MATÌÙT 16:21 - Ala Ane Wene Ket Mene Warogo Wo'ninapike Wene

²¹ Hùlì atì hùlì nen he, at Yesùt en agoromì ane wanhì lagaukwa mene amanogo at hobuk hagasigin mene pak hogo mel yogoisasike: “An o Yerusalem a'loma lasak welagì o. Lamo re, it ap inalùgetek amanogo mel, Ala esewerek mene inogogì kaintek mel, Ala ane helal waganek esewerek mene mel, inom en, yì aik tì aik apigat haga'nabìk nebe noasugun o. Noasumo, nebe warek neki pìre were'ma re, aike nen he, Ala nen nelugu'nabigin o,” ìlùk pak hogo yogoisasike.

MATÌÙT 16:21 ပူးပေါင်းရင်းမြစ်များ

MATÌÙT 17:12

an wene eberogoat yogohisak. At Elia ebe arat wagaike meneat he, it apùnì nen motok hùthìgì'lek wongothìkì logolìk he, atì'nogo hagasu walok en, at ebe weagathesukwa hagat, an abat ta'lasi wagagi a'nogo re, nebe atì'nogo weaga'nabugunat o,” ìlùk yogoisasikomo re,

MATÌÙT 27:63

“Ninoe. Apùnì lalinabìk nìkì laga mene a'nogo, eluk logolìk yogoisìkì logolìk he, Neki pìre warek logopik he, neki aike yì nen he, neluk asigin o, ìlùk isike a'nogo nen he,

LUKAT 17:25

Nen, atì'nogo hagasigin meneat he, atì oan haga'lagì'lek werek kolek he, apùnì yogotak werek mene yoma nen wo'napì'lek herakhanìlìk he, yì aik tì aik haga'nabugun o.

LUKAT 24:46

Atì'nogo inetaùken healogo yogoisìkì logolìk, “Ala nen Karìsùt ayoko hìlìk lakhei wesigin isike mene helal mel ìlùk waganek werek: Yì aik tì aik hìlìk hìlìk wa'larìk en, eki pìre warek logopik he, aike yì nen he, wa'la'lùk lagaikare'ma nen eluk asigin o, ìlùk helal waganek werek.

MAREKÙT 8:31

At Yesùt en atì'nogo inasuk wasikesik he, wene hobuk aike mel yogoisasike: “An abat ta'lasi wagagi a'nogo re, it ap inalùgetek mel, Ala esewerek mene inogogì kaintek mel, Ala ane helal waganek esewerek mene mel, inom en an nebe inabìt arik yì aik tì aik apigat haga'nabìk, nebe noasugùn o. Noasumo nebe neki pìre warek logopik he, aike nen, neluk asigin o,” ìlùk

LUKAT 9:31

inebe hogorinabusak hakeat weinam agaukwasik were'ma, ineileken isasukwa. Nen, weneane isukwa atì re, at Yesùt welagì'legat Ala nen isike higit hogoat o Yerusalem wa'lasigin wene ìkì lagaukwa.

MATÌÙT 26:47

Yesùt en, “Horogat waga arì,” ìlùk iko kolek aremnogoat he, at Yùrat, ebe Yesùt agoromì inebe 12 amanogo mene yoko lagaikomo, it ap Ala esewerek mene inogogì kaintek amanogo mel, inalùgetek amanogo mel en, it ap inebe esa logolek inayoko hìlìk laksa wagaukwama, karok mel, payùk mel, wolok inebe motok holhùlùk inom wagaukwa.

MATÌÙT 26:2

“Nineki pìre logopik en pesta Paskah hagasugun atì hit hineluat o. Atì'nogo hagato kolek, an abat ta'lasi wagagi a'nogo, ap en yoko lìlìk, it aike nen e ba menhanìlìk noasuagalùk ineki ba hanugun o,” ìlùk yogoisasike.

MATÌÙT 27:12

it ap Ala esewerek mene inogogì kaintek amanogo mel, inalùgetek amanogo mel inom en, ùkùm Yesùt oba apik hesukwa mene re, at en he, hobuk wene aike oko yogoisìgì'lek kamo isike.

MATÌÙT 16:28

Nen, hit metek welagep yoma mene aike wa'lagì'lek logolìk, an abat ta'lasi wagagi a'nogo kain Netagepogot logoìgìlùk apùnì obogat nawe a'ma hisa waganem hineileken neogoinat o, ìlùk eberogoat yogohisìgì,” ìlùk yogoisasike.

MATÌÙT 12:40

At Yùnùt atì ikan alabut a'la werek kolek, o hi ìgìk, we ìgìk, iko kolek eki hinagan welagaike atì hak he, an abat ta'lasi wagagi a'nogo re, kweang a'la o hi ìgìk, we ìgìk, iko kolek, neki hinaganat logogin o.

MATÌÙT 16:22

Atì'nogo yogoisasikomo at Peterùt en he, Yesùt wolok alepma lagaikesik mel yogosike: “Hat wene egen atì hagathabinogo nen he, Ala nen telhabuak o,” ìlùk asuk wasike.

MATÌÙT 17:9

Atì'nogo haga'lùk he, tom oba a'nogo nen pi waga logolìk, at Yesùt en mel yogoisasike: “An abat ta'lasi wagagi a'nogo re, nebe noatenem wa'larìk were'ma, Ala nen nelugu'napì'lek werek kolek, an haga'laganem hineileken neegep a'nogo apùnì aike motok yogoisagùp o. We, hobuk Ala nen nelugu'nape halok en, yogoisasak o,” ìlùk inasuk warìk warìk pi wagaike.

MATÌÙT 28:6

Mene re, ebe yoma lek. At en yogohisasike hak, Ala nen eluguthikomo werek o. At welaga ba yoma obùlùk enek yì hineileken hìtha we'ni.

MAREKÙT 9:12

Hinok wanhukwama, at en he, mel yogoisasike: “At Elia tak wìrìk he, yì hagatìk tì hagatìk tegeli wesigin, ìlì'lùgì atì eberogoat meneat he, an abat ta'lasi wagagi a'nogo hesik wene helal yì'nogo waganogo hesukwama werek: At ebe ninabìt, ìlùk, heraksìlìk, yì aik tì aik motok weak hagarogo hogoin o, ìlùk helal waganogo hesukwama werek atì nena hesik isukwa akegep.