MATÌÙT 13:23 - Ala Ane Wene Ket Mene Warogo Wo'ninapike Wene

²³ Nen, awì heik aike kweang hanoma heik lakhesike atì ebe re, it apùnì aike Ala ane atì inasuk holharesik he, ebe tùkùm hogo hùthikenem, wene atì eken ìterek o. Ero aike nen eken 100 ìtìk, ero aike nen eken 60 ìtìk, ero aike nen eken 30 ìtìk, ìterek atìat o,” ìlùk yogoisasike.

MATÌÙT 13:23 ပူးပေါင်းရင်းမြစ်များ

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

MATÌÙT 12:33

Atì'nogo yogoisasikesik aike mel yogoisasike. “E eken hano mene ero hano mene nenat ìterek. Nen, e eken weak mene atì, ero weak mene nenat ìterek. Atì'nogo ìterek atì ba, e eken yì hano mene eken ìgìk, yì weak mene eken ìgìk, enagat hùthegesep o.

MATÌÙT 13:8

Nen, eken aike re, kweang hanoma pìlìk lagaike mene re, hulelhikesik ebe hùko agaikesik eken apik isike. Ero aike eken 100 nen isike. Ero aike eken 60 nen isike. Nen, ero aike eken 30 nen isike.

MATÌÙT 3:8

Halok he, hina'la ebethìlìk, weak hagatì lagep mene heraksìlìk, hinepe hebelarìk hagasusak meneat higit hogo hagatì logoino o.

LUKAT 13:9

Atì'nogo ìkì logoumo, tahun hobuk mene ba ebe ìte halok he, hano. Nen ìtì'lek halok he, hat en, Mùkogo laksano o, ìlùk yogone'nok o, ìlùk yogosike,” ìlùk Yesùt en yogoisasike.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

2 PETERÙT 3:18

Ninoe Etagepogot telninaperek mene oabùt hano a'nogo nen wo'nisikerek mene atì wanhìk, ebe hinelu agìk, ìkì logolìk he, hinetaùken wurik arìk logoino. Yogotak ya mel, hobuk mel, at Yesùt Karìsùt aligat hogorato motok logouok o, ìlùk, “Amin,” ìgì atì.

KOLOSE 1:10

Atì'nogo hinelu arìk he, ninoe Etagepogot a'la hanorogo, at walok akikerek mene higit hogo hagatì logousagat. Yì mene tì mene awì yatenem ero hùko arik eken ìterek hak, hit Ala oabùt hinelu aga logolìk, yì mene tì mene hano mene hagatì logousak atì.

IBERANI 8:10

Hobuk apùnì Isirael wene ket mene warogo woginabigin ìlùk ìgì atì, ebe yìat: An nen wene inasuk watìrek wene atì ina'la eberek motok logouagalùk, wogisìgìk, inetaùkenma helal waganogo hisìgìk, ìlìk he, an it inopase logogin. Nen, it an nagainapùrìat logogun o.

IBERANI 4:2

Wene hano wane atì it alep yogoisasike atì hagat, nit atì'nogo yogonisasikeat. Mene re, wene yogoisasike mene atì, it inasuk holhukwasigat he, hùthìgì'lek hagatì lagaukwa atì ba, wene atì it hesik he, mea agaike atì.

2 TESALONIKA 2:10

Atì'nogo hagatì logolìk he, ebe wene atì apùnì nen walok en wanumo Ala nen telinabusak meneat he, at oabùt weak mene atì nen lalpalogo hagarinapenem, it en he, “Ebe wene atì ninabìt o,” ìlùk, ìkì logogun atì ba weagarinabigin o.

1 TESALONIKA 4:1

Nerùgì nagaiya'lak. Wene elùgùn oba aike yì yogohisak. Nit ninoe Etagepogot Yesùt en, “Hinoabùt Ala a'la hanorogo, yì'nogo hagatì logoino, tì'nogo hagatì logoino,” ìlùk, isikomo yakùlhisa wagagu a'nogo hinelu. Atì'nogo yakùlhisasugumo, hit en atì'nogo hagatì lagep meneat he, hobuk aike inom hogo hùkorogo hagatì logouageip ìlùk, ninoe Etagepogot Yesùt ninom hutik logolìk hinasuk warogo yogohisìgì atì.

PILIPI 4:17

Mene re, atì'nogo lebe'nììkì lagep meneat he, la'nesi waganem wanhì logousak atì hesik esinethìkì lagì hùk. We, hit oko sabùra hak he, Ala nen ebe mene wokhisikenem hit ese asuageip ìlùk esinethìkì lagì o.

2 KORÌTÙT 9:10

At Ala nen it awì yatarek mane awì wogisìgìk, sùpùrùk ebe noagalùk wogisìgìk, ikerek atì. Atì'nogoat, at enat, awì yasuagalùk palisagarek hak, hinoabùt it aike leberisìkì logousak atì mene wokhisìgìk, nen awì yatenem eken hukorogo isu hak, it aike hinetawì nen leberisikenem hùkothigìk, igin o.

LAKSASIKE 17:11

It apùnì Yahuri o Perea mene inoabùt he, apùnì o Tesalonika mene ina'la pùk welagaukwa atì hak he, lek. We, it he, wene akìlùk hogo wanhì logolìk, “Wene ike atì eberogoat a? Mel a,” ìlùk, Ala ane helal waganogo hesukwa mene a'nogo ninhùp-nanhùbat etage salogo tùkùm hogo hìthìkì lagaukwa.

LAKSASIKE 16:14

Hìmì wene yogoisasugu mene atì, he aike aua o Tiatira mene. Su kain elokoken e eken warek hake mene it aike inoba oko hùkoat wanhì lagaike mene, etage Lìrìa atì nen Ala ane wanhikesik Yahuri mene negen were'ma, wene Paùlùt en ikenem hano wanuagalùk, ninoe Etagepogot en a'la kagalhikomo, wanhike.

YOHANET 8:47

Sa nen ebe Ala mene halok, Ala ane atì asuk holherek meneat he, hit he, hinebe Ala mene hùk. Hùnogoat mene atì nen he, at ane hinasuk holusak hinabìt atì o,” ìlùk yogoisasike.

LUKAT 8:15

Nen, kweang hanoma pisike atì ebe re, it apùnì aike hano wene atì inasuk holharesik he, inetaùkenma motok tùkùm hogo helagaresik hebìgì'lek hesogo logolìk, eken apik ìterek atìat o,” ìlùk yogoisasike.

MAREKÙT 10:15

Sa nen, yekerùgì magatek mene Ala nen awe a'ma hisikerek wene atì wìlìk kagarek atì hak kìgì'lek halok he, kigin motok lek o, ìlùk eberogoat yogohisìgì,” ìlùk yogoisasike.

MAREKÙT 4:20

Nen, awì heik aike kweang hanoma lakhesike atì ebe re, it apùnì aike Ala ane atì inasuk holìk wanharesik he, wene atì ina'la eken ìterek o. Ero aike nen eken 30 ìtìk, ero aike nen eken 60 ìtìk, ero aike nen eken 100 ìtìk, ìterek atìat o,” ìlùk yogoisasike.

MATÌÙT 3:10

E ero lapok eken hano mene itì'lek halok, mùkogo etumo laksagalùk posie e omaken oba hangsek motok werek o,” ìlùk yogoisasike.

IBERANI 6:7

Ala nen ninhùkwe-nanhùkwe o moso kweangma pelabi waganem he, kweang hano sako ikenem apùnì nen yabu waganogo yì mene tì mene awì yatarek mene nen ebe hano nikenem he, Ala nen, “Kweang atì hano,” ìlùk hanothikeregat o.

LUKAT 8:8

Nen, he'nakit he, kweang hanoma pìlìk lagaike mene re, hulelhikesik he, hùko arìk, ero lopok eken 100 nen ìrìk lagaike,” ìlùk yogoisasike. Atì'nogo yogoisìlìk ane hùkorogoat ìkì logolìk he, “Hinasuk holusak halok he, hanorogo holini o,” ìlùk yogoisasike.