MATÌÙT 13:40 - Ala Ane Wene Ket Mene Warogo Wo'ninapike Wene

⁴⁰ Nen, it apùnì nen eka weak mene atogorogo hìlìk etu lolharek atì hak, o wùrep oba atì'nogoat hagasigin o.

MATÌÙT 13:40 ပူးပေါင်းရင်းမြစ်များ

MATÌÙT 13:39

At ap yabu esewerek eperak weak logolìk, awì weak mene yasike atì ebe re, at Ibilit atìat o. Eken palusak higit atì ebe re, o wùrep oba hesigat o. Nen, it ap eken palharek mene atì ebe re, it malaikat Ala nen pogot oba nen yoko pelaksa wagarek mene atìat o.

MATÌÙT 12:32

Sa nen an abat ta'lasi wagagi a'nogo a'la meathanìk nabok aike weak palho halok he, weak hagasigin mene atì Ala nen elok sagalogo legetsasak meneat he, Ala Areagùn atì a'la meathìlìk abok weak palho halok he, weak hagasigin mene atì, Ala nen yogotak mel, o wùrep oba arat haga'larìk oba nen logogun oba mel, sagalogo legetsasak motok lek o,” ìlùk yogoisasike.

MATÌÙT 13:22

Nen, awì heik aike pakì api'mo lakhesike atì ebe re, it apùnì aike Ala ane atì inasuk holharesik enat he, ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la eberìk inokawerek en lalìgìk, egarek atì nen he, wene atì ero kakil arìk he, eken ìterek lek atìat o.

MATÌÙT 13:49

o wùrep oba atì'nogo haga'lasigin o. It malaikat Ala nen pogot oba nen yoko pelaksa wagarek mene amanogo wìrìk he, apùnì inoabùt weak mene amanogo it apùnì Ala a'la akikerek mene higit hogo nek hagatarek mene inom omakìkwe were'ma inekele'ma nen kìgìlogo wulaksìlìk,

MATÌÙT 24:3

Atì'nogo yogoisalùk he, tom Saitun punu ba lagalìk hùrek were'ma, at ane wanhì lagaukwa mene amanogo oba wagaukwasik inaligat logolìk he, mel yogosukwa: “Hat en yogonisegen a'nogo re, mera nen haga'lasigin. Hat hebe wagìk, o wùrep oba haga'lagìk, igìlùk iko kolek he, kì mene tak haga'laganem nit ninetaùken wekelasigin. Wene sekek hogo yogonisan,” ìlùk yogosukwama,

1 KORÌTÙT 10:11

It atì'nogo hagarinapikomo inoba haga'lagaike atì obogat he, it apùnì aike hùthìkì logouagalùgat haga'lagaike. Atì'nogo hagarinapike ìlùk helal waganogo hesukwa atì, nit yogotak o wùrep oba asi wago mene yì, ninasuk warìkì logouagalùgat helal waganogo hesukwa.

IBERANI 9:26

At en he, it alep hagatì lagaukwa atì hak haga'lepma re, kweang elalhike hùlì nen pìkìt yogotak hùlì, eki hobugalep yì aik tì aik hìkì logolìk wa'laga logoilep. Atì'nogo meneat he, o elùgùn oba nit weak hagatorek mene legetsagalùk eki omake hesigat warn Ala waresu hak, okawerek ebe wa'lasi wagaike atì.