MATÌÙT 13:39 - Ala Ane Wene Ket Mene Warogo Wo'ninapike Wene

³⁹ At ap yabu esewerek eperak weak logolìk, awì weak mene yasike atì ebe re, at Ibilit atìat o. Eken palusak higit atì ebe re, o wùrep oba hesigat o. Nen, it ap eken palharek mene atì ebe re, it malaikat Ala nen pogot oba nen yoko pelaksa wagarek mene atìat o.

MATÌÙT 13:39 ပူးပေါင်းရင်းမြစ်များ

MATÌÙT 13:49

o wùrep oba atì'nogo haga'lasigin o. It malaikat Ala nen pogot oba nen yoko pelaksa wagarek mene amanogo wìrìk he, apùnì inoabùt weak mene amanogo it apùnì Ala a'la akikerek mene higit hogo nek hagatarek mene inom omakìkwe were'ma inekele'ma nen kìgìlogo wulaksìlìk,

MATÌÙT 25:31

At Yesùt en atì'nogo yogoisasikesik he, wene aike mel yogoisasike: “An abat ta'lasi wagagi a'nogo, apùnì nen hogo'napo kolek, it malaikat Ala nen pogot oba nen yoko pelaksa wagarek mene amanogo obogat ninom wìrìk, an hogo'napo kolek kain Netagepogot welagìrek oba logolìk,

ABÌKAKAN 19:20

Atì'nogo were'ma, at aike hageat wagaikesik, “An Ala ane yogohisìkì lagì,” ìlùk apeliagat at yeke lo yeke hake a'nogo eilhanem elalin mene hagatì lagaike a'nogo nen, lalinapenem eberogoat salek, it apùnì aike nen he, “Nit at yeke lo yeke hake oabùt weak mene yì agoromì,” ìlùk silo negen inoba wanhìk, inetaùken sukwan at yeke lo yeke bake hùko a'nogo ebe hake hagarek a'nogo oba hìpìrethìgìk, ìkì lagaika meneat he, yogotak at yeke lo yeke hako a'nogo ebe ho, apeliak lalinapì laga mene a'nogo ho, eperak haksìlìk, hele warogo i laut etu mene yekele'ma hetalì al hake obasi weak mene etage belerang inom-inom amulok niko motok welagare'ma atoma inebe inelukeke laksìkì laga hìgì.

ABÌKAKAN 13:14

Atì'nogo aike hagatì laga atì, at yeke lo yeke hake hùko alep mene a'nogo nen, elalin mene at eilhanem hagatì logouagalùk esewerek hike mene a'nogo ebe hagatì logolìk, apùnì kweangma welagaikarek mene apeliak lalinapì laga. Atì'nogo lalinapì logolìk, it apùnì amanogo nen, yeke lo yeke hake hùko karok oba wasukwama ebe wa'lasusak mene apotkwe se agaike mene a'nogo ebe hake hagarogo sukwan aike wusuagalùk yogoisikomo ebe wùta lakhìgì.

MATÌÙT 24:3

Atì'nogo yogoisalùk he, tom Saitun punu ba lagalìk hùrek were'ma, at ane wanhì lagaukwa mene amanogo oba wagaukwasik inaligat logolìk he, mel yogosukwa: “Hat en yogonisegen a'nogo re, mera nen haga'lasigin. Hat hebe wagìk, o wùrep oba haga'lagìk, igìlùk iko kolek he, kì mene tak haga'laganem nit ninetaùken wekelasigin. Wene sekek hogo yogonisan,” ìlùk yogosukwama,

MATÌÙT 13:25

Atì'nogo yasike meneat he, it apùnì nogo iko kolek he, ap aike ap awì yasike mene atì eperak weak mene wagaikesik he, gandum awì hano mene yasike a'nogo ekele'ma awì weak mene yakhùlùk lagaike.

YURAT 1:14

Alebat Aram en ta'larìk waga lagaukwasik, hùlì 7 ba mene hùlì, at Henok ta'lagaike mene nen, it apùnì atì ùkùm inoba hegein mene hesik mel isike: “Lakhani. Ninoe Etagepogot a'nogo nen agoromì at okawerek en yoko pelaksa wagarek mene inebe motok logolegat wogisek pi wesigin o.

1 PETERÙT 5:8

At Ibilit, hinaselei mene a'nogo nen, singa lo yeke anini weak mene yì mene tì mene haum hogo nagalùk ane kwe agan herarìk nikerek atì hak, “Sa hak weagathegein,” ìlùk herakhinabìk niko atì, hinepe hebelogo hineileken hanorogo logoino o.

IBERANI 9:26

At en he, it alep hagatì lagaukwa atì hak haga'lepma re, kweang elalhike hùlì nen pìkìt yogotak hùlì, eki hobugalep yì aik tì aik hìkì logolìk wa'laga logoilep. Atì'nogo meneat he, o elùgùn oba nit weak hagatorek mene legetsagalùk eki omake hesigat warn Ala waresu hak, okawerek ebe wa'lasi wagaike atì.

EPESÙT 2:2

Atì sat he, apùnì yoma inoabùt inesogat logolìk hagatarek hak hagatì lagagip. Atì'nogo hagatì logolìk, mokareke inoabùt weak mene inoe kain pogot abel makwe yoma esewerek logolìk, apùnì Ala ane inabìt en inasuk holùhùk mene ina'la kisikesik yogotak ina'la kagalhoat welagarek mene a'nogo ane hologo welagagip atì.

2 KORÌTÙT 11:3

Atì'nogo meneat he, alebat at Walo a'nogo oabùt lagakse'ma re, he Hawa lalhike hak, hit hinetaùken omakeat Karìsùt oba hìpìethìlìk at hesik tegelek welagep mene it aike nen lalhinabusak atì, nayùk arì'logo.

2 KORÌTÙT 2:17

It apùnì aike inebe logolegat en he, yì mene tì mene oko ha abarìk lagaikarek hak, Ala ane atì'nogo at wolok lagaikarek. Meneat he, nit enek he, atì'nogo lek. We, Ala nen, at ane wolok loagalùk ninayoko hesike atì nen, at eilhanemat ninetaùken omakeat Karìsùt ninom hutigat logolìk, yogoisìlìk laga lago o.

MATÌÙT 13:28

at en he, Lek o. Atì, at ap neperak weak mene a'nogo nen yatomo hìgì o, ìlùk yogoisasikomo re, it atitigeke mene amanogo nen he, Halok he, henogo omakìma hìlìk wulaksa lasak akegen a? ìlùk yogosukwama re,

MATÌÙT 12:32

Sa nen an abat ta'lasi wagagi a'nogo a'la meathanìk nabok aike weak palho halok he, weak hagasigin mene atì Ala nen elok sagalogo legetsasak meneat he, Ala Areagùn atì a'la meathìlìk abok weak palho halok he, weak hagasigin mene atì, Ala nen yogotak mel, o wùrep oba arat haga'larìk oba nen logogun oba mel, sagalogo legetsasak motok lek o,” ìlùk yogoisasike.

MATÌÙT 13:22

Nen, awì heik aike pakì api'mo lakhesike atì ebe re, it apùnì aike Ala ane atì inasuk holharesik enat he, ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la eberìk inokawerek en lalìgìk, egarek atì nen he, wene atì ero kakil arìk he, eken ìterek lek atìat o.

MATÌÙT 13:40

Nen, it apùnì nen eka weak mene atogorogo hìlìk etu lolharek atì hak, o wùrep oba atì'nogoat hagasigin o.

1 KORÌTÙT 10:11

It atì'nogo hagarinapikomo inoba haga'lagaike atì obogat he, it apùnì aike hùthìkì logouagalùgat haga'lagaike. Atì'nogo hagarinapike ìlùk helal waganogo hesukwa atì, nit yogotak o wùrep oba asi wago mene yì, ninasuk warìkì logouagalùgat helal waganogo hesukwa.

IBERANI 1:2

Meneat he, o elùgùn oba, nit yogotak welago ya ba re, Ala nen wene atì aput yogosikomo, at en nit yakùlnisa wagaike. Aput atì re, ero ba Ala nen yì mene tì mene obogat elalhike atì, ebe at aput enat elalhikomo, esewerek logouagalùk menhesikomo logogin atì.