MATÌÙT 17:1 - Ala Ane Wene Ket Mene Warogo Wo'ninapike Wene

¹ At Yesùt en atì'nogo yogoisasikesik he, nogo ineki 6 ìlùk en, Peterùt mel, Yakobùt mel, agot Yohanet eperagat mel, inaligat wogisek tom uan aike ba lagasike.

MATÌÙT 17:1 ပူးပေါင်းရင်းမြစ်များ

MATÌÙT 26:37

Atì'nogo yogoisalùk he, Peterùt mel, Sepeteùt againapùrì inebe pìre aremnogo mel, wogisek lagaikesik he, a'la weak arìk etaùken min agaikomo re, mel yogoisasike:

MAREKÙT 5:37

Lagaukwasik, apùnì inebe logolegat yogoisìkì logolìk, “Ninopolik wesusak lek. We, it Peterùt mel, Yohanet agot Yakobùt eperak mel enek ninom logoin o,” ìlùk inom lagaukwa.

2 PETERÙT 1:18

ane pogot oba nen pelakhei waganem, nit Yesùt ninom tom Ala okawerek atom ùkùl atì ba logolìk ninasuk tomok holhugu.

2 KORÌTÙT 13:1

An alep neki pìre ba hinoba wagagisik he, hobuk aike wesigin atì. Ala ane ba helal mel ìlùk waganek werek: “Apùnì nen it aike yì ùkùm tì ùkùm inoba houogolùk halok he, apùnì aike inebe pìre he a? Hìnagan he a, weak hagatenem ineileken haga mene nen, Eberogoat nineileken hogo, iko halok he, eberogoat akasak,” ìlùk isike atì nen he, an wìrìk, atìtì'nogoat hagasi wesigin atì.

LUKAT 8:51

Yaìrùt aua lagaukwa. Lagaukwasik he, apùnì he'nakit olilu logouagalùk yogoisìlìk he, Peterùt mel, Yohanet mel, Yakobùt mel, helekerek a'nogo opase agosa mel, inebe atem enek wogisek ouma kisike.

MATÌÙT 17:2

Lagasikesik were'ma, at ebe it ineilhanem, hùnogoat haga'laga logolìk he, elokoken mo eil hake haga'lagìk, asu laberek mene kut motok amùlìt apik haga'lagìk, isike.

MAREKÙT 13:3

Wene atì'nogo yogoisìkì lagaikesik he, at Yesùt Ala awi wùrìk i aik yì bakwe hebùlùk he, fi aik ìlì bakwe wùlùpukwasik, tom Saitun punu ba lagalìk inebe hù'lagaukwa. Hù'lagaukwasik he, Peterùt ho, Yakobùt ho, Yohanet ho, Atereat ho, Yesùt inom inaligat logolìk, at oba wene aike hinok wanhukwa.

2 PETERÙT 1:16

Ninoe Etagepogot Yesùt Karìsùt omame apik a'nogo ebe wagaike mene hesik hinelùrogo yogohisìkì lago atì re, wenesuayo apùnì ina'la kagalogo pìlìngìtarek mene atì oba lìrogo yogohisìkì lago lek o. We, at ebe Etagepogot mene wagaikomo, ninokawerek nineileken tomok hasugu mene nen yogohisìkì lago o.