MATÌÙT 13:33 - Ala Ane Wene Ket Mene Warogo Wo'ninapike Wene

³³ Atì'nogo yogoisasikesik he, wene aike oba lìrogo mel yogoisasike: “Ala nen awe a'ma hisikerek atì ebe re, eken sùpùrùk horotì mene a'la hikenem hìterek atì hakeat o. He aike nen gandum sagalek tepung wul hake mene 40 liter yalelogo wìlìk, eken horotì hisuagalùk a'la pelakhìlìk ìpìkwe-apìkwe hagasikomo re, ebe obogat motok hisike atì hakeat o,” ìlùk yogoisasike.

MATÌÙT 13:33 ပူးပေါင်းရင်းမြစ်များ

KALATIA 5:9

Horoti hisuagalùk eken hìterek mene hamùlùgat a'la pelapenem obogat hìrìk wùlùperek hak, wene kolo mene atì nen hinebe obogat weagathinabìk lanogo ìlùk ìgì.

LUKAT 13:21

Atì re, eken sùpùrùk horoti mene hisuagalùk a'la pelaparek mene atì hakeat o. He aike nen gandum sagalek tepung wul hake a'nogo mene 40 liter yalelogo wìlìk, eken horoti hisuagalùk a'la pelaparek mene atì a'la pelakhìlìk ìpìkwe-apìkwe hagasikomo re, ebe motok hisike atì hakeat o,” ìlùk yogoisasike.

2 PETERÙT 3:18

Ninoe Etagepogot telninaperek mene oabùt hano a'nogo nen wo'nisikerek mene atì wanhìk, ebe hinelu agìk, ìkì logolìk he, hinetaùken wurik arìk logoino. Yogotak ya mel, hobuk mel, at Yesùt Karìsùt aligat hogorato motok logouok o, ìlùk, “Amin,” ìgì atì.

PILIPI 1:9

An nen sapan hit hesik ìkì logolìk, mel ìkì lagì: “Yì mene tì mene awì yatenem ero hùko arìk wùlùperek hak, hit ebe wene tùkùm hogo hinelu agìk, hùthìgìk, ìkì logolìk, apùnì inebe hinetawìrogo welagep atì mene hùkorogoat hinetawìrinapì logouageip en,” ìlùk, sapan ìkì lagìat o.

PILIPI 1:6

At Ala nen hit hano hagathinabigìlùk, emakum eki hakhikasikesik he, hano hagathinapì logopik en, hùlì at Yesùt Karìsùt wesigin atì like o eil hotologo wutarek hak, hano hagathinabi wesigin atì eberogoat ìlùk, netaùken hapuk hogo welagì.

YOHANET 15:2

Hele ekisok ebe lopok, an noba hutik logolìk eken ìtì'lek halok, tek hogo laksegein o. Meneat he, ekisok ebe lopok eken ite halok he, aike inom hogo ìtì logouagalùk obùseka palogo wusa yogoligin o.

MAREKÙT 13:20

Weak haga'lasigin atì, ninopase Ala Etagepogot en he: Hùlì yì hùlì arat o, ìlìk ìgì'lek kamo ilepma re, apùnì obogat heleleng hogo telinapì'lek weagat a'lep. Mene re, apùnì Ala nen wenaginapike mene hùgì, it hesik enek he, Yogo. Weak arat hegep o, ìlùk hùlì wasigin werek o.

MATÌÙT 13:24

At Yesùt en wene atì'nogo yogoisasikesik he, wene aike oba lìrogo mel yogoisasike: “Ala nen awe a'ma hisikere'ma atì ebe re, ap aike awì hano mene yasike atì hakeat o.