MATÌÙT 15:3 - Ala Ane Wene Ket Mene Warogo Wo'ninapike Wene

³ Atì'nogo yogosukwama, at Yesùt en he, “Halok he, hit hogo re, Ala nen, Yì'nogo haga'no, tì'nogo haga'no, ìlùk ninasuk wasike wene sagalogo heraksìlìk, hinapu hinopalak hagatì lagaukwa higit hogo hagatì lagep atì nahalok.

MATÌÙT 15:3 ပူးပေါင်းရင်းမြစ်များ

KOLOSE 2:23

It atì ineram enat apùnì yogoisìkì logolìk he: “Malaikat inawe a'ma logolìk hogorinapìk, hina'la nen he, Nebe kepù, ìlùk ìgìk, inetaùken hano asuagalùk, ineki inesako ineilha palagarek hak, inogat oba wiik-weak hogo hagatìk, ìkì logousak o,” ìlùk wene ina'la kagalek hano salek yogoisili'lugi atì. Mene re, inoba aiyage lagaikenem, wene atì ba nen inetaùken sebelusak mea o.

KOLOSE 2:8

Atì'nogo iko were'ma, apùnì aike ina'la kagalek mene salek, wene we mene inapeliagat yogohisìkì logolìk, lalhinabinogo ìlùk he, hinoabùt hebelogo logoino. Wene atì re, Karìsùt en isike mene higit hogo ìlì'lùgì hùk. We, apùnì ta'larìk waga kolek, inopalak en he, “O yoma yì mene tì mene hìpìt he, mokareke inoabùt weak mene atìat o,” ìlùk ìkì lagaukwa mene higit hogo lalhinabì'lùgì atì.

MAREKÙT 7:13

Ati'nogo ìkì lagep atì ba, hinapu hinopalak hagatì lagaukwa wene wanhigisip he, Ala ane sagalogo heraksìkì lagep atì. Ati hak, wene aike apigat hagatì lagep mene weregat o,” ìlùk yogoisasike.

TITUT 1:14

It apùnì Yahuri mene inera nen lìbìlogo wenesuayo wene pìlìngìrì'lùgì mene mel, apùnì aike nen, ebe wene heraksìlìk ina'la nen kagalogo, “Tì'nogo hagatì logousak,” ìlùk inasuk warì'lùgì mene atì mel, wene atì hesogo logoinogo ìlùk, inasuk ning hogoat watì logoino.

MATÌÙT 15:2

“It ap hat hagoromì hane wìlì'lùgì mene yoma nen, ninapu ninopalak hagatì lagaukwa higit hogo hagatì'lek sagalogo heraksìlìk ineki bakwe horatì'lek sùpùrùk nìlì'lùgì atì nahalok,” ìlùk yogosukwa.

MATÌÙT 15:4

At Ala nen ìkì logolìk he, Hinopase hinagosalak agaugerinapì logoino o, ìlùk isikesik he, aike mel isike: Sa nen opase agosa abok weak palhe halok he, at atì ebe motok wasusak o,