MATÌÙT 14:29 - Ala Ane Wene Ket Mene Warogo Wo'ninapike Wene

²⁹ at Yesùt en he, “Eme o,” ìlùk yogosikomo, at Peterùt a'nogo so a'la nen wùlìpikesik he, i agùm obakwe Yesùt oba lagaike.

MATÌÙT 14:29 ပူးပေါင်းရင်းမြစ်များ

PILIPI 4:13

At Karìsùt en nomame'napo kolek nogo nen he, yì mene tì mene weak aganem inom, hano aganem inom, elok logousak enek.

MAREKÙT 9:23

Atì'nogo yogosikomo re, at Yesùt en he, mel yogosike: “Hat en he, Elok hagasusak halok he, hagasin, ìlùk yogoneten atì nahalok. Apùnì inetaùken Ala oba hìpìrethìlìk yì mene tì mene elok hagasusak enek o,” ìlùk yogosikomo,

LAKSASIKE 3:16

Ap esok wùt warek welaga mene yì nen he, Yesùt atì eberogoat, ìlùk etage palogo, etaùken at oba hìpìrethike atì ba, ap yì hineileken hegeresipmo re, ebe hinelu mene a'nogoat omame aga yì. Etaùken atì'nogo Yesùt oba hìpìrethike atì ba, hit hineilhanemat motok hanothikomo yì.

LUKAT 17:6

at ninoe Etagepogot en he: “Kibi-kìbì magakelak mene heik lakhagarek atì hak, hinetaùken an noba hamùlùgat enek hìpìrethìlìk he, hit en, E yì yoma nen he'nok hogo re, i laut hùko yekele'ma a'loma ya'lasi lan o, ìlùk yogosugun halok he, hinane asuk holiginat o,” ìlùk yogoisasike.

ÙRÙM 4:19

Ap Aberaham okawerek en he, “An nebe 100 tahun hake welagarì'mo re, nomame lek agasik, nagainapùrì taginabusak motok mea agì. Nen, nagwe Sara ebe re, abìlìat,” ìlùk elu welagaike meneat he, etaùken Ala oba hìpìrethesike mene atì, a'la pùk agì'lek hìpìrìk motogat welagaike.

MATÌÙT 21:21

at Yesùt en he, “Wene eberogoat yogohisak. An nen e ara yì hagatì hak, hit en atì'nogo hagasusagat mene re, atì nek hagasusak hùk. Hina'la wenesùgì uan horo ebetì'lek, we hinetaùken Ala ba hìpìrethìlìk, hit en he, Tom yì yoma nen he'nok hogo i laut yekele'ma a'loma pong hogo lan o, ìlùk yogotep halok he, haga'lasiginat o.

MATÌÙT 17:20

at Yesùt en he, “Hit hinetaùken tùkùm hogo noba hìpìrethìkì lagep lek atì nen o. Kìbì-kìbì eken magakelak mene heik lakhagarek atì hak, hinetaùken an noba hamùlùgat enek hìpìrethìlìk he, tom arì yogotì logolìk, Aroma nen hìgìlogo wele'ma atoma asi lan o, ìlùk gosugun halok he, atoma nen wele'ma atoma asi lasagat o. Hit en yì mene tì mene hagasumo re, aike mea agì'lek hano nek asigin, ìlùk eberogoat yogohisìgì. [Mene re, mokareke oabùt weak mene yì hake ina'la kìlìk were'ma re, sùpùrùk nìkì'lek sapan umo nek he, elok henogo wùlùbusak o,]” ìlùk yogoisasike.

MATÌÙT 14:28

at Peterùt en he, “Noe. Hat hebeat halok he, an hoba i agùm obakwe wesik en he, Eme o, ìlùk yogonom,” ìlùk yogosikomo re,

MATÌÙT 14:30

Laganem he, sogoi hunha wagaikomo, eileken hìlìk ayùk agaikesik, i a'la nalemùk hogo pigin nen he, ane ngai ìkì logolìk, “Eige! Noe! Telnabi me o,” ikenem aremnogoat he,