MATÌÙT 15:27 - Ala Ane Wene Ket Mene Warogo Wo'ninapike Wene

²⁷ Atì'nogo yogosikomo, at he a'nogo nen he, “Ì, noe. Eberogoat egen meneat he, at ayeke esewerek atì sùpùrùk e meja talek oba nikenem, eken weagarogo kweangma pike halok he, yeke atì nen nikeregat o,” yogosike.

MATÌÙT 15:27 ပူးပေါင်းရင်းမြစ်များ

EPESÙT 3:8

Ala againapùrì mene obogat inetagewerek werek kolegat he, an netage lek, mea mene, at Ala oabùt hano nen, hano wene pìlìngìrogo usak mea mene, Karìsùt en wogisikerek a'nogo apùnì etakwe mene yogoisìlìk nìkì logouagalùk nayoko hìlìk neyabu atì wo'nesikomo welagì.

LUKAT 16:21

Hei waganem weitek logolìk, a'la nen he, Ap kain mene a'nogo apùrùk nikenem eken hilalogo o hùlùmo pikenem atogorogo nalabut ning hogo nìkì logoile e, ìlùk akiko were'ma, yeke wìrìk he, oumo ebena amanogo ameli nen melangathìgìk nìkì lagaike.

ÙRÙM 10:12

It apùnì Yahuri mene hùnogoat, nen, apùnì Yunani mene hùnogoat, usak lek. Nit obogat ninopase Etagepogot he, Ala omakeat o. Nen at, en wogisoagalùk ayoko hagarek mene hùgì inebe obogat, hùkorogoat wogisikerek o.

ÙRÙM 3:29

At Ala re, nit apùnì Yahuri mene nek ninopase nogo? It etakwe mene ninomat ninopase lek nogo? Eberogoat apùnì etakwe mene ninomat ninopase a.

LUKAT 18:13

at ap uang pemerintah hesik kìno ìlìk atogoterek mene a'nogo nek he, ebe walegat metek logolìk ot hiok hogo eileken pogot oba higit lìakhìgì'lek ayùk hogo logolìk, eki nen etaùken hothìkì logolìk he, mel isike: Ala nopase e! An weak hagatìrek mene yì, hetawì nean o, ìlùk yogosike.

MATÌÙT 8:8

“Eige! Noe. An ap yekeregatma, hat an naua ki lasak mea o. Halok he, hebe ya nen hane nek healumo re, an natitigeke mene atì hano asigin o.

ÙRÙM 3:4

Motok lek o. Apùnì inebe lopok inane inera um lìbìlogo iko halok he, Ala ane eberogoat enek ikerek, ìlùk wene helal waganogo hìkì logolìk he, mel isukwa: “Hat Ala hane eberogoat enek ikenem ebe nek agarek. Apùnì nen mabenethagauogolùk ikenem he, hat he, maben agatek lek o. Homame nek agatek,” ìlùk helal waganogo hesukwa atì.

ÙRÙM 3:19

Wene Ala nen ninasuk wasike wene atì, it hologo logousak mene nek yogoisasike, ìlùk nit ninelu. Ala aligat en apùnì o yì awì tì awì obogat ùkùm inoba hìgìk, kotìk, ikenem, at aike nen ùkùm oba korasak mea asuagalùk ninasuk wasike atì.

MATÌÙT 15:26

at Yesùt en he, “Yekerùgì inapùrùk mene wìlìk, yeke noagalùk po lagasumo mea o,” ìlùk yogosike.

MATÌÙT 15:28

Atì'nogo yogosikomo, at Yesùt en he, “He yì nerei e. Hat en he, At en hagasigin, ìlùk hetaùken noba motok hìpìrethegen atì nen he, ha'la akegen atì hagat higit hogo hagathesigin o,” ìlùk iko kolek aremnogoat, eak a'nogo hano agaike.

MAREKÙT 7:28

Atì'nogo yogosikomo, at he a'nogo nen he, mel yogosike: “Ì noe. Eberogoat egen. Mene re, yekerùgì nen sùpùrùk e meja talek oba nìkì logolìk eken weagarogo nen pelapenem he, yeke meja a'ma logolìk nikeregat o,” ìlùk isikomo re,