MATÌÙT 13:57 - Ala Ane Wene Ket Mene Warogo Wo'ninapike Wene

⁵⁷ Meathesukwama re, at Yesùt en he, mel yogoisasike: “It ap Ala ane yogoisagarek mene atì re, o yì awì tì awì laganem, apùnì aike nen motok agauk hogo hogorinaparek meneat he, inokawerek inaua eroma laganem inogogi inagoromì inom omakìma welagaikarek mene nen enek he, agauk hogo yogoisagarek lek o,” ìlùk yogoisasike.

MATÌÙT 13:57 ပူးပေါင်းရင်းမြစ်များ

YOHANET 4:44

Lagai wagaike atì re, at okawerek en ìkì logolìk: “Ap Ala ane yogoisagarek mene atì re, inokawerek inaua mene inoe inagot en inane agauk hogo yogoisagarek motok lek o,” ìlùk, hageat yogoisasike meneat he,

MATÌÙT 11:6

Yogorìk he, sa nen etaùken pìre arìk herakhanhì'lek logogin halok he, a'la hai hakìkì logogin o, ìlùk yogosi lano,” ìlùk laksasike.

LUKAT 4:24

“It ap Ala ane yogoisagarek mene atì re, inokawerek inaua atoma inogogì, inagoromì nen agauk hogo woginaparek lek o, ìlùk, eberogoat yogohisìgì.

YOHANET 6:61

Atì'nogo at ebe yogotì'lek isukwa meneat he, at an he, “Wene ìgì a'nogo hesik nagoromì nen ua palogo wene palì'lùgì hìgì,” ìlùk inoabùt enagat palhikesik mel yogoisasike: “Wene yogohisìgì a'nogo nen, At ninabìt, ìlùk kobologo herakhanuogolùk ìkì lagep a?

YOHANET 6:42

“At yì etage Yesùt, ap Yùsùp aput. Nen, at opase agosa ninelu meneat he, at en ìkì logolìk, An nebe re, pogot oba nen pi wagagi, ìlùk ike atì nìkì'nogo nen ike akegep,” ìlùk isukwama re,

LUKAT 7:23

Yogorìk he, Sa nen an abìt nììgì'lek logogin halok he, a'la hai hakìkì logogin o, ìlùk yogosi lane o,” ìlùk yogoisasike.

MAREKÙT 6:14

Yesùt agoromì nen atì'nogo hagarinabìk laganem he, at Yesùt etage apùnì o ya ta atoma inelu agaukwasik abok ikenem, at kain etagepogot Herotet asuk holhikeat. Atì'nogo ikenem it apùnì aike nen he, mel ìkì lagaukwa: “Yohanet ima pelaginapì lagaike mene ebe watama wa'laga a'nogo eluk agasik niko hìgì. Atì'nogo eluk agasik nogo nen he, hagasusak lek mene elalinat hagarìk niko atì,” ìgìk,

MAREKÙT 6:3

At ebe re, he Maria eak o wùterek mene a'nogo lek? Agoromì opolik mene re, Yakobùt mel, Yoset mel, Yùrat mel, Simon mel, akìgì. Nen, erùgì re, nit ninom welago yoma lek?” ìlùk ina'la meathesukwa.

MATÌÙT 13:58

Atì'nogo yogoisasike atì, it apùnì o Nasaret mene atoma nen, inetaùken Yesùt oba hìpìrethìgì'lek, ina'la meathìlìk welagaukwa atì nen he, at o atoma logolìk hagasusak lek mene elalinat hùkorogo hagatì'lek, we, hamùlùgat enek hagasike atì.

MAREKÙT 6:1

Hobuk he, at Yesùt o atoma nen wùlìpikesik he, okawerek aua eroma lag'aike. Laganem he, agoromì ane wanhì lagaukwa mene amanogo opolik lagaukwa.

MAREKÙT 6:4

Ina'la meathesukwama, at Yesùt en he mel yogoisasike: “It ap Ala ane yogoisagarek mene atì re, o yì awì tì awì laganem, apùnì aike nen agauk hogo yogoisagarek meneat he, o inokawerek inaua eroma laganem it inogogì inagaikùgì mel, inaua omakìma welagaikarek mene mel, it en enek he, agauk hogo yogoisagarek lek o,” ìlùk yogoisasike.