MATÌÙT 15:11 - Ala Ane Wene Ket Mene Warogo Wo'ninapike Wene

¹¹ “Wene igin yì hit hùthoageip en he, hinasuk hanorogo holini o. Yì mene tì mene inapema kelaparek atì nen inebe weagarinaperek lek o. Mene re, inape ba nen wene egarek atì baat weagarinaperek o,” ìlùk yogoisasike.

MATÌÙT 15:11 ပူးပေါင်းရင်းမြစ်များ

MAREKÙT 7:15

Apùnì re, yì mene tì mene inapema nen ina'la pelaparek mene atì nen, weagarinabusak lek enek o. Weagarinaperek atì re, wene ina'la nen kagalogo lagai waganem egarek atì nek he, weagarinaperek o.

ÙRÙM 14:20

Hat neketek atì ba nen, Ala againapùrì at en hano hagarogo hisasike mene weagatsagùn o. Yì mene tì mene hano nasagat mene re, nìkì logolìk at aike weagathegen halok he, hat weagat hagaten o.

IBERANI 13:9

Atì'nogo logogin atì nen he, it apùnì aike nen yì wene ti wene hunigat mene ba lalhinabinogo. N en, it apùnì alebat inape nekarek mene hesik esinethìlìk hagatì lagaukwa atì ba hano agì'le'ma re, ninetaùken atì ba wurik asusak mea o. We, Ala oabùt hano nen wo'nisikerek atì ba ninetaùken hano wurik asusak o.

ÙRÙM 14:14

Yì mene tì mene nekarek mene atì ebe re, wesa lek, ìlùk, an ninoe Etagepogot Yesùt neperak hutik logolìk nelu. Hùthìgì. Mene re, at aike a'la nen he: “Atì mene wesa. Nasak lek o,” ìlùk akike halok he, at hesik he, nasak legat o.

2 PETERÙT 2:18

Apùnì aike inerùgì inagaiya'lak koloat hagato kolek he, heraksalùk wùlìbi wesuogolùk ikenem, inetaùken nen nikenem hobuk weak hagasuagalùk, it ap atì inokawerek hogorakìkì logolìk we tùlemat inapeliagat ina'la kagalhì logogun.

TITUT 1:15

Ala nen apùnì aike ina'la hanorinape mene hùgì, it hesik, yì mene tì mene wesa lek. Hano nek o. Atì'nogo meneat he, it aike inetaùken Ala oba hìpìrethìgì'lek logolìk, ina'la akìlì'lùgì mene mel, eberì'lùgì mene mel, weagat werek atì nen, it hesik yì mene tì mene hano lek. Weak enek o.

MATÌÙT 15:10

Atì'nogo yogoisasikesik he, hobuk at Yesùt en apùnì apik amanogo waisasikomo wagaukwama re, aike mel yogoisasike:

MATÌÙT 15:12

Atì'nogo yogoisasikomo, at agoromì ane wanhì lagaukwa mene amanogo oba wagaukwasik he, mel yogosukwa: “Wene yogonisegen a'nogo, it ap Parisi mene nen inasuk holhasik he, At weak ike, ìlùk inabìt heega atì hùrisegen a? Lek a,” ìlùk yogosukwa.

1 TIMOTÌÙT 4:3

It en wene ìkì logolìk he, Hìmì woginabusak motok lek, ìgìk, Yì mene tì mene nekarek mene atì, aike yì mene wasa. Nìkì logousak lek, ìgìk, ìkì logogun,” ìlùk, Ala Areagùn nen yogonisasike higit hogo ìlì'lùgì atì. Meneat he, nekarek mene atì, Ala nen nit ninetaùken at oba hìpìrìk logolìk, ebe wene atì hùthogo halok he, hai warogo nìkì logouagalùk elalhike mene hesik ìlì'lùgì atì.