MATÌÙT 16:28 - Ala Ane Wene Ket Mene Warogo Wo'ninapike Wene

²⁸ Nen, hit metek welagep yoma mene aike wa'lagì'lek logolìk, an abat ta'lasi wagagi a'nogo kain Netagepogot logoìgìlùk apùnì obogat nawe a'ma hisa waganem hineileken neogoinat o, ìlùk eberogoat yogohisìgì,” ìlùk yogoisasike.

MATÌÙT 16:28 ပူးပေါင်းရင်းမြစ်များ

LUKAT 9:27

Nen, hit merek welagep yoma mene aike wa'lagì'lek logolìk, Ala awe a'ma hisegein mene a'nogo hisikenem hineileken hogoin o, ìlùk eberogoat yogohisìgì,” ìlùk yogoisasike.

MAREKÙT 9:1

Atì'nogo yogoisasikesik he, wene aike mel yogoisasike: “Hit ninom metek welagep yoma mene aike wa'lagì'lek logolìk, Ala omamerogo awe a'ma hisikenem hineileken arat hogoin o, ìlùk eberogoat yogohisìgì,” ìlùk yogoisasike.

YOHANET 8:52

it up Yahuri mene amanogo nen he, mel yogosukwa: “Ap Aberaham mel, up Ala ane yogoisìkì lagaukwa mane amanogo mel, arat wa'larìk lagaukwa meneat he, hat en ìkì logolìk, Sa nen an nane hologo hagatì logogin halok, wa'lagì'lek eluk motok logogin o, ìlùk egen atì nen he, mokareke oabùt weak mane eberogoat ha'la kikesik werek, ìlùk, hùthagago o.

MATÌÙT 26:64

at Yesùt en he, “Hat en egen atìat o. Mene, wene yì an nen hit obogat yogohisak. Hùlì yogotak en he, an abat ta'lasi wagagi a'nogo, at Ala omame apik yì mene tì mene hagasusak enak a'nogo neperak era'lu eki ebekwe kainat logopik he, hobuk pogot oba atoma nen ohena a'la pi waganem hineileken neogoin o, ìlùk yogohisìgì,” ìlùk yogosikomo,

MATÌÙT 10:23

O sili aike nen weagathinabuogolùk iko halok he, hese o sili aike lano. It apùnì Isirael mene inawi sili he'nakìt oan wene yogoisìgì'lek werek kolegat he, an abat ta'lasi wagagi a'nogo hobuk wesigin o, ìlùk, nane eberogoat yogohisìgì.

LUKAT 2:26

Atì'nogo oba louk i wagaikesik, mel yogosike: “Hat hebe wa'lagì'lek werek kolek, ap kain aike ninopase Etagepogot en menhìlìk lakhei wesigin isike a'nogo waganem heileken halùk en wa'lasigin o,” ìlùk, abok yogosikesik he,

MAREKÙT 13:26

Ati sat he, an abat ta'lasi wagagi a'nogo nomamerogoat ohena a'la pi waganem he, apùnì ineileken nììlìk, apik hogo'nabugun o.

IBERANI 2:9

Meneat he, at Yesùt enek he, arat kain menhesikomo werek hìkì lago. Ala oabùt hano nen, Yesùt apùnì obogat hesik wa'lasuagalùk malaikat inetagewerek esin negen werek kolek, at etage lek mea negen hagarogo hesikomo, ebe yì aik tì aik hìlìk hìlìk wa'lagaike atì ba, Ala nen at etagewerek kain menhesikomo werek atì.

MATÌÙT 24:3

Atì'nogo yogoisalùk he, tom Saitun punu ba lagalìk hùrek were'ma, at ane wanhì lagaukwa mene amanogo oba wagaukwasik inaligat logolìk he, mel yogosukwa: “Hat en yogonisegen a'nogo re, mera nen haga'lasigin. Hat hebe wagìk, o wùrep oba haga'lagìk, igìlùk iko kolek he, kì mene tak haga'laganem nit ninetaùken wekelasigin. Wene sekek hogo yogonisan,” ìlùk yogosukwama,

MATÌÙT 24:42

Atì'nogo haga'lasigin atì nen, hit en he, Ninoe Etagepogot mera wesigin, hinokot atì nen he, hinepe hebelogo logoino o.

LUKAT 18:8

Lek o. Hepok-hepok elele woginabigin o, ìlùk eberogoat yogohisìgì. Atì'nogo hagarinabigin meneat he, an abat ta'lasi wagagi a'nogo hobuk wesipik he, apùnì kweangma mene yoma aike inetaùken noba hìpìrìk were'ma isa wesigin a? Lek he a,” ìlùk yogoisasike.

MATÌÙT 8:20

Atì'nogo yogosikomo, at Yesùt en he, “Lo yeke atì re, awì wùrìk akola welagarek. Nen, sùe purogo nikerek mene atì, awì wùrìk welagaregat. Mene re, an abat ta'lasi wagagi atì nek he, nogo ìkì logousak oba nawì wùrìk he, motok lek o,” ìlùk yogosike.

MATÌÙT 16:13

O atoma nen, at Yesùt o kota Kaisarea ap Pilipi nen hùkothesike ba atoma lagai wagaikesik he, at agoromì ane wanhì lagaukwa mene amanogo hinok wogisìkì logolìk he, mel yogoisasike: “It apùnì nen, an abat ta'lasi wagagi a'nogo an nebe hesik ìkì logolìk he, sa ìlùk ìlì'lùgì nogo,” ìlùk yogoisasikomo,

MATÌÙT 24:34

Yì'nogo haga'lasigin, tì'nogo haga'lasigin, ìlùk yogohisìgì atì, apùnì o yogotak werek mene inebe aike lek agì'lek oan werek kolegat ebe obogat haga'lasigin o, ìlùk, eberogoat yogohisìgì.

MAREKÙT 8:38

Apùnì yoma inoabùt weak logolìk Ala ebe inom lopok hogo welagì'lek, yì weak tì weak hagarì'lùgì mene atì hinomat logolìk, it ineilhanem sa nen, An Yesùt agot, ìgìk, an nane atì yogoisìgìk, u re, ape ekalì halok he, an abat ta'lasi wagagi a'nogo hobuk nopase hogorato motok welagaikarek hak haga'la'lùk, it malaikat Ala okawerek hesik yoko pelaksa wagarek mene amanogo ninom wìrìk he,

YOHANET 8:51

Nen, sa nen an nane hologo hagatì logogin halok he, wa'lagì'lek eluk motok logogin o, ìlùk eberogoat yogohisìgì,” ìlùk, yogoisìkì lagaikomo,

YOHANET 21:22

at en he, “An na'la nen he, ap arì ebe elugat were'ma, an hobuk wesigin akìgì halok he, hat en hagasusak mene hùk. An noba lopok o. Atì'nogo meneat he, hat enek he, an nopolik nìkì logoino o,” ìlùk wene atì'nogo yogosike mene atì,

LAKSASIKE 1:11

Melasi pi wìrìk he, mel yogoisasukwa: “Hit apùnì o Kalilea tokwe mene yì sanì. Hineileken pogot oba lìagasogo welagep atì nenahalok. At Yesùt hit yoma hikalùk he, Ala nen pogot oba lìakhikenem hineileken werek kolegat, lagaike atì hak, hobuk atì'nogoat pi wesigin o,” ìlùk yogoisa pi wagaukwa.

1 KORÌTÙT 15:23

Atì'nogo meneat he, Ala nen ninobùlù'mo lopok higit-higit ninelugu'ninabigin. Yì mene tì mene emakum lilu mene tak wanharek hak, at Karìsùt tak eluguthesikesi'mo nogo nen he, at ebe wesigin atì sat, nit Karìsùt agoromì mene hugì ninelugu'ninabigin.

YAKOBÙT 5:7

Ati nenat, nerùgì nagaiya'lak. Ninoe Etagepogot ebe oan wagì'lek werek kolek he, hina'la pùk agì'lek hinepe morogo serogo logoino o. Apùnì nen yabu wagane'ma sùpùrùk awì yakhìlìk welagaikarek atì hina'la hùtheni! Atì'nogo awì yakhìlìk werek kolek moso o mo lagaiko kolek nìkìk, piko kolek nìkìk, hobugalep niko kolek ina'la pùk agì'legat, “Hobuk sùpùrùk isalo aganem ebe hùko mene takegein,” ìlùk inepe morogo serogo welagaikarek atì hak,

2 PETERÙT 1:16

Ninoe Etagepogot Yesùt Karìsùt omame apik a'nogo ebe wagaike mene hesik hinelùrogo yogohisìkì lago atì re, wenesuayo apùnì ina'la kagalogo pìlìngìtarek mene atì oba lìrogo yogohisìkì lago lek o. We, at ebe Etagepogot mene wagaikomo, ninokawerek nineileken tomok hasugu mene nen yogohisìkì lago o.

1 YOHANET 2:28

Nagainapùrì e. Karìsùt wesigin atì like ebe waganem he, nit ninekalì agì'lek, ninayù'legat, at elokoma awe a'ma kuok en, hit at hinom hutik motok logoino o.