MATÌÙT 13:8 - Ala Ane Wene Ket Mene Warogo Wo'ninapike Wene

⁸ Nen, eken aike re, kweang hanoma pìlìk lagaike mene re, hulelhikesik ebe hùko agaikesik eken apik isike. Ero aike eken 100 nen isike. Ero aike eken 60 nen isike. Nen, ero aike eken 30 nen isike.

MATÌÙT 13:8 ပူးပေါင်းရင်းမြစ်များ

LUKAT 8:15

Nen, kweang hanoma pisike atì ebe re, it apùnì aike hano wene atì inasuk holharesik he, inetaùkenma motok tùkùm hogo helagaresik hebìgì'lek hesogo logolìk, eken apik ìterek atìat o,” ìlùk yogoisasike.

MATÌÙT 13:23

Nen, awì heik aike kweang hanoma heik lakhesike atì ebe re, it apùnì aike Ala ane atì inasuk holharesik he, ebe tùkùm hogo hùthikenem, wene atì eken ìterek o. Ero aike nen eken 100 ìtìk, ero aike nen eken 60 ìtìk, ero aike nen eken 30 ìtìk, ìterek atìat o,” ìlùk yogoisasike.

YOHANET 15:8

Hit hineken apik isu hak hano mene hùkorogo hagasugun halok, apùnì nen an napase hogorasugun o. Hit hinebe ebe nagoromì nane wanhì lagep mene logolìk, atì'nogoat hagatì logogun o,” ìlùk yogoisasike.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

ÙRÙM 7:18

Higit hogo hagasigìlùk walok akìgìrek meneat he, ebe an nen hagasusak he, mea o. Atì re, an noabùt he, hano mene aike hagatìrek hùk. We, noabùt apùnì inoabùt mene nesogat logolìk hagatì lagì, ìlùk nelu o.

MATÌÙT 13:7

Nen, eken aike re, pakì were'ma pìlìk lagaike mene re, pakì atì mene hùko aga logolìk he, awì hano mene yago a'nogo palogo pelapikomo kakil agaike.

MAREKÙT 4:8

Nen, eken aike re, kweang hanoma pìlìk lagaike mene re, hulelhikesik ebe hùko agaikesik he, eken isike. Ero aike eken 30 nen isike. Ero aike eken 60 nen isike. Ero aike eken 100 nen isike,” ìlùk yogoisasikesik he,

MAREKÙT 4:20

Nen, awì heik aike kweang hanoma lakhesike atì ebe re, it apùnì aike Ala ane atì inasuk holìk wanharesik he, wene atì ina'la eken ìterek o. Ero aike nen eken 30 ìtìk, ero aike nen eken 60 ìtìk, ero aike nen eken 100 ìtìk, ìterek atìat o,” ìlùk yogoisasike.

LUKAT 8:8

Nen, he'nakit he, kweang hanoma pìlìk lagaike mene re, hulelhikesik he, hùko arìk, ero lopok eken 100 nen ìrìk lagaike,” ìlùk yogoisasike. Atì'nogo yogoisìlìk ane hùkorogoat ìkì logolìk he, “Hinasuk holusak halok he, hanorogo holini o,” ìlùk yogoisasike.