MATÌÙT 13:52 - Ala Ane Wene Ket Mene Warogo Wo'ninapike Wene

⁵² Atì'nogo yogosukwama, at Yesùt en he, “Halok he, it ap Ala ane helal waganek esewerek mene amanogo nen, Ala nen awe a'ma hisikerek a'nogo wene yakùlho halok he, atì mel hake usak. Ap kain mene agarok etaùken hutìk mene hakikerek oba nen, ket mene wulabi wagìk, hageat mene wulabi wagìk, hobugalep wulabi wagarek hagat o,” ìlùk yogoisasike.

MATÌÙT 13:52 ပူးပေါင်းရင်းမြစ်များ

TITUT 1:9

Wene apùnì hanorinaperek wene yakùlisìkì logolìk inasuk hanorogo watìk, at en ebe wene ikenem, it aike nen, at ane sagalogo hagatenem, at en inane elok sagalogo hisìgìk, elogat ìkì logouagalùk, wene nit en yakùlesugumo, eberogoat ìlùk wanhìkesik, oabùt higit hogoat ning hogo hesogo welagarek mene halok menhousak o.

MATÌÙT 12:35

Apùnì inoabùt hano mene re, ina'la hano mene peserek logolìk, kagalogo lagai waganem he, wene hano meneat wulabi wagaikarek o. Mene re, apùnì inoabùt weak mene, ina'la weak mene peserek logolìk, kagalogo lagai waganem he, wene weak meneat wulabi wagaikarek o.

LUKAT 11:49

Atì'nogo hagatesep atì nen, at Ala a'la kagalek motok a'nogo nen ìkì logolìk, An nen he, it ap an nane yogoisagarek mene mel, inayoko hìlìk laksa wagìrek mene mel, it apùnì aike inoba laksa waganem he, it en he, inebe he'nakìt inoatìk, he'nakìt yì aik tì aik hagarinapìk, ugun o, ìlùk isike higit hogoat,

MATÌÙT 23:34

Halok hinasuk hanorogo holini. An nen ap Ala ane yogoisagarek mene mel, ina'la kagalek mene mel, Ala ane helal waganek esewerek mene mel, laksa wesigin mene atì, hit en he'nakìt e ba menhisìlìk inoatìk, he'nakìt o hit sapan egesep obakwe kìlìk tùgì wiik-weak hogo inoatìk, he'nakìt mùk hogo mak hogo o kota aike nen o kota aike laksìgìk, hagarinabugun o.

KOLOSE 3:16

Apùnì inagarok apik mene ineilmo wulalhak welagaikarek hak, hit he, Karìsùt ane atìat hinetaùkenma ning hogo hìlìk logolìk he, hina'la kagalogoat, hit-hit wene hinasuk wat-wat ìkì logolìk, wene hit en yakùlisìgìk, it en yakùlhisìgìk, ìkì logoino. Yakùlisìkì logolìk he, Ala hesik wùnì Masimùt wùnì watìk, etawì Ala hogoratarek etawì watìk, Ala Areagùn nen hina'la kagalhenem, wùnì helalogo watìk, ìkì logolìk he, hinetaùkenma nen Ala hai watì logoino.

KOLOSE 1:7

Hano wene atì, at Epaperat ninagaiyak ninetawì mene nen yakùlhisikenem yakùlhigip atì. At ebe re, Ala atitigeke nit ninom higirat logolìk, Karìsùt en ayoko hìlìk, lakhei wagaikomo, nit en yogohisa hak ninobùlù'mo oabùt hùpùn hogo yogohisìlì'logo atì.

EPESÙT 3:8

Ala againapùrì mene obogat inetagewerek werek kolegat he, an netage lek, mea mene, at Ala oabùt hano nen, hano wene pìlìngìrogo usak mea mene, Karìsùt en wogisikerek a'nogo apùnì etakwe mene yogoisìlìk nìkì logouagalùk nayoko hìlìk neyabu atì wo'nesikomo welagì.

YOHANET 13:34

Atì'nogo yogoisasikesik, wene aike mel yogoisasike: “Hit en hagatì logousak mene wene ket mene aike yogohisak: An nen hit netawìrogo welagìrek atì hak, hit atì'nogoat, hit-hit netawì-hetawìrogo hagatì logoino o.

EPESÙT 3:4

Hit en wene atì etage salhì logolìk he, “Wene Karìsùt hesik hinago welagaike mene atì, at Paùlùt elu agasik werek o,” ìlùk, enagat hùthogoin atì.

2 KORÌTÙT 6:10

Nina'la weak logolìgat he, hai hakiko motok welago. Yì mene tì mene ninekim lek meneat he, apùnì logolegat ebe mene ineilmo wùlalhak asuagalùk hagatsìkì lago. Ninagarok motok lek meneat he, ebe mene obogat ese agosik welago.

1 TIMOTÌÙT 3:6

Ap aike Ala ane oan kerat wanhe mene menhikenem, Ala againapùrì serisek logolìk, okawerek en hogorakamo re, Ala nen Ibilit ùkùm wogosike hak, atì'nogoat ùkùm oba housak atì nen, Ala againapùrì serisek logouagalùk menhousak lek o.

MATÌÙT 13:51

Atì'nogo yogoisasikesik he, aike mel yogoisasike: “Wene atì arat hùthegep a? Lek a,” ìlùk yogoisasikomo re, it en he, “Ì o. Hùthogoat o,” ìlùk yogosukwa.

MATÌÙT 13:53

At Yesùt en wene oba lìrogo arat yogoisasikesik he, o atoma hebùlùk he,

MATÌÙT 28:19

Halok he, yì apùnì tì apùnì ìnùkùl etage lopok obogat an nagoromì haga'lasuagalùk, nopase Ala etage ba, an aput netage ba, Areagùn etage ba, ninetage palogo ima pelaginapìk, an nen wene hinasuk watì mene atì obogat it apùnì aike nen higit hogo hagatì logouagalùk yakùlisìgìk, ìlìk laga logoino o. Lakhani! Hit atì'nogo hagarinabìk laganem, an nebe ninom moto'-motogat were'ma, hùlì o elùgùn oba haga'lasigin o,” ìlùk yogoisasike.