MATÌÙT 14:19 - Ala Ane Wene Ket Mene Warogo Wo'ninapike Wene

¹⁹ Yogoisasikomo re, wogosi wagaukwama, at Yesùt en apùnì apik amanogo mel yogoisasike: “Pipuk obakwe aroma hù'larìk lani o,” ìlùk yogoisasikomo hù'larìk lagaukwama re, sùpùrùk horoti mene 5 nen aremnogo mel, ikan pìre aremnogo mel, ekim wanhikesik he, eileken pogot oba lìakhìlìk, Ala hai warogo kùrogo re, agoromì ane wanhì lagaukwa mene amanogo nen sùpùrisoagalùk he, wogisasikomo sùpùrisasukwa.

MATÌÙT 14:19 ပူးပေါင်းရင်းမြစ်များ

LUKAT 24:30

Kisukwasik inom sùpùrùk nùogolùk he, hù'lagaikesik sùpùrùk horoti mene ekim wanhikesik he, Ala hai warogo kùrogo it aremnogo sùpùrisasike.

LAKSASIKE 27:35

Atì'nogo yogoisasikesik, sùpùrùk horoti mene aike ekim wanhikesik he, it obogat ineilhanem Ala hai warogo, at tak kùrogo nasike.

MAREKÙT 6:41

Atì'nogo arat hù'larik lagaukwama re, at Yesùt en sùpùrùk horoti mene 5 nen aremnogo mel, ikan pìre aremnogo mel, ekim wanhikesik he, eileken pogot oba lìakhìlìk, Ala hai warogo horoti aremnogo kùrogo re, agoromì ane wanhì lagaukwa mene nen apùnì logolek amanogo sùpùrisoagalùk wogisasike. Nen, ikan pìre aremnogo atì'nogoat it obogat sùpùrisoagalùk kùrogo wogisasikeat.

1 KORÌTÙT 11:24

Ninoe Etagepogot Yesùt ap inoabùt weak mene nen wasuagalùk, ap aike nen hùako yoko lagaike atì sat, at Yesùt en he, sùpùrùk horoti mene ekim wanhikesik he, Ala hai warogo re, eki nen kùrogo hìlìk he mel yogoisasike: “Sùpùrùk yì an nebeat o. An hit hesigat noasugun atì, noba eberek logouageip en he, yì'nogoat hagatì logoino,” ìlùk agoromì wogisasike.

ÙRÙM 14:6

It aike nen he: “O yogotak yì like nek he, yì mene tì mene hagasusak lek,” ìlùk egarek mene atì, ninoe Etagepogot hesigat akagarek o. Nen, it aike yì mene tì mene yùgùnat nekarek mene atì re, ninoe Etagepogot hesigat nìkì logolìk he, Ala hai watarek atì. Nen, it nekarek lek mene atì, ninoe Etagepogot hesigat nìkì'lek kamo ìkì logolìk he, Ala hai wataregat atì.

KOLOSE 3:17

“Ninopase Ala nen wo'nisikerek atì, ebe Yesùt enat wo'nisikerek o,” ìlùk, Ala hai watì logolìk, “Ninoe Etagepogot Yesùt awe a'ma logolìk hagatì lago,” ìlùk, yì mene tì mene obogat hagasuogolùk, hinane yì hesik tì hesik uogolùk, at Yesùt etage palogo hagatì logoino o.

1 KORÌTÙT 10:16

Amusu nìkì logolìk he, Ala hai warogo nìkì lago atì, Karìsùt amep wulagasogo wasukwa atì ninom hutik welago ìlùk nìkì lago lek nogo? Nen, sùpùrùk kurogo nìkì lago atì, Karìsùt ebe ninom hutik logolìk ninebe omakeat welago, ìlùk, kùrogo nìkì lago lek nogo?

LUKAT 9:14

apùnì inebe ap hùgì re, 5.000 hake werek en isukwa. Atì'nogo yogosukwama, at Yesùt an agoromì amanogo yogoisìkì logolìk he, “It aroma inebe 50 logothìgìk palìk loak en, yogoisani,” ìlùk yogoisasike.

MAREKÙT 7:34

Atì'nogo hìlìk eileken pogot oba lìakhìlìk he, ane agaukwak a'marogo isikesik he, nit ninane ba: “Huak in,” u hak, it inane ba: “Epata,” ìlùk yogosike.

1 KORÌTÙT 10:31

an mel yogohisak. Sùpùrùk mel, i mel, nìkìk, yì mene tì mene hagatìk, atì'nogo obogat ìkì logolìk he, apùnì nen Ala hogorasuagalùgat hagatì logoino o.

YOHANET 6:23

hobuk so hunigat mene aike apùnì o etage Tiberiat mene nen warìk, ninoe Etagepogot Yesùt en sapan Ala hai warogo nen sùpùrùk horoti mene sùpùrisasikomo nasukwa ba a'nogo wùlùpukwasik were'ma, ineileken hasukwa.

MAREKÙT 6:39

Yogosi wagaukwama, at en he, mel yogoisasike: “Apùnì yoma inebe pipuk muliak obakwe aroma eki logothìgìk palìk loak en yogoisani o,” ìlùk agoromì yogoisasikomo re,

YOHANET 11:41

it en helep a'nogo lekalogo lakhesukwama re, Yesùt eileken pogot oba lìakhìlìk he, mel isike: “Ala nopase. An nane hasuk holhen atì nen he, hai wathapì lagì o.

LUKAT 22:19

Atì'nogo yogoisasikesik, hobuk sùpùrùk horoti mene ekimo wanhikesik he, Ala hai warogo nen ebe kùrogo re, agoromì sùpùrisìkì logolìk he, mel yogoisasike: “Yì an nebeat o. [An nebe hit hesik noatenem wa'lasigin atì, an noba eberek logouageip en he, yì'nogoat nìkì logoino,” ìlùk yogoisasikomo,

LUKAT 9:16

Arat hù'larik lagaukwama re, at Yesùt en sùpùrùk horoti mene 5 nen aremnogo mel, ikan pìre aremnogo mel, ekim wanhikesik he, eileken pogot oba lìakhìlìk, Ala hai warogo re, sùpùrùk mel, ikan mel, aremnogo kùrogo, at agoromì amanogo nen apùnì apik amanogo sùpùrisoagalùk he, wogisasike.

MATÌÙT 14:18

Atì'nogo yogosukwama, at Yesùt en he, “Atemat wo'nesi we'ni o,” ìlùk yogoisasike.

LUKAT 22:17

hobuk isoak eken amusu hinago ekimo wanhìkesik he, Ala hai warogo, agoromì wogisìkì logolìk he, mel yogoisasike: “Anggur eken amusu yì nalùk he, an hobuk aike nìkì'lek logopik en, hùlì, at Ala nen awe a'ma hisegein atì hùlì, hobuk negein. Halok, yì waganogo hinokawerek en sùpùrogo nìlìk loageip en ìlùk wokhisìgì o,” ìlùk yogoisasike.