MATÌÙT 13:38 - Ala Ane Wene Ket Mene Warogo Wo'ninapike Wene

³⁸ Nen, yabu atì ebe re, o kweangma yì awì tì awi obogat atìat o. Nen, awì hano mene atì ebe re, apùnì Ala awe a'ma welagaikarek mene inebe atìat o. Nen, awì weak mene atì ebe re, at ap oabùt motok weak mene againapùrì atìat o.

MATÌÙT 13:38 ပူးပေါင်းရင်းမြစ်များ

YOHANET 8:44

Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

LAKSASIKE 13:10

mel yogosike: “Hat hebe Ibilit aput o. Apùnì lalinapìk, nongorinapìk, iko motok logolìk, yì mene tì mene higit hagasuogolùk ikenem he, hat en legetsagalùk hagato motok welagen yì rì! Ninoe Etagepogot en, apùnì telninabigìlùk kwe higit hogo yakhinasike mene, hat en kamo ìgì'lek kolotheigìlùk iko motok welagen atì nahalok.

1 PETERÙT 1:23

Ala nen hobuk takhinapike atì, apùnì wa'lagaikarek mene nen taginaparek atì hak takhinapike hùk. We, Ala eluk esok motok logolìk ane lek agì'lek logogin mene ba takhinapike o.

YAKOBÙT 1:18

Yì mene tì mene elalhike mene obogat makusa negen he, nit at logouagalùk, at okawerek a'la akalùk ane ebe wene atì baat ta'ninapikomo welago.

MATÌÙT 13:19

Awì heik aike ebekalem lakhesike atì ebe re, it apùnì aike Ala awe a'ma hisikerek wene atì inasuk holharesigat he, ebe tùkùm hogo hùthìgì'lek halok, at oabùt weak mene a'nogo wagaresik he, wene inetaùkenma awì yago mene atì henogo helalùk lagarek atìat o.

1 YOHANET 3:2

Nerùgì nagaiya'lak, netawìlak e. Yogotak nit ninebe Ala againapùrì welago meneat he, hobuk ninebe logogun mene weinamethìgì'lek oan hinago werek o. Atì'nogo meneat he, nit ninelu re, Yesùt ebe yogotak werek mene nineileken tùkùm hogo hogoin atì nen, at wesigin atì like ebe waganem, nit ninebe at ebe werek atì hak haga'lasugun o.

ÙRÙM 16:26

Atì re, it ap at ane yogoisìkì lagaukwa mene amanogo nen helal waganogo re, sele'mathesukwama were'ma an nen yogohisasigi atì. Yì ap tì ap inùkùl etage lopok obogat wene atì inasuk holìk inetauken Yesùt oba hìpìrethìlìk ane hologo hagatì logouagalùk, at Ala esok motok welagarek mene a'nogo nenat: “Wene yì apùnì inelu asuak o,” ìlùk isike.

ÙRÙM 10:18

Mene re, an nen hinok aike wokhisak. It he, hano wene atì inasuk holhì'lek werek nogo? Lek o. Inasuk arat holha. Ala ane ba, “It inane atì o yì awì tì awì obogat wìalagaikesi'mo re, o esako esako a'loma obogat inasuk holhukwa o,” ìlùk isikomo helal waganek werek atì nen ìgì o.

ÙRÙM 8:17

Nit ninebe Ala againapùrì halok he, at Karìsùt yì aik tì aik hasike hak, hogoin halok, Ala nen nit Karìsùt ninomat hogo'ninabigin atì nen he, Ala nen yì mene tì mene at againapùrì wogisagalùk abok yogoisasike mene atì, at Karìsùt ninomat wo'nisamo, en logogun o.

YOHANET 12:24

Nen, apùnì nen, gandum eken awì kweangma yatì'le'ma, apùnì wa'lagaikarek atì hak, ogat alep mene hili arìk ket mene hulelhì'lek halok he, eken omakeat awì yasugun mene atìat logogin o. Meneat he, eken atì kweangma yarì'mo, apùnì wa'lagaikarek hak, ogat alep mene atì hili arìk enek he, hobuk ket mene hulelìk eken apik ìterek o,” ìlùk yogoisasike.

LUKAT 24:47

Nen, aike mel ìlùk helal waganek weregat: Hit apùnì weak hagatì lagep mene atì, heraksìlìk hinoabùt hebelhep halok he, Ala nen sagalogo legetsegein o, ìlùk, at etage palogo wene ìkì logolìk he, ero o Yerusalem hùlì nen yogoisìlìk, pìkìt hùlì o yì awì tì awì apùnì inùkùl etage lopok motok yogoisìlìk laga logoino, ìlùk Ala ane helal waganek weregat o.

MATÌÙT 24:14

Nen, Ala nen awe a'ma hisegein mene hano wene yì, yì apùnì tì apùnì motok inelu asuagalùk o yì awì tì awì yogoisìlìk lagep halok he, o wùrep oba arat haga'lasigin o,” ìlùk yogoisasike.

ABÌKAKAN 14:6

Atì'nogo hìgìrìk oba nen, opolik he, at malaikat aike wene hano wene motok logogin mene apùnì kweangma mene inùkùl etage lopok, inane lopok, inogat lopok, inaua lopok, yogoisìlìk pogot obakwe purogo nikenem lakhìgì.

YAKOBÙT 2:5

Nerùgì nagaiya'lak. Hinebe netawì e. An wene igin yì hinasuk holino. It apùnì kweangma inagarok lek mene atì, Ala nenat wenaginapì logolìk he, “Inagarok apik hogo logou hak, inetaùken an noba hìpìrìk logouak. Nen, it an nebe inetawì mene hùgì, o an nen nawe a'ma hisikenem logogun oba atoma esewerek asugun ìlùk wene warisasigi mene atì, irat esewerek asuak,” ìlùk wenaginapike.

MATÌÙT 5:37

Hit en, Ì o, uogolùk halok, Ì oat unuk. Nen, Lek o, uogolùk halok he, Legat usak. Wene hùnogoat mene aike mangorasi lagep halok he, Ibilit oabùt weak mene a'nogo nen hina'la kagalho kolek ugun o,” ìlùk yogoisasike.

MATÌÙT 8:12

Mene re, it apùnì Isirael mene atì re, o atoma irat esewerek asusak meneat he, eta'ma o mùm hikakse'ma atoma laksamo re, inaik hùnogo lì ago le ago motok logogun o,” ìlùk yogoisasike.