MATÌÙT 17:22 - Ala Ane Wene Ket Mene Warogo Wo'ninapike Wene

²² Hobuk he, at Yesùt agoromì inom o Kalilea atoma atogosukwasik logolìk he, mel yogoisasike: “An abat ta'lasi wagagi a'nogo re, ap en yoko lìlìk it aike ineki ba hanumo,

MATÌÙT 17:22 ပူးပေါင်းရင်းမြစ်များ

MATÌÙT 16:21

Hùlì atì hùlì nen he, at Yesùt en agoromì ane wanhì lagaukwa mene amanogo at hobuk hagasigin mene pak hogo mel yogoisasike: “An o Yerusalem a'loma lasak welagì o. Lamo re, it ap inalùgetek amanogo mel, Ala esewerek mene inogogì kaintek mel, Ala ane helal waganek esewerek mene mel, inom en, yì aik tì aik apigat haga'nabìk nebe noasugun o. Noasumo, nebe warek neki pìre were'ma re, aike nen he, Ala nen nelugu'nabigin o,” ìlùk pak hogo yogoisasike.

MAREKÙT 8:31

At Yesùt en atì'nogo inasuk wasikesik he, wene hobuk aike mel yogoisasike: “An abat ta'lasi wagagi a'nogo re, it ap inalùgetek mel, Ala esewerek mene inogogì kaintek mel, Ala ane helal waganek esewerek mene mel, inom en an nebe inabìt arik yì aik tì aik apigat haga'nabìk, nebe noasugùn o. Noasumo nebe neki pìre warek logopik he, aike nen, neluk asigin o,” ìlùk

MATÌÙT 17:23

noasugun o. Noasumo, nebe warek neki pìre were'ma, aike nen he, Ala nen nelugu'nabigin o,” ìlùk yogoisasikomo re, ina'la motok weak arìk lagaike.

LUKAT 24:46

Atì'nogo inetaùken healogo yogoisìkì logolìk, “Ala nen Karìsùt ayoko hìlìk lakhei wesigin isike mene helal mel ìlùk waganek werek: Yì aik tì aik hìlìk hìlìk wa'larìk en, eki pìre warek logopik he, aike yì nen he, wa'la'lùk lagaikare'ma nen eluk asigin o, ìlùk helal waganek werek.

LUKAT 24:26

At Karìsùt Ala nen ayoko hesike a'nogo, yì aik tì aik hìgì'le'ma hogorasusak nogo? Lek o. Hikenem en hogorasusak o. Hit en egep atì hagasusak higit hogoat hagata o,” ìlùk yogoisasike.

LUKAT 9:22

Inasuk atì'nogo wasikesik he: “An abat ta'lasi wagagi a'nogo, it ap inalùgetek mel, it ap Ala esewerek mene inogogi kaintek mel, Ala ane helal waganek esewerek mene mel, inom en, an nebe inabìt arìk, yì aik tì aik apigat haga'nabìk, nebe noasugun o. Noasumo re, nebe neki pìre warek logopik, aike nen he, Ala nen nelugu'nabigin o,” ìlùk, yogoisasike.

LAKSASIKE 7:52

It ap Ala ane yogoisìkì lagaukwa mene amanogo, hinopalak en inebe weagarinapì'lek aike welagaukwa nogo? Weagarinapì lagaukwa nek akìgì. It Ala Ane yogoisìkì lagaukwa mene nen he: Ala atitigeke oabùt higit hogo hagasigin mene atì hobuk wesigin o, ìlùk ebe wagì'lek werek kolek, abok tak ìkì lagaukwa mene inebe hinopalak enat inoatì lagaukwa atì. Hobuk, it en abok tak isukwa mene atì ebe wagaikomo re, hit enat at ebe wasuagalùk yoko lagìk, ebe watìk, egep atì.

MATÌÙT 26:46

Halok, lùok en he, hit mel a'ni o. Ap an noasuagalùk yoko laga mene a'nogo re, arat horogat waga arì,” ìlùk yogoisasike.

MATÌÙT 24:10

Atìgìnho kolek, it apùnì aike inetaùken Ala ba hìpìrethesukwa meneat he, inebe logolegat ina'la pùk arìk heraksalùk wùlìbìk he, at aike nen at aike wasuagalùk wolok lagìk, aike nen aike anini oba hìgìk, ugun o.

MATÌÙT 16:28

Nen, hit metek welagep yoma mene aike wa'lagì'lek logolìk, an abat ta'lasi wagagi a'nogo kain Netagepogot logoìgìlùk apùnì obogat nawe a'ma hisa waganem hineileken neogoinat o, ìlùk eberogoat yogohisìgì,” ìlùk yogoisasike.

1 KORÌTÙT 11:23

Wene atì'nogo hagatì logousak hesik, ninoe Etagepogot en yakùlnesikomo re, an nen hit yakùlhisasigi atì.

MATÌÙT 26:16

Oko arat hesukwama re, at Yùrat Isikarìot a'nogo nen he, “Yesùt ebe hanoasuak nìkì'nogo were'ma ineki ba hegein he,” ìlùk weim abok a'la logolìk wenesùgì ebetì lagaike.

MATÌÙT 17:9

Atì'nogo haga'lùk he, tom oba a'nogo nen pi waga logolìk, at Yesùt en mel yogoisasike: “An abat ta'lasi wagagi a'nogo re, nebe noatenem wa'larìk were'ma, Ala nen nelugu'napì'lek werek kolek, an haga'laganem hineileken neegep a'nogo apùnì aike motok yogoisagùp o. We, hobuk Ala nen nelugu'nape halok en, yogoisasak o,” ìlùk inasuk warìk warìk pi wagaike.

MATÌÙT 17:12

an wene eberogoat yogohisak. At Elia ebe arat wagaike meneat he, it apùnì nen motok hùthìgì'lek wongothìkì logolìk he, atì'nogo hagasu walok en, at ebe weagathesukwa hagat, an abat ta'lasi wagagi a'nogo re, nebe atì'nogo weaga'nabugunat o,” ìlùk yogoisasikomo re,

LUKAT 9:43

Atì'nogo wogosikomo apùnì amanogo obogat ineileken hasukwasik he, “Ala omame motok apik atì nayùk e,” ìlùk hogorasukwa. It apùnì amanogo obogat, at Yesùt en yì hagatìk, tì hagatìk, hagatì lagaike mene amanogo hesik he: “Egi!” ìlùk, hogorato kolek he, at en agoromì ane wanhì lagaukwa mene amanogo mel yogoisasike: