MATÌÙT 14:23 - Ala Ane Wene Ket Mene Warogo Wo'ninapike Wene

²³ Atì'nogo yogoisasikomo, wùlìbi waga kolek, at Yesùt en apùnì logolek amanogo arat laksalùk he, at aligat enek punu ba sapan igìlùk lagalìk iko were'ma o hi isikomo re, aligat atoma welagaike.

MATÌÙT 14:23 ပူးပေါင်းရင်းမြစ်များ

LUKAT 6:12

Ati sat he, at Yesùt sapan igìlùk tom oba lagasike. Lagalìk yìbako-hùako Ala ayoko hiko motok were'ma, o arat we isike.

MAREKÙT 6:46

Atì'nogo yogoisasikomo, wùlìbi waga kolek, at Yesùt en it apùnì amanogo arat laksahlùk he, at sapan igìlùk punu ba lagasike.

MATÌÙT 26:36

Atì'nogo isukwasik he, at Yesùt ebe mel, agoromì ane wanhì lagaukwa mene amanogo mel, inom Ketsemani yabumo lagaukwasik agoromì mel yogoisasike: “An horok ya lìlìk sapan iko kolek, hit yoma hùrek logoni o,” ìlùk yogoisasike.

MATÌÙT 6:6

Meneat he, hit sapan uogolùk halok he, hinaua kwe yagarogo kìlìk, hinopase Ala pogot oba mene ebe ineileken hagarek lek mene a'nogo nen wokhisoagalùk kìno yogotì logoino. Hit en hinagasogo kìno yogosugun mene atì, at eileken hinago mene hikeresi'mo nogo nen he, wokhisegein o.

LAKSASIKE 6:4

Menhisamo, it atì'nogo hagato kolek, nit en he, sapan ìgìk, wene ebe wene atìat yogoisìgìk, iko logogun,” ìlùk yogoisasukwa.

LUKAT 9:28

At Yesùt en wene atì'nogo arat yogoisasikesik he, nogo ineki 8 hake ìlùk en, Peterùt mel, Yohanet mel, Yakobùt mel, wogisek sapan igìlùk tom aike ba lagasike.

MAREKÙT 1:35

Atì'nogo hagarinapì lagaikesik he, nogo isikesik o etawì wekelìk waga kolek eluk a'lùk wùlìpike. Wùlìpikesik he, o leimo apùnì le'ma lagaikesik sapan ìkì lagaike.

LUKAT 3:21

At Yohanet en apùnì obogat ima pelaginapì logolìk he, at Yesùt ima pelakhesikeat. Ima pelakhesikomo, at Yesùt ebe nen sapan iko kolek he, pogot healogo,

LUKAT 5:16

Atì'nogo hagato kolek meneat he, at Yesùt sapan ìgìlùk ebe apùnì le'ma leimo atoma laga lagaike.

LUKAT 9:18

Ineki aike sapùl he, Yesùt aligat sapan ikenem, at agoromì ane wanhì lagaukwa mene amanogo oba wagaukwa. Wagaukwama, at en inoba hinok wanhì logolìk he, mel yogoisasike: “Apùnì apigat en an nebe hesik nabok ìkì logolìk he, sa ìlì'lùgì nogo,” ìlùk yogoisasikomo, it en he, mel yogosukwa: