MATÌÙT 17:20 - Ala Ane Wene Ket Mene Warogo Wo'ninapike Wene

^20-21 at Yesùt en he, “Hit hinetaùken tùkùm hogo noba hìpìrethìkì lagep lek atì nen o. Kìbì-kìbì eken magakelak mene heik lakhagarek atì hak, hinetaùken an noba hamùlùgat enek hìpìrethìlìk he, tom arì yogotì logolìk, Aroma nen hìgìlogo wele'ma atoma asi lan o, ìlùk gosugun halok he, atoma nen wele'ma atoma asi lasagat o. Hit en yì mene tì mene hagasumo re, aike mea agì'lek hano nek asigin, ìlùk eberogoat yogohisìgì. [Mene re, mokareke oabùt weak mene yì hake ina'la kìlìk were'ma re, sùpùrùk nìkì'lek sapan umo nek he, elok henogo wùlùbusak o,]” ìlùk yogoisasike.

MATÌÙT 17:20 ပူးပေါင်းရင်းမြစ်များ

LUKAT 17:6

at ninoe Etagepogot en he: “Kibi-kìbì magakelak mene heik lakhagarek atì hak, hinetaùken an noba hamùlùgat enek hìpìrethìlìk he, hit en, E yì yoma nen he'nok hogo re, i laut hùko yekele'ma a'loma ya'lasi lan o, ìlùk yogosugun halok he, hinane asuk holiginat o,” ìlùk yogoisasike.

MAREKÙT 11:23

Sa nen a'la wenesùgì uan horo ebetì'lek, we, An igin yì higit hogoat haga'lasigin, ìlùk etaùken Ala oba hìpìrethìlìk, Tom yì he'nok hogo i laut yekele'ma pong hogo lan o, ilùk igin halok he, at igin mene higit hogoat Ala nen hagasigin o, ìlùk eberogoat yogohisìgì.

LUKAT 18:27

at Yesùt en he, mel yogoisasike: “Apùnì nen hagasusak motok mea meneat he, at Ala nen hagasusak elok o,” ìlùk yogoisasike.

LUKAT 1:37

At Ala nen yì mene tì mene hagasusak he, mea lek o. Elok hagasusak enek,” ìlùk yogosikomo re,

MATÌÙT 21:21

at Yesùt en he, “Wene eberogoat yogohisak. An nen e ara yì hagatì hak, hit en atì'nogo hagasusagat mene re, atì nek hagasusak hùk. Hina'la wenesùgì uan horo ebetì'lek, we hinetaùken Ala ba hìpìrethìlìk, hit en he, Tom yì yoma nen he'nok hogo i laut yekele'ma a'loma pong hogo lan o, ìlùk yogotep halok he, haga'lasiginat o.

MAREKÙT 9:23

Atì'nogo yogosikomo re, at Yesùt en he, mel yogosike: “Hat en he, Elok hagasusak halok he, hagasin, ìlùk yogoneten atì nahalok. Apùnì inetaùken Ala oba hìpìrethìlìk yì mene tì mene elok hagasusak enek o,” ìlùk yogosikomo,

1 KORÌTÙT 13:2

Nen, Ala ane hano motok yogoisìgìk, wene apùnì inamùn elema hinago welagarek mene atì obogat nelu agìk, yì wene tì wene aike obogat neluat welagìk, netaùken Ala ba motok hìpìrethìlìk he, tom aike obùlù'mo nen tukwak hogo wele'ma wo'laka loagalùk yogosusak elok welagìk, ìkì logolìk meneat he, apùnì aike inebe netawìrogo logogin lek halok he, we tùlemat ìkì logousak o.

MATÌÙT 13:31

At Yesùt en atì'nogo yogoisasikesik he, hobuk wene aike oba lìrogo mel yogoisasike: “At Ala nen awe a'ma hisikerek atì ebe re, kìbì-kìbì eken hake o. Ap aike nen kìbì-kìbì eyabumo heik lakhesike. Yì mene tì mene awì atì hamùlùtegat meneat he, kìbì-kìbì awì atì nek motok hamùlùtegat o. Mene re, kìbì, wùtat mel, aike mene mel, hulelheresik he, oake hamùlùgat negen lagaikerek. Meneat he, kìbì-kìbì awì atì nek he, motok hùkoat lagaikeresik, e hake haga'laganem he, sùe purogo nikerek mene wìrìk he, kìbì-kìbì atì eki bakwe awì wusi wagarek atì hùkeat o,” ìlùk yogoisasike.

YOHANET 11:40

at Yesùt en he, mel yogosike: “An nen wene yogohetì logolìk, Hetaùken an noba hìpìrethegen halok he, Ala hogoratarek mene a'nogo aike hagatenem heileken hegeinat o, ìlùk, arat yogohetì'lek nogo? Yogohetìat o,” ìlùk yogosikomo,

MAREKÙT 4:31

Ati ebe re, kìbì-kìbì eken hake o. Ap aike nen kìbì-kìbì heik lakhesike. Yì mene tì mene awì atì, hamùlùtegat meneat he, kìbì-kìbì awì atì nek motok hamùlùtegat o.

IBERANI 3:19

It atì inetaùken Ala oba hìpìrethìgì'lek hagatì lagaukwa atì nen, set wala kusak motok mea agaike, ìlùk nit yogotak hùthìkì lago o.

MATÌÙT 17:17

Atì'nogo yogosikomo, at Yesùt en he, mel yogosike: “Hit apùnì o yogotak welagep mene yì re, hinetaùken noba hìpìrethìgì'lek logolìk nong akìkì lagep yoma rì! An hit ninom neki mìren oba logogun nogo. Hit yì'nogo hagato kolek nepe morogo neki mìren logogin,” ìlùk yogoisasikesik he, “Yekerek arì an noba wolok we'ni o,” ìlùk yogoisasikomo

1 KORÌTÙT 12:9

Nen, at Areagùn atì nenat, at aike etaùken Ala oba hìpìrìk motok logouagalùk hunigat wogoteregat. Nen, at Areagùn omakeat atì nenat, at aike nen ou hagarinapì logouagalùk omame wogoteregat.

MATÌÙT 17:9

Atì'nogo haga'lùk he, tom oba a'nogo nen pi waga logolìk, at Yesùt en mel yogoisasike: “An abat ta'lasi wagagi a'nogo re, nebe noatenem wa'larìk were'ma, Ala nen nelugu'napì'lek werek kolek, an haga'laganem hineileken neegep a'nogo apùnì aike motok yogoisagùp o. We, hobuk Ala nen nelugu'nape halok en, yogoisasak o,” ìlùk inasuk warìk warìk pi wagaike.

MATÌÙT 8:26

Atì'nogo yogosukwama, at Yesùt en he, “Nenahalok hinayùk aga lagep? Hinetaùken an noba hìpìrìk logohùk yì rì!” ìlùk ane ìlìk ìlìk melagaikesik he, sogoi a'nogo mel, i ha'labu a'nogo mel, “Habolok,” ìlùk wenagasikomo, abolok motok hapuk isike.

MATÌÙT 17:19

Hano agaikomo re, it Yesùt agoromì ane wanhì lagaukwa mene amanogo oba wagaukwasik inom inaligat logolìk he, mel yogosukwa: “Nit en he, at mokareke oabùt weak mene atì henogo wulabusak mea atì nìkì'nogo nen,” ìlùk oba hinok wokhasukwama,

MAREKÙT 11:22

at Yesùt en he, it mel yogoisasike: “Hit he, hinetaùken Ala Oba hìpìrìk logoino.

MATÌÙT 14:29

at Yesùt en he, “Eme o,” ìlùk yogosikomo, at Peterùt a'nogo so a'la nen wùlìpikesik he, i agùm obakwe Yesùt oba lagaike.