MATÌÙT 14:1 - Ala Ane Wene Ket Mene Warogo Wo'ninapike Wene

¹ O atem higit he, at Herotet o Kalilea tokwe kain 14 etagepogot welagaike mene atì, Yesùt en hagatì lagaike mene abok holhikesik he,

MATÌÙT 14:1 ပူးပေါင်းရင်းမြစ်များ

LUKAT 3:1

Ap kain etagepogot Kaisat Tiperìut atì apùnì Ùrùm 3 mene obogat at eki ba hagisek 15 tahun werek kolek atì hùlìat, ap Potìùt Pilatùt atì ebe gubernur o propinsi Yurea welagaike. Nen, ap Herotet atì ebe kain logolìk, o Kalilea tokwe atoma hagisek welagaike. Nen, ap kain Herotet agot Pilipùt atì ebe kain logolìk he, o Iturea atoma inom, o Terakonitit atoma inom, hagisek welagaike. Nen, ap Lisaniat atì ebe kain logolìk, o Apilene atomaat hagisek wela gaike.

LAKSASIKE 4:27

Atì'nogo isigin hagat, at Herotet mel, Potìùt Pilatùt mel, apùnì etakwe mene mel, apùnì Isirael mene mel, Yesùt, hat hokawerek haput nit apùnì telninabuagalùk menhesigin mene a'nogo, wasuogolùk eberogoat o yoma atogosi wagaika atì hesik isigin atì.

MAREKÙT 8:15

Wùlùpukwasik he, Yesùt en inasuk warogo mel yogoisasike: “It ap Parisi mene mel, at Herotet mel, eken sùpùrùk horoti mene hisuagalùk a'la pelaparek a'nogo mene hake werek atì ba weagathinabinogo ìlùk, hinepe hebelogo logoino,” ìlùk inasuk wasike.

LUKAT 23:15

Nen, at kain Herotet atì'nogo aike hìgì'lek en he, nit ninoba yoma lakhei waga atì. Weak hagatenem ùkùm inoba hìlìk en inoatarek atì hake, ap yì nen atì'nogo weak aike hagatomo hìgì motok lek o.

LAKSASIKE 12:1

Atì'nogo hagatì lagaukwa atem sat he, ap etagepogot Herotet en Ala againapùrì mene aike weagarinabigìlùk isike.

LUKAT 3:19

Inasuk atì'nogo warìk nìkì logolìk he, at kain etagepogot Herotet atì nen agot agwe Herotia atì eki abusak wanhìk, weak tì weak apik hagatìk, hagarìk nìkì lagaike mene hesik, at inomat asuk wasikomo re,

MATÌÙT 9:26

Atì'nogo hagasikomo re, “Yesùt en hagate o,” ìlùk, o tokwe atoma abok motok sak-pak isike.

MATÌÙT 9:31

Atì'nogo yogoisasike meneat he, it apùnì amanogo nen o atoma at abok motok yogoisìlìk nìkì lagaukwa.

MATÌÙT 13:58

Atì'nogo yogoisasike atì, it apùnì o Nasaret mene atoma nen, inetaùken Yesùt oba hìpìrethìgì'lek, ina'la meathìlìk welagaukwa atì nen he, at o atoma logolìk hagasusak lek mene elalinat hùkorogo hagatì'lek, we, hamùlùgat enek hagasike atì.

LUKAT 8:3

nen, aike re, he Yohana ap kain Herotet agarok yì mene tì mene eki ba logolìk hagatì lagaike mene etage Kusa atì agwe mel, he Susana mel, nen, aike re, it hìmì he'nakit logolegat mel, uang it mene ba yì mene tì mene oko palogo Yesùt agoromì inomat leberisìlìk nìkì lagaukwa.

LAKSASIKE 13:1

Ala againapùrì o Atiokia atogotì lagaukwa mene amanogo, it aike nen Ala ane yogoisìgìk, it aike nen yakùlisìgìk, ìkì lagaukwa mene inebe ap aike Parenapat atì, aike Simeon etage Ebemuli ìkì lagaukwa mene atì, aike Lùkìùt o Kirene mene atì, aike Menahem, Herotet kain gubernur agaiyak eperak apine kalinapukwa mene atì, aike Saùlùt atì, welagaukwa.