MATÌÙT 18:10 - Ala Ane Wene Ket Mene Warogo Wo'ninapike Wene

¹⁰ Atì'nogo yogoisasikesik he, aike mel yogoisasike: “Malaikat Ala nen pogot oba nen yoko pelaksa wagarek mene nen yekerùgì yì hake serisek logolìk nopase eilhanem motok welagaikarek atì nen he, yekerùgì atì hina'la meatsagùp o. [

MATÌÙT 18:10 ပူးပေါင်းရင်းမြစ်များ

IBERANI 1:14

Ala agoromì malaikat atì inebe re, nìkì'nogo hagatarek mene nogo. It inebe re, nit Ala nen telninabigin mene hùgì lebe'nisìkì logouagalùk, at en inayoko hìlìk laksa wagarek meneat o.

LUKAT 16:22

“Atì'nogo niko were'ma, at Lasarùt eilmo lek mene a'nogo wa'lagaike. Wa'lagaikomo re, it malaikat pogot oba Ala nen yoko pelaksa wagarek mene amanogo aike wagaukwasik, ebe wolok he, ap Aberaham era'lu hei lagaukwa. Hei lagaukwama nen he, hobuk ap kain agarok apik mene a'nogo wara'lagaike. Wa'lagaikomo re, kweangma salhukwa.

MATÌÙT 24:31

Atì'nogo waga logolìk he, an nen it malaikat Ala nen pogot oba nen yoko pelaksa wagarek mene amanogo laksa waga logolìk he, napìkon ane hùkoat pak hogo ikenem he, it en apùnì an nen wenaginapigi mene amanogo, o ma'lomakwe, po'lomakwe, ìlìkwe, yìkwe, o pogot erokwe erokwe a'loma nen motok atogorinabugun o,” ìlùk yogoisasike.

LUKAT 1:19

at malaikat a'nogo nen he, “An Ala eilhanem metek welagìrek mene netage Kapiriel atì nebe anat o. Hano wene yì yogohesuagalùk, at Ala nen yoko lakhani wagama wagì o.

MATÌÙT 18:14

Atì hak he, hinopase pogot oba mene a'nogo nen he. Yekerùgì magatek atì hake omakeat aike nalasi lasak he, motok abìt o, ìlùk akikerek,” ìlùk yogoisasike.

MATÌÙT 18:6

Atì'nogo yogoisasikesik he, aike mel yogoisasike: “Sa nen yekerùgì magatek yì hake aike etaùken an noba hipirìk were'ma kopologo herakhanuagalùk a'la kagaligin oba an kopologo herakhanhe halok, at a'la kagalhewerek atì helep hùko mene alokopma hele kelogo re, i laut yekele'ma tùlem atoma temuk hogo pelaksamo i lelepma re, hano o.

MATÌÙT 2:19

At kain Herotet a'nogo arat wa'lagaikomo re, malaikat Ala nen lakhei wagaikomo wagaikesik he, Yùsùp o Mesit atoma logolìk nogo ikenem hùako abì ba re, mel yogosike:

MATÌÙT 2:13

It ap hesagal ineileken nen wolok wagaukwa mene amanogo arat lagaukwama re, hùako at Yùsùp nogo ikenem malaikat pogot oba nen wagaikesik he, abì ba mel yogosike: “Yùsùp. Hat he, omalik tago arì agosa eperagat wogisek, o Mesit atoma hese lan o. Lìlìk he, atomaat logoino. Were'ma, an nen yogohetì halogat we'no. At kain Herotet a'nogo nen omalik tago arì wasigìlùk ìlì'logo o,” ìlùk yogosikomo abì hasike.

MATÌÙT 1:20

Atì'nogo akìkì logolìk, hùako nogo ikenem he, at malaikat Ala nen pogot oba nen yoko pelaksa wagarek mene aike oba wagaikesik he, mel yogosike: “Yùsùp Taùt opa yì. Hat he, He Marìa atì wanu nabìt, ìlùk ha'la akagùn o. Omalik atì Ala Areagùn nenat a'mathikomo. Halok he, wanino.

1 TESALONIKA 4:8

Wene atì hit aike nen heraksìkì lagep halok he, nit apùnì ninane mene heraksìkì lagep hùk. Lek o. We, Ala nen Areagùn hit wokhisikerek mene a'nogo ane meneat heraksìkì lagep o.

1 KORÌTÙT 11:22

Hit atì'nogo hagatì lagep atì nenahalok. Sùpùrùk nìkìk, i nikìk, usak he, hinawì wùrìk le'ma a? Ì a, Ala againapùrì hinom atogotì lagep mene hina'la nen meatsìgìk, inekim lek mene inekalì asuagalùk hagatìk, ìkì lagep a. An wene kì'nogo mene yogohisegein. Hogothinabigin a? Lek o. An wene yì hesik hogothinabigin lek o.

1 KORÌTÙT 16:11

At waganem he, it apùnì aike nen, “At ebe mea,” ìlùk ina'la meathousak motok lek o. At apotkwe noba waga logolìk he, ninerùgì ninagaiya'lak he'nakìt amanogo inom nea wesuagalùk serisek welagì atì nen he, at hanorogo lebethìkì logoino o.

ÙRÙM 14:10

Nerùgì nagaiya'lak. Nit ninebe obogat Ala nen ninanema waniginmo logoin meneat he, hit hinerùgì hinagaiya'lak hinom hinetaùken Ala ba hìpìrethìkì lagep mene atì, nenahalok ùkùm inoba hìgìk, hina'la meatsìgìk, ìkì lagep.

LAKSASIKE 12:15

Atì'nogo yogoisasikomo, it en he, “Eige. Hele yì lùgùlùgì palhen hìgì,” ìlùk yogosukwama, at en he, “Lek o. Eberogoat,” ìlùk ane keirogoat isike. Atì'nogo isikomo, it en he, “Halok he, atì malaikat Ala nen yoko pelaksa wagarek mene amanogo, aike Peterùt hesik pelakhei waga mene he a,” ìlùk isukwa.

LAKSASIKE 10:3

Atì'nogo iko motok logolìk he, eki aike sapùl, o mo hea i laga kolek jam 3 hake, abìkakan mel hasike. Malaikat Ala nen yoko pelaksa wagarek mene amanogo aike pi wagaikesik Korenelìùt oba kìlìk he, “Korenelìùt,” ìlùk yogosike.

LAKSASIKE 5:19

Hisasukwama, were'ma re, malaikat ninoe Etagepogot en yoko pelaksa wagarek mene amanogo aike hùako pi wagaikesik he, o apùnì ineki hele warek hisagarek oba, kwe yagarek mene hua'lapuk hìlìk inebe wogisek wùlìbi wagaike.

1 TIMOTÌÙT 4:12

Hat hebe elege oan welagen atì nen, it apùnì aike nen ina'la meathagousak lek o. Hebe elegeat logolìk, apùnì aike inetaùken Ala oba hìpìrìk werek mene hùgì nen hat hoabùt wanuagalùk, hane higit hogo yogoisìgìk, hoabùt higit hogo hagatìk, apùnì hetawìrinapìk, hetaùken Karìsùt oba hìpìrìk welagìk, weak hagatì'lek heil lopok hogo welagìk, ìkì logoino.

1 KORÌTÙT 9:22

It apùnì inetaùken akut mene Karìsùt hesik woginabigìlùk he, an noabùt he, netaùken akut mene salek welagì. It apùnì obogat inoabùt hagatarek lopok hagatì lagì atì re, it mene aike telinabigìlùk atì'nogo hagatì lagì o.

ÙRÙM 15:1

Nit aike, ninetaùken Ala oba wurik hogo hìpìrìk welago mene nen, ninokawerek hesik enek nina'la hanorogo hagatì'lek, we, it aike inetaùken akutmo abolok werek mene atì, lebethisìkì logousak o.

ÙRÙM 14:21

Hat en he, wam kùrìk nìkìk, eken amusu nìkìk, yì mene tì mene hagatìk, ikenem he, herei hagaiyak aike weak asigin atì nen he, nìkì'lek heraksìkì logoumo hano.

ABÌKAKAN 8:2

Atì'noga welagasik en, hobuk neileken lakhìgì hak he, malaikat inebe 7 nen Ala nen pìkon ane hake mene hake ebe 7 nenat wogosikomo, at elokoma metek were'ma isìgì.

KALATIA 6:1

Nerùgì nagaiya'lak. At aike weak hagatenem hineileken hegep halok he, at atì apotkwe oabùt hebelasuagalùk, hit Ala Areagùn eberogoat hina'la werek mene nen hinane lìok hogo asuk wa'no o. Asuk atì'nogo watenem, hit atì'nogoat hinoba asinogo ìlùk, hinokawerek hinepe hebelogo logoino.

2 KORÌTÙT 10:1

An Paùlùt Karìsùt oabùt enago hano a'nogo oabùt waganogo, nokawerek en wene aike hinasuk wasik. It aike nen he, “At ebe horok hogo ninom logolìk he, oabùt lìok hogo wene yogonisikerek. Meneat he, ebe walegat logolìk he, oabùt ayù'lek ning hogo yogonisikerek,” ìlùk egarek mene a'nogo hobuk hinoba wìrìk noabùt nayù'lek logolìk nane ning hogo yogohisanogo ìlùk, hùthoageip ìlùk nane lìok hogo yogohisìgì. It atì nen he: “Paùlùt lak atì re, apùnì inoabùt inesogat logolìk inoabùt waganogo hagarì'lùgì,” ìlùk ninabok weak palì'lùgì mene atì, noabùt nayù'lek nane ning hogo wenagisa wesigin ìlùk wenesùgì ebetì lagì.

LUKAT 10:16

Atì'nogo yogoisìlìk he, at agoromì ane wanhì lagaukwa mene amanogo mel yogoisasike: “It apùnì nen hit hinane holì'lùgì halok he, an naneat holì'lùgì o. Nen, Ninabìt, ìlùk herakhikaga halok he, anat herakhanha o. Nen, an herakhanha halok he, an lakhani wagaike mene a'nogo ebeat heraksaga o,” ìlùk atì'nogo yogoisìlìk he, laksasike.

MATÌÙT 12:20

O wùrep oba at en ùkùm apùnì inoba hìgìk, kotìk, higit hogoat ìkì logolìk, at omame asigin atì oan werek kolek, heiteka oak sigilik mene, at en hukaligin lek o. Nen, esage amulok lagagì'lek hule nek lagaike halok he, at en nogoligin legat o.

IBERANI 9:24

at Karìsùt o Ala okawerek awì ìlùk apùnì nen oba lìrogo wusukwa ba atì kisike hùk. Lek o. We, pogot ebe ba kisikesik Ala were'ma atoma nit hesik werek o.