MATÌÙT 15:18 - Ala Ane Wene Ket Mene Warogo Wo'ninapike Wene

¹⁸ Mene re, wene inape ba nen wulaparek atì re, ina'la nen kagalogo lagai wagarek atì nenat inebe weagarinaperek o.

MATÌÙT 15:18 ပူးပေါင်းရင်းမြစ်များ

MATÌÙT 12:34

Hit hinebe walo nen tagokwe mene yoma sanì! Apùnì nen yì wene tì wene inapema nen egarek atì re, ina'la peserek logolìk kagalogo lagai waganem egarek atì nen he, hit he, hinoabùt weagat logolìk wene hano mene ìkì logousak nogo? Mea o.

MATÌÙT 15:11

“Wene igin yì hit hùthoageip en he, hinasuk hanorogo holini o. Yì mene tì mene inapema kelaparek atì nen inebe weagarinaperek lek o. Mene re, inape ba nen wene egarek atì baat weagarinaperek o,” ìlùk yogoisasike.

LUKAT 19:22

Atì'nogo yogosikomo, at kain a'nogo nen he, Nagot. Hat hoabùt weak motogat hagatì lagenma o. Hat hane egen atì baat ùkùm hoba hìlìk weagathabigin o. An noabùt ningsek logolìk he, an nen hìgì'lek mene helìgìk, awì an nen yatì'lek meneat he, eken palìgìk, ìgìre'ma, noabùt hat helu halok he,

MATÌÙT 15:17

Yì mene tì mene nikenem, inapelekwe nen he, pìkìt inalabut a'la pìlìk, hobuk inamise wusi lagaikarek ìlùk hit hùthìgì'lek a?

MAREKÙT 7:20

Wene atì'nogo yogoisìkì logolìk, aike mel yogoisasike: “Wene ina'la nen kagalogo lagai waganem wulaparek atì nenat inebe weagarinaperek o. Atì'nogo ina'la nen weak mene ebetì logolìk hagatarek he, yì: hìlìmìkìrugì pailak haksìgìk, yogot wanhìk, apùnì inoatìk, ap inagagwi mene pailak haksìgìk, ina'la nen, Apùnì aike inagarok mene an mene nek logoilep, ìlùk akìgìk, yì weak tì weak aike hagatìk, lalinapik, inekalì lek hagatìk, ua palhìk, inabok wiik-weak palhìk, inokawerek en hogorakìgìk, inetaùken lek hagatìk, egarek atì.