MATÌÙT 13:21 - Ala Ane Wene Ket Mene Warogo Wo'ninapike Wene

²¹ wene atì inetaùkenma omaken yatì'lek en he, hamùlùgat were'ma nen, apùnì aike nen Ala ane atì hesik yì aik tì aik inoba hìgìk, weagarìnapik, ikenem he, ina'la hageat pak agaresik, wene atì heraksalùk wùlùparek atìat o.

MATÌÙT 13:21 ပူးပေါင်းရင်းမြစ်များ

MATÌÙT 11:6

Yogorìk he, sa nen etaùken pìre arìk herakhanhì'lek logogin halok he, a'la hai hakìkì logogin o, ìlùk yogosi lano,” ìlùk laksasike.

EPESÙT 3:17

Hinetaùken at Karìsùt oba hìpìrethoumo, at ebe hina'la awì wùrogo were'ma re, yì mene tì mene awì yatenem omaken yatìk, o tik ning hogo watìk, egarek hak, hinoabùt he, apùnì aike inebe inetawìrogo welagaikarek atì mene ba hinomaken yakhìlìk ning hago logouageip ìlùk, Ala ayoko hìkì lagiat o.

2 TIMOTÌÙT 1:15

It apùnì o propinsi Asia ya ta mene amanogo inebe obogat an herakhanìlùk pùgùlogo wùlìpì logolìk, at Pìgelùt ho, Heremogenet ho, inomat pùgùlha atì, hat heluat welagen o.

PILIPI 1:6

At Ala nen hit hano hagathinabigìlùk, emakum eki hakhikasikesik he, hano hagathinapì logopik en, hùlì at Yesùt Karìsùt wesigin atì like o eil hotologo wutarek hak, hano hagathinabi wesigin atì eberogoat ìlùk, netaùken hapuk hogo welagì.

KALATIA 6:15

Ninogat ninekalìma mene palek halok mel, pale'lek halok mel, ebe atì mene esin hùk. At he, Ala nen ninebe ket hùnogoat haga'ninabì'logo atìat esin o.

KALATIA 6:12

It apùnì aike nen he, “Hinogat hinekalìma mene palini o,” ìlùk, ning hogo yogohisìlì'lùgì mene atì, it apùnì aike nen ineileken isìlìk, “Hano hagarì'lùgì,” ìlùk akoagalùk hagarì'lùgì atì. Yesùt ebe e ba menhìlìk wasukwa wene a'nogo yogoisikenem he, apùnì Yahuri mene nen weagarinabinogo ìlùk, wene hùnogo mene ning hogo yogohisìlì'lùgì atì.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

ÙRÙM 2:7

At Ala nen he, it apùnì o'moko nen inebe hogorinaparek mene mel, agaugerinaparek mane mel, hili agarek lek mene mel, ese asuogolùk inepe morogo logolìk inoabùt higit hagatarek mene hùgì, inebe ineluk motok logouagalùk hagarinabigin.

YOHANET 6:26

at en he, mel yogoisasike: “An wene aike yogohisak. An nebe hùthanuageip ìlùk elalinat hagatenem hineileken neegep a'nogo nen hera'nabìk wagep hùk. Lek o. We, sùpùrùk horoti mene sùpùrogo wokhisìgìma hinalabut ning hogo nekep a'nogo nenat hera'nabìk wagep hisìgì o, ìlùk oberogoat yogohisìgì.

LUKAT 8:13

Nen, helep oba pisike mene atì ebe re, it apùnì aike Ala ane atì inasuk holharesik he, ina'la hai hakìkì logolìk wanharesigat he, inetaùkenma omaken yatì'lek en eberogoat ìlùk hamùlùgat enek akìlìk were'ma, weak hagasuagalùk ina'la kagali waganem he, arat kobok hogo heraksalùk wùlùparek atìat o.

MAREKÙT 4:17

Atì'nogo hepogat wanharek meneat he, wene atì inetaùkenma omaken yatì'lek en hamùlùgat were'ma nen, apùnì aike nen Ala ane atì hesik, yì aik tì aik inoba hìgìk, weagarinapìk, ikenem he, ina'la hageat pùk agaikaresik he, wene atì heraksalùk wùlùparek atìat o.

MATÌÙT 26:33

at Peterùt en he, “It obogat herakhagalùk pùgùlha halok he, an enek he, herakhagalùk hese wùlìbigin motok lek o,” ìlùk yogosikomo,

MATÌÙT 26:31

Tom Saitun oba lagasikesik, at Yesùt en he, “At Ala nen, At ap topa wam serogo welagarek mene atì ebe an nen watenem he, ako omakìma atogorek welagarek mene atì, hese pùgùlugun o, ìlùk isikomo, helal waganogo hesukwama werek atì nen, yogotak hùako yì, hit obogat an herakhanìlùk hese pùgùlugun o.

MATÌÙT 24:13

Meneat he, sa nen epe morogo motok logogin halok he, o wùrep oba Ala nen teligin o.

MATÌÙT 13:57

Meathesukwama re, at Yesùt en he, mel yogoisasike: “It ap Ala ane yogoisagarek mene atì re, o yì awì tì awì laganem, apùnì aike nen motok agauk hogo hogorinaparek meneat he, inokawerek inaua eroma laganem inogogi inagoromì inom omakìma welagaikarek mene nen enek he, agauk hogo yogoisagarek lek o,” ìlùk yogoisasike.

MATÌÙT 13:6

Meneat he, o mo lakhei wagaikomo, omaken yasu lek en, sawet arìk pùk agaike.

MATÌÙT 10:22

Nen, apùnì obogat en an netage ìlìk, Hit he, at agoromì, ìlùk inabìt motok hikogoin o. Meneat he, sa nen epe morogo logogin halok he, o wùrep oba Ala nen teligin o.

1 PETERÙT 1:5

Hinetaùken at Ala oba hìpìrìk welagep atì nen, at omame ba hakhisek logopik he, hobuk hinebe hanothinabigin mene wùrep oba weinamethegein atì.

ABÌKAKAN 2:13

Hit he, Ibilit ebe kain logolìk apùnì aike awe a'ma hagisek welagarok oba welagasep atì an nelu o. Atì'nogo Ibilit auaat logolìk, an naput Anitipat en nabok aberalì agì'lek, oabùt hùpùn hogo yogoisìlìk nikenem, it aike nen ebe hina'la nen watenem, hit en he, Nit ninetaùken Yesùt oba hìpìrìk welagorek atì lek, ninabìt, ìlùk kopologo herakhanhì'lek, ninom hutigat motok welagasep atì, hinoabùt an nelu o.

MATÌÙT 13:20

Nen, awì heik aike helep oba lakhesike atì ebe re, it apùnì aike Ala ane atì inasuk holharesik he, ina'la hai hakìkì logolìk hepogat wanharesik enat he,

YAKOBÙT 3:2

Nit apùnì obogat hano hagatì lago salek yì hesik, tì hesik, weagat hagatorek atì. Meneat he, sa nen ane ba nen wene weak mene aike ìgì'lek loporogo nek ikerek halok he, eki esok ebe obogat lopothìkì logolìk etaùken katok hogo wurigat werek o.