MATÌÙT 13:2 - Ala Ane Wene Ket Mene Warogo Wo'ninapike Wene

² apùnì apik esa logolegat Yesùt oba wagaukwama re, it inebe i esakoma metek werek kolek hisalùk he, at ebe i so ba hù'lasi kisike.

MATÌÙT 13:2 ပူးပေါင်းရင်းမြစ်များ

LUKAT 5:3

Eileken isìlìk he, Yesùt ebe so Simon mene a'la kìlìk he, “So yì hìgìlogo re, i eken tùlem negen hamùlùgat siok hogo lakhein o,” ìlùk, Simon yogosike. Atì'nogo yogorìk, at ebe so a'la hù'larìk he, apùnì apik amanogo i aik obakwe were'ma wene yakùliisasike.

MAREKÙT 4:1

Hobuk he, at Yesùt i Kalilea yekelek a'nogo esakoma logolìk wene yakùlisasike. Yakùlisikenem apùnì inebe apik esa hùkoat oba atogosi wagaukwama re, it inebe i aik oba hisalùk he, at ebe ima i so ba hù'lasi kisike.

MATÌÙT 15:30

Hù'lagaikesik were'ma re, apùnì inebe apik at oba waga logolìk, inesok wùt warek mene mel, ineileken mùm mene mel, ineki inesok hapelek mene mel, inane lek mene mel, it he'nakìt inoba ou mene apigat mel, wogisek Yesùt oba wagaukwasik at awe a'ma hisìkì lagaukwama re, at en motok hano hagarinapike.

MATÌÙT 4:25

Atì'nogo hagarìnapo kolek he, apùnì obogat o Kalilea nen, o kota 10 atoma nen, Yerusalem en, Yurea nen, i Yoretan aik ìlì bakwe atoma nen, inebe motok apik wìrìk he, Yesùt opolik nìkì lagaukwa.