MATÌÙT 18:11 - Ala Ane Wene Ket Mene Warogo Wo'ninapike Wene

¹¹ An abat ta'lasi wagagi a'nogo re, apùnì nong arì'lùgì mene atì heragasogo telinabigìlùk wagagi o.]

MATÌÙT 18:11 ပူးပေါင်းရင်းမြစ်များ

LUKAT 19:10

Telhinape mene atì, an abat ta'lasi wagagi a'nogo, it apùnì nong arì'lùgì mene heragasogo telinabigìlùk wagagiat o,” ìlùk yogoisasike.

MATÌÙT 18:12

Hina'la nìkì'nogo akegep. Ap aike ako topa wam ebe 100 nen were'ma, 99 enek ùkùl oba lagalìk hano werek kolek, omakeat aike kwe nong arìk he, nalasi laga halok hobuk herasi lasak lek nogo? Herasi lasagat o.

MATÌÙT 9:12

Atì'nogo yogoisasukwama, at Yesùt asuk holhikesik, mel yogoisasike: “It apùnì aike inoba hano mene, loktet lak en ou hagarinabuagalùk inayoko housak nogo? Lek o. We inoba ou werek halogat loktet lak inayoko housak o.

MATÌÙT 10:6

We, apùnì Isirael mene wam topa wam kwe nong agarek hak kwe nong agaikasik werek atì inobakwe isìlìk lano o.

MATÌÙT 15:24

Atì'nogo yogosukwama, at Yesùt en he, mel yogoisasike: “Ala nen, It apùnì Isirael mene inebe re, wam topa wam nalagarek atì hak werek atì nen, it enek isa lan ìlùk lakhani wagama o,” ìlùk yogoisasike.

LUKAT 9:56

Atì'nogo wenagisalùk he, o hùnogoma aike lagaukwa.

LUKAT 15:24

An naput yì wa'laga akogo mene eluk a'lùk waga yì! Motok nalaga meneat he, hobuk herakogo yì, ìlùk, ina'la hai apik hùkasukwa.

LUKAT 15:32

Meneat he, hat hagot yì re, wa'laga akogo mene re, eluk a'lùk waga o. Nalaga mene herakogo o, atì nen he, nina'la hai hakìkì logolìk hagasusak meneat hagatì lago, ìlùk yogosike,” ìlùk Yesùt en yogoisasike.

YOHANET 3:17

Nen, an Ala aput kweangma yoma lakhani wagaike atì re, yì apùnì tì apùnì ùkùm inoba hìlìk weagarinabuagalùk lakhani wagaike hùk. We, inebe telinabuagalùk lakhani wagaike o.

YOHANET 10:10

Nen, it ap yogot wanharek mene wagaikarek atì, wam topa wam yogot hinatìk, inoatìk, inebe motok legetsìgìk, hagasuogolùk wagaikarek meneat he, an wagagi atì nek he, it apùnì yì mene tì mene api'mo oba hilarogo welagaikarek atì hak, inebe ineluk motok logouagalùk inelugurinabì'mo nen ebe mene oba hilarogo logouagalùk wagagi o.

YOHANET 12:47

An kweangma yoma pi wagagi atì re, apùnì ùkùm inoba heigìlùk pi wagagi hùk. We, inebe telinabigìlùk pi wagagi atì nen he, at sa nen an nane asuk holìgat he, nane hologo hagatì'lek halok, an nenat ùkùm oba hegein hùk. Lek o.

1 TIMOTÌÙT 1:15

Apùnì weak hagato were'ma Karìsùt Yesùt en ninebe telninabigìlùk kweangma yoma pi wagaike ìlùk ìgì atì, apùnì nen he, “Wene atì eberogoat,” ìlùk tùkùm hogo wanusak mene. Apùnì aike weak hamùlùgat negen hagatarek meneat he, an enek he, weak hùko motok hagatì lagagi atì.