MATÌÙT 16:8 - Ala Ane Wene Ket Mene Warogo Wo'ninapike Wene

⁸ at Yesùt en enagat hùrisasikesik he, mel yogoisasike: “Hinetaùken noba hìpìrìk logohùk yì rì! Hit-hit ìkì logolìk, Sùpùrùk horotì mene lek, ìlùk ìkì lagep atì nahalok.

MATÌÙT 16:8 ပူးပေါင်းရင်းမြစ်များ

MATÌÙT 6:30

Eka heleka o leimokwe welagarek atì re, yogotak hak hano welagaresi'mo nen, hùen hak etumo lolhisagarek meneat he, Ala nen inasu laberìsa hak hano mene hagarogo hisikerek atì hak, hinebe hesik, hanorogo labethikegein lek nogo? Labethikegeinat o. Hinetaùken Ala oba hipìrethùhùk yì rì!

MATÌÙT 14:31

Yesùt en eki hagasogo menhìkì logolìk he, “Hat hetaùken noba hìpìrìk logohùk yì rì! Hetaùken pìre welagen atì nahalok,” ìlùk yogosikesik he,

MAREKÙT 16:14

Atì'nogo hagarìk waga lagaikesik, ebe hobuk he, it at Yesùt agoromì inebeo 11 nen amanogo hùrek sùpùrùk niko were'ma, “Ineileken neoak,” ìlùk inoba kisikesik inelokoma melagaikesik mel yogoisasike: “Hit yoma hina'la nen he, eberogoat ìlùk akìgì'lek hina'la pùgat yoma rì! Ala nen an nebe arat nelugu'napomo were'ma, it aike nen ineileken neegasik yogohisa wagaika meneat he, hina'la nen eberogoat ìlùk akìgì'legat yoma rì!” ìlùk wenagisasike.

MATÌÙT 8:26

Atì'nogo yogosukwama, at Yesùt en he, “Nenahalok hinayùk aga lagep? Hinetaùken an noba hìpìrìk logohùk yì rì!” ìlùk ane ìlìk ìlìk melagaikesik he, sogoi a'nogo mel, i ha'labu a'nogo mel, “Habolok,” ìlùk wenagasikomo, abolok motok hapuk isike.

ABÌKAKAN 2:23

Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.

IBERANI 4:13

Ala eilhanem he, yì mene tì mene at en elalhike mene aike hinago werek nogo? Motok lek o. We, at eilhanem he, yì mene tì mene obogat he, weinam hukalek motok welagarek atì nen, nit hagatì lago mene, at elumo re, ninoba lopogat ninom ugun o.

YOHANET 16:30

Hat he, apùnì aike nen wene aike hinok wokhììgì'lek halok he, wene ebe hokot hùk o. Hat yì wene tì wene obogat helu nek heogo. Hat hebe eberogoat Ala nen lakhagei wagaikomo wagagin, ìlùk yogotak en hùthagago,” ìlùk yogosukwa.

MATÌÙT 16:7

Atì'nogo yogoisasikomo, it-it ìkì logolìk mel isukwa: “Sùpùrùk horotì mene aike wolok wagì'lek atì nen ike hìgì,” ìlùk ikenem