MATÌÙT 14:21 - Ala Ane Wene Ket Mene Warogo Wo'ninapike Wene

²¹ Apùnì inebe obogat nasukwa mene atì, yekerùgì mel, hìmì mel, ineki wenaginapì'lek. We, ap inalùgetek enek he, inebe 5.000 nen wenaginapukwa,

MATÌÙT 14:21 ပူးပေါင်းရင်းမြစ်များ

PILIPI 4:19

Nen, hit yì mene tì mene hinelageik were'ma, an nopase Ala hogoratìrek mene Karìsùt Yesùt eperak hutik logolìk eilmo seigweak en hogoratarek mene a'nogo nen, wokhisikenem hineilmo seik asiginat o.

LAKSASIKE 4:4

Atì'nogo meneat he, it Peterùt Yohanet eperak atì'nogo oan kelaksìgì'lek werek kolek, wene apùnì yogoisasukwama, it wene inasuk holhukwa mene amanogo inebe logolegat en, “Wene atì eberogoat,” ìlùk wanhukwama re, it alep mene inom, hobuk mene inom, lapuk hogo, ap enek inebe apigat 5.000 hake haga'lagaikeat atì.

LAKSASIKE 4:34

Atì'nogo leberisiko kolek he, inakweang esewerek welagaukwa mene inom, inawì wùrìk esewerek welagaukwa mene inom, apùnì welek mene inoba oko uang wanhì lagaukwa. Wanìk he, uang atì it en wolok ap Yesùt en inebe weteberogo inayoko hìlìk laksasike mene amanogo ineki ba hei waga lagaukwa. Hei waganem he, it aike inagarok lek mene inebe lopok elok hogoat sùpùrogo aga lagaukwa. Atì'nogo hagatì lagaukwa atì nen, it aike inelageik agì'legat welagaukwa.

YOHANET 6:10

at Yesùt en agoromì amanogo mel yogoisasike: “Nagoromì. Apùnì aroma hù'lasuak en, yogoisani o,” ìlùk isikomo, pupuk eka apik were'ma, obakwe hù'larik lagaukwa re, apùnì inebe apigat mene re, ap enek inebe 5.000 nenineki wenasukwa.

MATÌÙT 14:20

Sùpùrisasukwama, it inebe obogat inalabut ning hogoat nasukwasik titelogo re, mùl ugu 12 nen apem hesogothìgìk kalogo hesukwa.

MATÌÙT 14:22

Atì'nogo arat nasukwama nen he, at Yesùt en at agoromì ane wanhì lagaukwa mene amanogo mel yogoisasike: “An apùnì logolegat yoma laksak en he, hit tak i so a'la kìlìk he, i aik ìlì bakwe wùlìpi logoni o,” ìlùk ane keirogo yogoisasike.

MAREKÙT 6:44

Sùpùrùk horoti mene nasukwa atì re, ap enek he, inebe 5.000 nen nasukwa.