MATÌÙT 17:9 - Ala Ane Wene Ket Mene Warogo Wo'ninapike Wene

⁹ Atì'nogo haga'lùk he, tom oba a'nogo nen pi waga logolìk, at Yesùt en mel yogoisasike: “An abat ta'lasi wagagi a'nogo re, nebe noatenem wa'larìk were'ma, Ala nen nelugu'napì'lek werek kolek, an haga'laganem hineileken neegep a'nogo apùnì aike motok yogoisagùp o. We, hobuk Ala nen nelugu'nape halok en, yogoisasak o,” ìlùk inasuk warìk warìk pi wagaike.

MATÌÙT 17:9 ပူးပေါင်းရင်းမြစ်များ

MAREKÙT 8:30

at en agoromì obogat yogoisìkì logolìk: “An nebe hesik ìke atì re, hit en apùnì aike motok yogoisagùp o,” ìlùk inasuk wasike.

LUKAT 8:56

Atì'nogo yogoisasikomo, at helekerek a'nogo opase agosa nen he, “Nayùk e!” ìlùk, hogorasukwa meneat he, at Yesùt en he, mel yogoisasike: “Hagatenem hineileken neegep mene atì, apùnì aike motok yogoisagùp o,” ìlùk, inasuk wasike.

MATÌÙT 17:23

noasugun o. Noasumo, nebe warek neki pìre were'ma, aike nen he, Ala nen nelugu'nabigin o,” ìlùk yogoisasikomo re, ina'la motok weak arìk lagaike.

MATÌÙT 17:12

an wene eberogoat yogohisak. At Elia ebe arat wagaike meneat he, it apùnì nen motok hùthìgì'lek wongothìkì logolìk he, atì'nogo hagasu walok en, at ebe weagathesukwa hagat, an abat ta'lasi wagagi a'nogo re, nebe atì'nogo weaga'nabugunat o,” ìlùk yogoisasikomo re,

MATÌÙT 8:20

Atì'nogo yogosikomo, at Yesùt en he, “Lo yeke atì re, awì wùrìk akola welagarek. Nen, sùe purogo nikerek mene atì, awì wùrìk welagaregat. Mene re, an abat ta'lasi wagagi atì nek he, nogo ìkì logousak oba nawì wùrìk he, motok lek o,” ìlùk yogosike.

MATÌÙT 8:4

Hano agaikomo re, at Yesùt en he, mel yogosike: “Hat en he, Yesùt en tì'nogo haga'nape, ìlùk, apùnì aike motok yogoisagùn o. We, ap Ala esewerek mene nen eileken heoak en oba lìlìk mel haga'no o. At Musa nen, ìkì logolìk he, Apùnì inoba hano arìk, Ala hesik tì'nogo hisasak o, ìlùk isike higit hogoat hisikenem hùtheoak en he, aike hisa lano o,” ìlùk yogosike.

MATÌÙT 12:16

“An nen hagathinapì yì re, nabok apùnì aike motok yogoisagùp o,” ìlùk inasuk warogo yogoisasike.

MATÌÙT 17:8

inot le'larìk ineileken hìthasukwa re, it aike inom lek. We, at Yesùt aligat enek were'ma hasukwa.

MATÌÙT 17:20

at Yesùt en he, “Hit hinetaùken tùkùm hogo noba hìpìrethìkì lagep lek atì nen o. Kìbì-kìbì eken magakelak mene heik lakhagarek atì hak, hinetaùken an noba hamùlùgat enek hìpìrethìlìk he, tom arì yogotì logolìk, Aroma nen hìgìlogo wele'ma atoma asi lan o, ìlùk gosugun halok he, atoma nen wele'ma atoma asi lasagat o. Hit en yì mene tì mene hagasumo re, aike mea agì'lek hano nek asigin, ìlùk eberogoat yogohisìgì. [Mene re, mokareke oabùt weak mene yì hake ina'la kìlìk were'ma re, sùpùrùk nìkì'lek sapan umo nek he, elok henogo wùlùbusak o,]” ìlùk yogoisasike.

MATÌÙT 17:22

Hobuk he, at Yesùt agoromì inom o Kalilea atoma atogosukwasik logolìk he, mel yogoisasike: “An abat ta'lasi wagagi a'nogo re, ap en yoko lìlìk it aike ineki ba hanumo,

LUKAT 9:36

Atì'nogo yogoisasike atì, ane kopok hogo, ineileken hìthasukwa re, at Yesùt aligat were'ma hasukwa. Atì'nogo haga'lagaikomo ineileken hasukwasik, wene haga'lagaike mene atì, atì sat en apùnì aike yogoisìgì'lek ina'laat welagaukwa.