MATÌÙT 14:14 - Ala Ane Wene Ket Mene Warogo Wo'ninapike Wene

¹⁴ It alebagìk lagaukwasik were'ma, at Yesùt i so warogo laga lagaikesik, so a'la nen inoba wùlìpikesik, eileken lagisìlìk etawìrinabìk he, it aike ou weak mene hùgì hagarinapike.

MATÌÙT 14:14 ပူးပေါင်းရင်းမြစ်များ

IBERANI 4:15

Nit ninoe kain Ala esewerek welagarek atì re, nit ninomame lek mea atì, at okot hùk o. At nit ninoabùt wanhikesik were'ma, nit weak hagasuagalùk nina'la kagalherek atì hak, at atì'nogoat yì hesik tì hesik a'la kagali waga lagaike meneat he, at weak aike hagatì'lek logolìk ninoabùt elu o.

MATÌÙT 9:36

Atì'nogo hagarinabìk nìkì logolìk he, apùnì apik eileken lagisìlìk he, “Wam topa warn konharek hak, it yoma koninabu mene lek en yùgùnat sak-pak hogo set yagalek nùgì yoma netawì lak e,” ìlùk etawìrinapike.

IBERANI 2:17

Atì'nogo hagasike atì re, yì'nogo ìlùk. Nit apùnì weak hagatorek mene, at en legetsagalùk, at ebe Ala esewerek kain logolìk, oabùt Ala hesik hùpùn hogo hagatìk, nit apùnì etawì'ninapìk, elogat ìkì logoigìlùk, at ebe nit apùnì erùgì agaiya'lak hakeat arìk, nit hagatorek mene obogat ninoabùt wanusak meneat wanhike atì.

IBERANI 5:2

Atì'nogo menhisikenem, it inomame lek mea meneat nogo nen he, it apùnì aike atì'nogoat wene inokot logolìk nong-hong hogo hagatarek atì, hùthìlìk he, inebe inetawìrinabìk it hesik inoba heanerogo elok hagatarek atì.

LUKAT 19:41

At Yesùt en atì'nogo yogoisalùk horok hogo asi pisukwasik, at Yesùt eileken o kota Yerusalem a'nogo lakhìlìk he, ouak le agaike.

LUKAT 7:13

eileken lagisasike. Lagisìlìk he, ninoe Etagepogot en he, he soge a'nogo eileken hìlìk he, etawì arìk he, mel yogosike: “Nerei. Le aga hùk o,” ìlùk yogosikesik he,

MAREKÙT 9:22

At mokareke oabùt weak mene atì nen, yekerek yì ebe wasigìlùk he, etumo kelapìk, ima pelapìk, ninhùp-nanhùbat walhiko welagarek o. Mene re, hat en elok hagasusak halok he, hetawì arìk ou arì haga'nisan o,” ìlùk yogosike.

MAREKÙT 6:34

Lagaukwasik he, at Yesùt so a'la nen inoba wùlìpikesik, eileken apùnì logolek amanogo lagisìlìk etawìrinabìk, mel isike: “It yoma wam topa wam konharek hak, ap koninabu mene inebe lek en werek yì, netawìlak e,” ìlùk yì wene tì wene apigat yakùlisasike.

MATÌÙT 4:23

Lagaukwama re, at Yesùt o Kalilea tokwe o lopok atoma nìkì logolìk, apùnì Yahurì mene sapan egarek obakwe kìlìk he, wene hano wene hobuk ninopase Etagepogot awe a'ma hinegein a'nogo wene yogoisìgìk, yì ou tì ou hagarìnapik, ìkì lagaike.

MATÌÙT 14:15

Atì'nogo hagarinapo kolek, o arat hi isikomo re, at ane wanhì lagaukwa mene amanogo Yesùt oba wagaukwasik he, mel yogosukwa: “Nit o yoma apùnì inareng le'ma were'ma, o arat lìok ike yoma re, apùnì apik yoma inapùrùk oko paloak en he, o yoma esakokwe o sili hamùlùkkwe laksan o,” ìlùk yogosukwama,