MATÌÙT 14:3 - Ala Ane Wene Ket Mene Warogo Wo'ninapike Wene

^3-5 At Herotet en Yohanet hageat wasike atì re, wene yì'nogo. At kain Herotet en he, agot Pilipùt agwe Herotìa atì telogo wanhike atì nen, at Yohanet en he, Herotet mel yogosike: “He Herotìa wanusak le'ma wanhen atì, waganek logousak mea o,” ìlùk yogosike atì nen he, Yohanet ebe eki hele warogo re, o eki hele warogo hisagarek oba kelakhesikesik wasigìlùk isike meneat he, it apùnì nen he, “Yohanet atì Ala ane yogoisikerek mene,” ìlùk egaresi'mo re, wasu ayùk agaike.

MATÌÙT 14:3 ပူးပေါင်းရင်းမြစ်များ

MAREKÙT 6:17

Atì'nogo isike atì re, hageat at Herotet en agot Pilipùt agwe etage Herotiat atì wanhikomo re, at Yohanet en he, mel yogotì lagaike: “Hat en hagot agwe wanusak le'ma wanhen atì waganek logousak mea o,” ìlùk, hobugalep ekalì warogo yogotì lagaike atì nen, at en ap inayoko hesikomo Yohanet ebe hakhei lagaukwasik wolok wagaukwasik he, eki hele warogo o ineki hele warogo hisagarek oba kelakhesukwa.

MATÌÙT 4:12

“At Yohanet a'nogo eki hele watama,” ìlùk isukwama, at Yesùt esuk holhìkesik he, o Kalilea tokwe lagai wagaike.

MAREKÙT 6:22

Atì'nogo akasikesik, pesta isago nikenem, at eak salisik mene kelakhesikomo kisikesik etawiì ouak sogop holok hogo lagagìk, pìgìk, hano motok wasikomo, at Herotet ebe mel, ap kisukwa mene amanogo mel, ina'la hai hakasike. Ina'la hai hakasikomo, at kain etagepogot Herotet atì nen he, mel yogosike: “Hat en nena mene kìno yogoneten halok wokhesiginat o.

MAREKÙT 6:19

Kelakhesukwama were'ma re, at he Herotiat en Yohanet ane eken hìlìk, at Herotet en wasuagalùk a'la kagalhì lagaike meneat he, at Herotet a'la nen he, mel akìkì lagaike: “At Yohanet ebe Ala nen lakhei wagaikomo logolìk oabùt higit hagarì'logo,” ìlùk oabùt palogo ebe agaugeratì logolìk wasusak mea agaikomo, ebe elele waganogo hesogo welagaike. Hesogo logolìk, ane holhì logou walok en holhì lagaike meneat he, holhì logolìk, wenesùgì apik ebetì lagaike.

MATÌÙT 11:2

At Yohanet ima pelaginapì lagaike mene a'nogo eki hele warek were'ma, apùnì nen he, “Karìsùt tì'nogo hagarì'logo,” ìlùk ikenem asuk holhikesik he, at agoromì ane wanhì lagaukwa mene Yesùt oba hinok wanuagalùk laksa wagaike.

LUKAT 13:1

Atì sapùl he, it apùnì aike nen Yesùt mel yogosukwa: “Apùnì Kalilea mene Ala ako waretenem, at Pilatùt en it inamep inom, Ala ako wareta mene amep inom, apìkwe wulagasogo inoate o,” ìlùk yogosi wagaukwa.

MATÌÙT 14:6

Meneat he, o at Herotet atì ebe ta'lagaike ha higit asi wagaikomo re, pesta hagatì logolìk, at he Herotìa eak salisik mene atì, apùnì apik inekele'ma nen etawì ouak sogop holok hogo lagagìk pìgìk watenem he, at kain Herotet atì a'la hai hakasike.

MAREKÙT 6:14

Yesùt agoromì nen atì'nogo hagarinabìk laganem he, at Yesùt etage apùnì o ya ta atoma inelu agaukwasik abok ikenem, at kain etagepogot Herotet asuk holhikeat. Atì'nogo ikenem it apùnì aike nen he, mel ìkì lagaukwa: “Yohanet ima pelaginapì lagaike mene ebe watama wa'laga a'nogo eluk agasik niko hìgì. Atì'nogo eluk agasik nogo nen he, hagasusak lek mene elalinat hagarìk niko atì,” ìgìk,

MAREKÙT 8:15

Wùlùpukwasik he, Yesùt en inasuk warogo mel yogoisasike: “It ap Parisi mene mel, at Herotet mel, eken sùpùrùk horoti mene hisuagalùk a'la pelaparek a'nogo mene hake werek atì ba weagathinabinogo ìlùk, hinepe hebelogo logoino,” ìlùk inasuk wasike.

LUKAT 3:1

Ap kain etagepogot Kaisat Tiperìut atì apùnì Ùrùm 3 mene obogat at eki ba hagisek 15 tahun werek kolek atì hùlìat, ap Potìùt Pilatùt atì ebe gubernur o propinsi Yurea welagaike. Nen, ap Herotet atì ebe kain logolìk, o Kalilea tokwe atoma hagisek welagaike. Nen, ap kain Herotet agot Pilipùt atì ebe kain logolìk he, o Iturea atoma inom, o Terakonitit atoma inom, hagisek welagaike. Nen, ap Lisaniat atì ebe kain logolìk, o Apilene atomaat hagisek wela gaike.

LUKAT 8:3

nen, aike re, he Yohana ap kain Herotet agarok yì mene tì mene eki ba logolìk hagatì lagaike mene etage Kusa atì agwe mel, he Susana mel, nen, aike re, it hìmì he'nakit logolegat mel, uang it mene ba yì mene tì mene oko palogo Yesùt agoromì inomat leberisìlìk nìkì lagaukwa.

LUKAT 13:31

Wene atì'nogo oan yogoisikenem, it ap Parisi mene aike Yesùt oba wìrìk he, mel yogosukwa: “Ap Herotet en hoasigìlùk ìlì'logo atì re, o yoma logousak lek. Hese o wele'ma wo'lakan,” ìlùk yogosukwama,

LUKAT 23:7

it en he, “Ap atì, o at kain Herotet en hagisek welagare'ma amanogo mene o,” ìlùk yogosukwama asuk holhikesik he, atì sat, ap kain Herotet ebe o Yerusalem atoma pìlìk were'ma nogo nen he, oba lakhei wagaike atì.

LUKAT 23:11

Hikenem he, at Herotet agoromì tentara mene inom en, Yesùt ebe ina'la meathìlìk, inane sagan apik wokhìkì lagaukwasik he, su hano motok kaintek labetarek mene aike labethìlìk, apotkwe Pilatùt oba lakhesike.

LAKSASIKE 4:27

Atì'nogo isigin hagat, at Herotet mel, Potìùt Pilatùt mel, apùnì etakwe mene mel, apùnì Isirael mene mel, Yesùt, hat hokawerek haput nit apùnì telninabuagalùk menhesigin mene a'nogo, wasuogolùk eberogoat o yoma atogosi wagaika atì hesik isigin atì.

LAKSASIKE 12:1

Atì'nogo hagatì lagaukwa atem sat he, ap etagepogot Herotet en Ala againapùrì mene aike weagarinabigìlùk isike.