MATÌÙT 15:31 - Ala Ane Wene Ket Mene Warogo Wo'ninapike Wene

³¹ Atì'nogo hagarìnapikomo re, it apùnì amanogo inane lek mene huak ìgìk, ineki inesok hapelek mene hano agìk, inesok wùt warek mene hano arìk kwe lagìk, ineileken mùm mene hano arìk lagisìgìk, ikenem ineileken hasukwasik he, “Egi! Nit apùnì Isirael mene ninopase Ala nayùk e,” ìlùk, hogorasukwa.

MATÌÙT 15:31 ပူးပေါင်းရင်းမြစ်များ

MATÌÙT 9:8

Atì'nogo hagasikomo re, it apùnì amanogo ineileken hasukwasik inayùk arìk he, “Ala nen apùnì mene nen yì'nogo hagatì logouagalùk menhesikomo atì nayù e,” ìlùk, Ala hogorasukwa.

LUKAT 18:43

ìlùk yogoto kolek aremnogoat, eileken mùm mene a'nogo hano agaikesik, Yesùt opolik laga logolìk he, Ala hogorarìk lagaike. Nen, it apùnì he'nakìt amanogo Yesùt en hagasike mene atì ineileken hasukwasik he, Ala hogorasukwaat.

LUKAT 7:16

Atì'nogo hagasikomo, apùnì apik amanogo inayùk arìk he, Ala hogoratì logolìk, mel isukwa: “Ap kain Ala ane yogonisìkì logogin mene aike ninekele'ma nen weinam aga yì! Ala nen againapùrì telninabigìlùk waga o!” ìlùk isukwa.

MATÌÙT 18:8

Hineki nen a? Hinesok en a, weagathinabusak haga'laga halok he, o'moko palogo laksìlìk, o'moko nek logolìk, ineluk motok logogunmo atoma kumo hano o. Mene re, hineki hinesok atì wùrat were'ma etu nogoilasusak le'ma atoma lakhikamo weak o. Halok he, o'moko palogo laksano.

MATÌÙT 9:33

Wolok wagaukwama re, at Yesùt en mokareke oabùt weak mene ap a'nogo a'la kìlìk were'ma henogo wulaksasikomo, ap a'nogo ane huak hogo isike. Atì'nogo hagasikomo re, it apùnì apik welagaukwa mene nen Yesùt hogoratì logolìk he, mel isukwa: “Nit apùnì Isirael mene aike nen yì'nogo hagatenem nineileken hisogorek lek mene nayùk e,” ìlùk hogorasukwa.

YOHANET 9:24

Atì'nogo isukwama, it en he, ap alebat eileken mùmat ta'lagaikesik welagaike mene a'nogo hobuk, “Eme,” ìlùk waesukwama wagaikomo re, mel yogosukwa: “Ap atì ebe weak hagaterek mene nit ninelu atì nen he, hat hokawerek en hane eberogoat Ala etage hopuk palogo yogonisan o,” ìlùk yogosukwama,

LUKAT 14:21

Inane atì'nogo ìlìk lagaukwama re, at atitigeke mene a'nogo nen oe a'nogo yogosi wagaike. Atì'nogo yogosi wagaikomo, at oe esewerek a'nogo a'mage apik lagalìk, mel yogosike: O kota hùko yì, kwe ebela hùkokwe mel, hamùlùkkwe mel, laga logolìk, apùnì inelageik mene mel, inouak sagalek mene mel, ineileken mùm mene mel, inesok wùt warek mene mel, wogisek we'no o, ìlùk yogosike.

LUKAT 14:13

Mene re, hat atì'nogo isatì logolìk halok he, ineilmo lek inelageik mene atì inom, inouak sagalek mene inom, ineitep holu mene inom, ineileken mùm mene inom, it atì'nogo mene hùgì inayoko hìkì logoino. Atì'nogo inayoko hikenem, it en hat hayoko housak lek atì nenat, hat ha'la hai apik hakegein o. It atì nen oko wokhesusak le'ma atì, apùnì inetaùken higit mene wa'larì'mo, Ala nen inelugurinabigin atì sat he, hat hagatì logogin mene oko, at Ala nenat wokhesigin o,” ìlùk yogoisasike.

MAREKÙT 9:43

Hineki nen weagathinabusak haga'laga halok, hineki o'moko palogo laksìlìk, hineki o'moko nek logolìk apùnì ineluk motok welagaikare'ma atoma kumo hano o. Mene re, hineki wùrat were'ma, hinebe wea'ma, [etu nogoilagì'lek soboneken wa'lagì'lek inoba hiko motok welagare'ma] atoma wo'lakamo weak ìlùk, hineki o'moko palogo laksana.

MAREKÙT 7:37

Atì'nogo yogoisikenem he, it en apik hogoratì logolìk he, mel ìkì lagaukwa: “At en, yì mene tì mene hano nek hagatì logolìk, apùnì hagarinapenem he, inesako togùm mene huak ìlìk inasuk holhìk, inane lek mene inane hano agìk, ìlì'lùgì atì nayùk e!” ìlùk apik hogorasukwa.

MAREKÙT 2:12

Atì'nogo lakhesikomo re, ap a'nogo mel agaikesik he, aremnogoat alit a'nogo helalùk it apùnì amanogo obogat ineilhanem wùlìpike. Atì'nogo hagasikomo, it apùnì amanogo obogat en he, mel isukwa: “Egi! Nayùk e. Nit yoma alebat apùnì aike nen yì'nogo aike hagatenem hogorek lek mene hagate yì nayùk e,” ìlùk Ala hogorasukwa.

MATÌÙT 21:14

Atì'nogo yogoisasikesik he, apùnì ineileken mùm mene mel, inesok wat warek mene mel, Yesùt oba Ala awì wùrì'mo atoma wagaukwama re, at en hano hagarinapike.

MATÌÙT 8:10

at Yesùt asuk holhikesik he, apùnì at opolik lagaukwa mene amanogo mel yogoisasike: “Egi! Ap yì etaùken noba eberogoat hìpìrethike atì hake, it apùnì Isirael mene aike inetaùken atì'nogo hìpìrethikenem isìgìrek lek mene nayùk e, ìlùk eberogoat yogohisìgì o.

MATÌÙT 9:32

O atoma nen wùlùpenem he, it apùnì aike nen ap aike mokareke oabùt weak mene a'la kisikomo ane lek motok welagaike mene Yesùt oba wolok wagaukwa.

MATÌÙT 15:30

Hù'lagaikesik were'ma re, apùnì inebe apik at oba waga logolìk, inesok wùt warek mene mel, ineileken mùm mene mel, ineki inesok hapelek mene mel, inane lek mene mel, it he'nakìt inoba ou mene apigat mel, wogisek Yesùt oba wagaukwasik at awe a'ma hisìkì lagaukwama re, at en motok hano hagarinapike.