MATÌÙT 12:7 - Ala Ane Wene Ket Mene Warogo Wo'ninapike Wene

⁷ Ala ane helal waganek a'nogo ba, wene mel ìlùk werek: An Ala na'la re, apùnì nen inako wa'netarek atì nabìt o. We, it apùnì aike inebe inetawìrinapi logousak atìat walok o, ìlùk isike mene atì, hit en hùthelepma re, it yoma weak hagatì'lek meneat ùkùm inoba heilop lek o.

MATÌÙT 12:7 ပူးပေါင်းရင်းမြစ်များ

MATÌÙT 9:13

Ala ane aike mel isike: An Ala na'la re, apùnì nen inako wa'netarek atì nabìt o. We, it apùnì aike inetawìrinapì logousak atìat walok o, ìlùk isike wene atì tùkùmethei lani o. An wagagi atì re, apùnì inoabùt hano hagatarek mene inayoko heigìlùk wagagi hùk. Lek o. We, inoabùt weak hagatarek mene atì inayoko heigìlùk wagagi o,” ìlùk yogoisasike.

LAKSASIKE 13:27

Wene lakhei waga mene atì, it apùnì o Yerusalem mene inogogì kaintek inom enat he, Yesùt ebe hùthìgì'lek. Hùthìgì'lek logolìk, hageat en it ap Ala ane yogoisìkì lagaukwa mene amanogo nen wene halal waganogo hesukwa mene were'ma, sapan ninhùp-nanhùp ìkì logolìk etage salhenem inasuk holharek meneat he, wene ebe hùthìgì'lek. Atì'nogo hùthìgì'lek logolìk, Yesùt ùkùm oba hìlìk ebe wasukwa atì ba, wene hageat isukwa mene atì ebe agaike atì.

MATÌÙT 22:29

at Yesùt en he, mel yogoisasike: “Hit he, Ala ane helal waganek atì mel, Ala omame atì mel, hinokot logolìk, hinane kolo egep atì.

YAKOBÙT 5:6

It aike higit hogo hagarì'lùgì mene atì, it en oko hit hinoasusak le'maat ùkùm inoba hìlìk inebe inoatì lagep atì rì!

MAREKÙT 12:33

Halok he, at Ala ako warogo ebe abireke etumo loletìk, yì mene tì mene at hesik hisìgìk, ìkì logousak mea negen mene re, ninetaùken mel, nina'la mel, ninomame mel, omakeat arìk, at Ala ebe ninetaùken hutik logolìk he, it apùnì aike ninom welagorek mene ninokawerek ninebe hake ninetaùken hutik logousak atì esinat o,” ìlùk yogosikomo,