MATÌÙT 16:16 - Ala Ane Wene Ket Mene Warogo Wo'ninapike Wene

¹⁶ at Simon Peterùt a'nogo nen he, “Hat hebe re, Karìsùt Ala eluk motok welagarek mene aput, nit telninabuagalùk at en lakhei wesigin ìlùk abok yogonisasike a'nogoat o,” ìlùk yogosike.

MATÌÙT 16:16 ပူးပေါင်းရင်းမြစ်များ

MATÌÙT 14:33

Palagaikomo re, it so a'la welagaukwa mene amanogo nen Yesùt hogoratì logolìk he, “Hat eberogoat Ala aput heogo o,” ìlùk yogosukwa.

YOHANET 11:27

at Mareta nen he, mel yogosike: “Noe. Hat hebe Ala aput Karìsùt, Ala nen wenagasogo menhìlìk lakhei wesigin isukwa a'nogo, harat ìlùk, hùthagagì o,” ìlùk yogosike.

1 YOHANET 4:15

Sa nen, “Yesùt atì Ala aput,” ìlùk pak hogo yogoisikerek halok, at Ala nen at eperak hutik motok, nen, at en Ala eperak hutik motok, welagaikarek o.

MATÌÙT 27:54

Nen, ap tentara mene inoe kain mene mel, agoromì he'nakìt Yesùt era'lu kagalek welagaukwa mene amanogo mel, lugul langathìgìk, yì hake tì hake haga'lagìk, isike amanogo ineileken hasukwasik inayùk apik arìk he, “Ap yì re, Ala aput eberogoat hìgì o,” ìlùk isukwa.

1 TIMOTÌÙT 4:10

Ala ebe re, yì apùnì tì apùnì obogat telinapùkwe welagarek meneat he, esin hake re, nit ninetaùken at oba hìpìrethìkì lago mene hùgì telninaperek atì nen, ninetaùken at eluk motok welagarek mene oba hìpìrethìlìk, at hesik ninaberalì lek hogoat, ninomamerogo hagatì lago.

LAKSASIKE 9:20

Atì'nogo welagaukwa atem sat, o it apùnì Yahuri mene sapan ìkì lagaukwa bakwe kìlìk, wene Yesùt hesik yogoisìkì logolìk he, “At Yesùt atì, ebe Ala apurat o,” ìlùk yogoisìkì lagaike.

1 TESALONIKA 1:9

It en wene mel ìlì'lùgìat: “It apùnì o Tesalonika mene nen, Paùlùt lak inebe woginabìk he, Eberogoat he, Ala eluk motok welagarek mene atìat o, ìlùk awe a'ma logolìk, at hesik hagatìk, at aput pogot oba nen pi wesigin atì ebe serogo welagìk, uogolùk he, tùgì hareken heraksìlìk, inelokwe hebelogo Ala wogosukwasik werek Ala nen aput wa'lagaikesi'mo eluguthesike mene, ebe Yesùt atìat o. Nen, Ala a'mage lagalìk ùkùm apùnì inoba hìkì logolìk, nit Yesùt atì nenat telninabìgìn o,” ìlùk, hinabok hano ìlì'lùgìat o.

MATÌÙT 26:63

at Yesùt ane ìgì'lek kamo isikomo re, at ap kain Ala esewerek mene a'nogo nen he, “Ala aput Karìsùt lakhei wesigin isukwa a'nogo, ebe hat halok he, yogonisanok ìlùk, at Ala eluk motok welagarek mene etage hopuk palogo yogohetì o,” ìlùk yogosikomo,

1 YOHANET 5:5

Apùnì inoabùt inesogat logolìk weak hagatarek mene mabenetsìlìk inomame agaikarek atì sanì nen nogo? Atì re, nit en, “Yesùt atì Ala aput,” ìlùk ninetaùken at oba hìpìrethogorek mene hùgì nenat o.

IBERANI 10:31

Ùkùm atì'nogo inoba hegein atì, nit weak hagatenem ninebe Ala eluk motok welagarek mene eki ba hinike halok, ninayùk motok asigin atì.

MAREKÙT 14:61

ane ìgì'legat kamo isike. Kamo isikomo hobuk it ap Ala esewerek mene inoe kain a'nogo nen he, wene aike mel yogosike: “Ala hogoratì lago mene nen aput Karìsùt lakhei wesigin isukwa a'nogo ebe re, harat a?” ìlùk hinok wokhasikeat.

YOHANET 20:31

Atì'nogo meneat he, helal waganek werek yì obogat he, hit en he, Yesùt atì Ala aput, nit apùnì telninabuagalùk wenagasogo lakhei wagaike a'nogo eberogoat, ìlùk hùthìlìk hinetaùken at oba hìpìrethìlìk, at etage palhenem hineluk logouageip ìlùk, helal waganogo hìgì o.

YOHANET 1:49

at Nataniel en he, mel yogosike: “Noe. Ala aput nit Isirael mene ninoe kain Hetagepogot harat hììgì o,” ìlùk yogosike.

IBERANI 12:22

It atì hake mene ba wagaukwa meneat, hit enek he, tom Sion Ala eluk welagarek mene awì sili o kota Yerusalem pogot oba mene ba wagep atì. Atoma re, malaikat esa yì logolek tì logolek mel,

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

2 KORÌTÙT 6:16

At Ala awì wùrìrik atì mel, tùgì atì mel, inom omakìma lapuguthousak? At Ala eluk motok welagarek mene awì wùrìk he, nit ninebe yìat o. At an he, mel isike. “It ina'la an nawì wùrogo logogin o. Ina'lakwe ama nìkì loungin o. It inopase Ala anat logogin o. Nen, an nagainapùrì irat logogun o,” ìlùk isike atì nen he.

2 KORÌTÙT 3:3

Hit hinebe re, wene Karìsùt en helal waganogo hesikomo nit en lakhesugu mene hake welagep o. Helal atì re, lisu amusu ba wanhì'lek meneat he, Ala eluk motok welagarek a'nogo Areagùn oba wanhike o. Nen, helep sabìa mene ba wanhì'legat. We, apùnì inetaùken obaat wanhike.

LAKSASIKE 14:15

“Ap sanì. Hit nìkì'nogo hagatì lagep. Nerùgì nagaiya'lak. Nit ninebe re, hit hake apùnì meneat. Mene re, hit en yì mene tì mene tùlemat mene hagatì lagep mene atì heraksìlìk he, hinoabùt hebelarìk, hinelokwe Ala eluk motok welagarek mene atì wogosuageip en ìlùk wene yogohisa wago mene o. At Ala atì re, pogot mel, kweang mel, i laut hùko yekelek mel, yì mene tì mene pogot oba, kweangma, ima welagarek mene mel, walhasike mene o.

MATÌÙT 4:3

Atì'nogo nele were'ma re, at Ibilit ina'la kagalìk nikerek mene a'nogo oba wìrìk he, “Hat eberogoat Ala aput halok he, helep aroma sùpùrùk horoti mene haga'lasuak en yogosin o,” ìlùk, yogosikomo re,

LAKSASIKE 8:36

Yogorìk motok ebekwe pìkì logolìk he, i were'ma pisukwasik, at ap kain a'nogo nen he, “I werek yì han. An ima pela'nabusak akìkì lagì. Ì a? At he, kì mene oan welagì akegen,” [

YOHANET 6:69

Nit en he, ninoe hat Ala okawerek hesik menhagalìk, eberogoat at en lakhagei wagaikomo ìlùk, hùthagagosik ninetaùken hat hoba hìpìrethogo o,” ìlùk atì'nogo yogosikomo,

MATÌÙT 1:16

Yakùp en Yùsùp, he Marìa agùn a'nogo, tatìk, he Marìa nen he, Yesùt nit en Karìsùt ìkì lago a'nogo tatìk, ero ba nen taginabìk wagaukwa.

MATÌÙT 16:15

Atì'nogo yogosukwama, at Yesùt en he, “It en atì'nogo ìlì'lùgì meneat he, hit enek he, an nebe hesik sa ìkì lagep nogo,” ìlùk yogoisasikomo,

LUKAT 2:11

Yogotak telhinabigin mene kain Etagepogot Karìsùt a'nogo o ap Taùt awì sili welagaike ba a'nogo ta'lagasik werek o.

YOHANET 6:57

An nopase eluk motok welagarek mene nen lakhani wagaikomo wagagi a'nogo, at eluk welagarek atì nen an neluk welagìrek atì hak, sa nen, an nebe niko halok, an neluk welagìrek atì nen, at elugat logogin o.

YOHANET 6:68

Atì'nogo yogoisìkì lagaikomo, at Simon Peterùt a'nogo nen he, mel yogosike: “Eigo. Noe. Ninebe nineluk motok logousak hesik mene re, wene hat en yogonisìkì lagen hake yama re, hat herakhagalùk ap sa ba lasak akegen.

2 KORÌTÙT 1:19

At Ala aput Yesùt Karìsùt, an nebe nen yakùlhisìgìk, Silat en yakùlhisìgìk, Timotìùt en yakùlhisìgìk, isugu mene a'nogo oabùt he, “Ì o,” ìlìk en, “Lek o,” ìlùk ikerek lek. Ala nen, “Ì o. Wokhisegein,” ìlùk abok yogonisa hak, Yesùt ebe wo'nisasikomo werek atì.

IBERANI 3:12

Halok he, nerùgì nagaiya'lak. Hit aike hinoabùt weak arìk, hinetaùken Ala eluk motok welagarek mene oba hìpìrethìgì'lek logolìk, at ebe heraksalùk hinapotkwe wùlìbi lanogo ìlùk, hinoabùt hebelogo logoino o.

IBERANI 9:14

It inogat etakwe mene hesik wam amep mea mene ba elok hano horinapì lagaukwa. Halok, nit Karìsùt amep esin mene ba, “Ùkùm hinoba lek,” ìlùk nina'la selek hogo elok motok hinikerek o. Nit Ala eluk welagarek mene a'la hanorogo hagatì logouagalùk, wam esi hano mene Ala waretì lagaukwa atì hak, at Karìsùt Ala Areagùn esok motok welagarek mene omame ba, wa'laga logolìk, ebe Ala wogosike atì ba, nit alebat lek asigin mene tùlemat hagatì lagagu mene, at en, “Ùkùm inoba lek,” ìlùk, at amep oba nina'la selek hogo hinikomo welago.

ABÌKAKAN 7:2

It atì'nogo werek kolek, malaikat hunigat aike o mo yegelogo lìabi wagare'ma a'loma nen Ala eluk motok welagarek mene asilo wolok wùlìbi wagasik, Ala nen it malaikat inebe 4 en kweang mel, i laut yekelek mel, weagathouagalùk esewerek hisasike mene amanogo mel yogoisikenem holhì:

LAKSASIKE 8:37

ìlùk yogosikomo, at Pilipùt en he, “Noe. Hetaùken omakeat logolìk, Yesùt oba hìpìrethegetik egen halok he, ima pelakhabusagat o,” ìlùk yogosikomo, at ap a'nogo nen he, “At Yesùt Karìsùt atì, eberogoat Ala apurat o, ìlùk na'la akìgì,” ìlùk yogosike.]