MATÌÙT 16:27 - Ala Ane Wene Ket Mene Warogo Wo'ninapike Wene

²⁷ An abat ta'lasi wagagi a'nogo re, hobuk nopase hogorato motok welagaikarek atì hagat haga'la'lùk, it malaikat Ala nen pogot oba nen yoko pelaksa wagarek mene amanogo ninom wìrìk, atì sat he, apùnì obogat inoabùt lopok hagatarek mene higit hogoat oko wogisa wesigin o.

MATÌÙT 16:27 ပူးပေါင်းရင်းမြစ်များ

ÙRÙM 14:12

Hobuk he, ninebe lopok en, “An yì'nogo hagatìma atì, tì'nogo nen hagatì o,” ìlùk, wene pìlìngìrogo at Ala at yogosugun o.

EPESÙT 6:8

Hinoabùt hano hagatì logogun halok, ninoe Etagepogot en, hit inatitigeke mene, hinalepma welagep mene hinomat, hinebe lopok oko wokhisegein o.

YURAT 1:14

Alebat Aram en ta'larìk waga lagaukwasik, hùlì 7 ba mene hùlì, at Henok ta'lagaike mene nen, it apùnì atì ùkùm inoba hegein mene hesik mel isike: “Lakhani. Ninoe Etagepogot a'nogo nen agoromì at okawerek en yoko pelaksa wagarek mene inebe motok logolegat wogisek pi wesigin o.

ABÌKAKAN 20:12

Atì'nogo lek aga kolek, apùnì wa'lagaukwa mene inetagewerek mel, inetage lek mel, at kain obùlùk oba werek a'nogo elokoma metek were'ma isìgì. Atì'nogo werek kolek, sùesika obogat hukalhìk, sùesika aike apùnì ineluk motok logouagalùk hanorinabigin mene hùgì inetage helal waganek mene hukalhìk, ìkì laga. Atì'nogo hukalhìlìk, it apùnì wa'lagaukwa mane inoabùt hagatì lagaukwa mene sùesika atoma ba helal waganek mene higit hogoat ùkùm inoba hìgìk, kotìk, ìkì laga hìgì.

ABÌKAKAN 2:23

Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.

MATÌÙT 25:31

At Yesùt en atì'nogo yogoisasikesik he, wene aike mel yogoisasike: “An abat ta'lasi wagagi a'nogo, apùnì nen hogo'napo kolek, it malaikat Ala nen pogot oba nen yoko pelaksa wagarek mene amanogo obogat ninom wìrìk, an hogo'napo kolek kain Netagepogot welagìrek oba logolìk,

LUKAT 21:27

Atì sat he, an abat ta'lasi wagagi a'nogo nomamerogo ohena a'la pi waganem, ineileken nììlìk apik hogo'nabugun o.

MAREKÙT 14:62

Hinok atì'nogo wokhasikomo, at Yesùt en he, mel yogosike: “Ati, an nebe yìat o. An abat ta'lasi wagagi a'nogo, at Ala omame apik yì mene tì mene hagasusak enek a'nogo era'lu eki ebekwe kainat logopik he, pogot oba atoma nen ohena a'la pi waganem hineileken neogoin o,” ìlùk yogosike.

MAREKÙT 8:38

Apùnì yoma inoabùt weak logolìk Ala ebe inom lopok hogo welagì'lek, yì weak tì weak hagarì'lùgì mene atì hinomat logolìk, it ineilhanem sa nen, An Yesùt agot, ìgìk, an nane atì yogoisìgìk, u re, ape ekalì halok he, an abat ta'lasi wagagi a'nogo hobuk nopase hogorato motok welagaikarek hak haga'la'lùk, it malaikat Ala okawerek hesik yoko pelaksa wagarek mene amanogo ninom wìrìk he,

MATÌÙT 24:30

Atì'nogo hagato kolek, an abat ta'lasi wagagi a'nogo arat wesigin ìlùk, apùnì inetaùken wekelogo hùthùgùkwe pogot oba aike haga'larìk oba nen, apùnì inùkùl etage lopok le aga kolek nomamerogoat ohena a'la pi waganem, ineileken nììlìk apik hogo'nabugun o.

ABÌKAKAN 1:7

Lakhani! At ebe ohena a'la waganem, apùnì obogat inebe lopok en mel, it at sìge taluk wasukwa mene mel, inomat en ineileken lakhìkì logolìk, inùkùl etage lopok obogat le asugun o, ìlùk yogohisìgì atì, “Ebe asuak,” u hak, “Amin,” ìgì atì.

LAKSASIKE 1:11

Melasi pi wìrìk he, mel yogoisasukwa: “Hit apùnì o Kalilea tokwe mene yì sanì. Hineileken pogot oba lìagasogo welagep atì nenahalok. At Yesùt hit yoma hikalùk he, Ala nen pogot oba lìakhikenem hineileken werek kolegat, lagaike atì hak, hobuk atì'nogoat pi wesigin o,” ìlùk yogoisa pi wagaukwa.

MATÌÙT 26:64

at Yesùt en he, “Hat en egen atìat o. Mene, wene yì an nen hit obogat yogohisak. Hùlì yogotak en he, an abat ta'lasi wagagi a'nogo, at Ala omame apik yì mene tì mene hagasusak enak a'nogo neperak era'lu eki ebekwe kainat logopik he, hobuk pogot oba atoma nen ohena a'la pi waganem hineileken neogoin o, ìlùk yogohisìgì,” ìlùk yogosikomo,

1 PETERÙT 1:17

At Ala oabùt he, apùnì inogat oba nek eileken isìlìk, aike elokoma hisìgìk, aike apotma hisìgìk, ikerek lek o. We, inoabùt hagatarek lopok higit hogoat ùkùm inoba hìgìk, kotìk, ikerek atì nen, hit an he, “Ala ninopase,” ìlùk ayoko hìkì logolìk, kweangma yoma elama hesik hinebe ap pok negen logolìk, at ebe hinayùk hogo hagatì logoino o.

LUKAT 22:69

“Hùlì yogotak yì nen he, hobuk an nopase Ala omame werek yì mene tì mene hagasusak enek a'nogo eki ebekwe kainat logogin o,” ìlùk yogoisasikomo,

LUKAT 9:26

Sa nen, An Yesùt agot, ìgìk, an nane atì yogoisìgìk, apùnì ineilhanem pak hogo u re, ekalì halok he, an abat ta'lasi wagagi mene yì nen hogo re hobuk an nebe hogo'napìk, nopase hogoratìk, malaikat Ala aligat hesik yoko pelaksa wagarek mene amanogo hogorinapìk, iko kolek waga logolìk he, At yì an nagot, ìlùk nane pak hogo u nekalìat asigin o.

MATÌÙT 13:49

o wùrep oba atì'nogo haga'lasigin o. It malaikat Ala nen pogot oba nen yoko pelaksa wagarek mene amanogo wìrìk he, apùnì inoabùt weak mene amanogo it apùnì Ala a'la akikerek mene higit hogo nek hagatarek mene inom omakìkwe were'ma inekele'ma nen kìgìlogo wulaksìlìk,

1 TESALONIKA 4:16

Ninoe Etagepogot pogot oba nen pi waganem he, it malaikat mene inoe kain mene ane hùkorogo ìgìk, Ala apìkon ane huthikenem ane pak ìgìk, ikenem, apùnì Karìsùt inom hutik logolìk wa'larì'lùgì mene tak inelugurinabigin.

MATÌÙT 13:41

An abat ta'lasi wagagi a'nogo nen nagoromì malaikat yoko laksa waganem, it en he, Ala awe a'ma hisikere'ma atoma nen, yì mene tì mene apùnì nen weak hagasuagalùk hagarìnaparek mene mel, yì apùnì tì apùnì weak hagatarek mene mel, atogorogo hisìlìk,

1 KORÌTÙT 8:8

Yì mene tì mene nekarek mene atì nen Ala oba wo'nisek legein lek o. Nit nìkì'lek kamo ugun halok he, nong asugun lek. Nen, nogoin halok he, aike sabùrogoin legat.

MATÌÙT 8:20

Atì'nogo yogosikomo, at Yesùt en he, “Lo yeke atì re, awì wùrìk akola welagarek. Nen, sùe purogo nikerek mene atì, awì wùrìk welagaregat. Mene re, an abat ta'lasi wagagi atì nek he, nogo ìkì logousak oba nawì wùrìk he, motok lek o,” ìlùk yogosike.

YOHANET 21:22

at en he, “An na'la nen he, ap arì ebe elugat were'ma, an hobuk wesigin akìgì halok he, hat en hagasusak mene hùk. An noba lopok o. Atì'nogo meneat he, hat enek he, an nopolik nìkì logoino o,” ìlùk wene atì'nogo yogosike mene atì,

YOHANET 21:23

it Yesùt agoromì ane wanhì lagaukwa mene nen he, “Yesùt en he, Nagot arì ebe hobuk wa'lasigin motok lek o,” ìlùk ike salek, abok wìagathesukwa. Meneat he, at Yesùt en he, “An nagot arì hobuk wa'lasigin motok lek o,” ìlùk ìgì'lek. We, “An na'la nen, ap arì ebe elugat were'ma an hobuk wesigin akìgì halok he, hat en hagasusak mene hùk. An noba lopok o,” ìlùk wene atì mane hesik isike meneat, ati'nogo isukwa atì.

1 KORÌTÙT 3:13

Atì'nogo wùto were'ma, at Karìsùt hobuk wesigin atì like, apùnì nen o wùta mene lopok hano a? Weak a, ìlùk, etumo walhikenem, hukalogo enagat aganem hogoin o.

1 KORÌTÙT 15:23

Atì'nogo meneat he, Ala nen ninobùlù'mo lopok higit-higit ninelugu'ninabigin. Yì mene tì mene emakum lilu mene tak wanharek hak, at Karìsùt tak eluguthesikesi'mo nogo nen he, at ebe wesigin atì sat, nit Karìsùt agoromì mene hugì ninelugu'ninabigin.

KOLOSE 3:25

Mene re, at ninoe Etagepogot en he, apùnì inelokoken oba nek eileken isìlìk, aike elokoma hisìgìk, aike apotma hisìgìk, ikerek lek atì nen, sa nen weak hagate mene hesik, oko wogosu hak he, weak hagate atì higit hogoat ùkùm oba hegein werek o.

YAKOBÙT 5:7

Ati nenat, nerùgì nagaiya'lak. Ninoe Etagepogot ebe oan wagì'lek werek kolek he, hina'la pùk agì'lek hinepe morogo serogo logoino o. Apùnì nen yabu wagane'ma sùpùrùk awì yakhìlìk welagaikarek atì hina'la hùtheni! Atì'nogo awì yakhìlìk werek kolek moso o mo lagaiko kolek nìkìk, piko kolek nìkìk, hobugalep niko kolek ina'la pùk agì'legat, “Hobuk sùpùrùk isalo aganem ebe hùko mene takegein,” ìlùk inepe morogo serogo welagaikarek atì hak,

1 YOHANET 2:28

Nagainapùrì e. Karìsùt wesigin atì like ebe waganem he, nit ninekalì agì'lek, ninayù'legat, at elokoma awe a'ma kuok en, hit at hinom hutik motok logoino o.