MATÌÙT 12:46 - Ala Ane Wene Ket Mene Warogo Wo'ninapike Wene

⁴⁶ At Yesùt apùnì apik inom logolìk wene yogoisiko were'ma re, at agosa mel, agoromì mel, wene yogosuogolùk oba wagaukwasik he, olilu welagaukwa.

MATÌÙT 12:46 ပူးပေါင်းရင်းမြစ်များ

MATÌÙT 13:55

Ap yì re, ap o wùterek mene a'nogo aput lek? Nen, agosa etage Marìa a'nogo lek? Nen, agoromì opolik mene re, Yakobùt mel, Yùsùp mel, Simon mel, Yùrat mel, amanogo lek?

YOHANET 2:12

Atì'nogo arat haga'lùk he, at Yesùt ebe mel, agosa mel, agaiya'lak mel, agoromì ane wanhì lagaukwa mane mel, inom o Kaperenagùm lagaukwa. Lagaukwasik he, ineki hamùlùgat enek welagaukwa.

YOHANET 7:3

Atì'nogo hakok i wagajkomo logolìk, at Yesùt okawerek agaiya'lak mono hogo re, inetaùken at oba hìpìrethìgì'lek welagaukwa atì non he, met yogosukwa: “Hat hagoromì hane wìlì'lùgì mane amanogo nen, hat hagatetek mane hagatenem ineileken heoak on, o yoma hebùlùk a Yurea pino. Ap metagewerek asuogolùk akìkì logolìk halok he, hinagasogo hagatarek lek o. Halok he, hat hagatì lagen atì, apùnì kweangma mane inebe obogat inelu asuagalùk weinam hogo hagasi pino,” ìlùk yogosukwa.

LAKSASIKE 1:14

It inebe atem mel, Yesùt agosa Maria mel, hìmì aike mel, Yesùt agoromì opolik mene inomat, inebe obogat inetaùken omakeat logolìk he, sapan iko motok welagaukwa.

MAREKÙT 6:3

At ebe re, he Maria eak o wùterek mene a'nogo lek? Agoromì opolik mene re, Yakobùt mel, Yoset mel, Yùrat mel, Simon mel, akìgì. Nen, erùgì re, nit ninom welago yoma lek?” ìlùk ina'la meathesukwa.

KALATIA 1:19

Logolìk, it Yesùt en inayoko hìlìk laksasike mene amanogo inebe aike ninom apì agì'lek. We, ninoe Etagepogot agot Yakobùt a'nogo nek neperak apì agagu.

1 KORÌTÙT 9:5

Nen, it ap aike Ala nen inayoko hìlìk laksa wagaike mene mel, ninoe Etagepogot agoromì opolik mene mel, at Kepat mel, inagagwì wogisek nùgì atì hak, an enek he, nagwe Ala a'logo mene wolok nìkì logousak lek nogo?

YOHANET 7:10

Atì'nogo kamo isikomo, at agaiya'lak amanogo nek pesta a'nogo hagatenem arat pisukwasi'mo nen, at Yesùt hobuk apùnì inokot werek kolek hinagasogo pisike.

LUKAT 2:48

Atì'nogo hogoratenem, it at agosa opase eperak en ebe arat herasukwasik he, “Nayùk e!” ìlùk hogorasukwa. Hogorasukwasik agosa nen he, mel yogosike: “Neak, hat yì'nogo haga'ninapen nenahalok. Hopase neperak ninalabut hìrìk herakhabìk nìkì lago yì heileken nisan,” ìlùk atì'nogo yogosikomo,

LUKAT 8:10

at Yesùt en he, mel yogoisasike: “Ala nen awe a'ma hisikerek wene atì, at a'la hinago welagaike mene atì, hit enek he, wene atì hinelu asuageip ìlùk pak hogo yogohisasak ìlùk, akasike meneat he, it apùnì aike atì re, at Ala nen he, Ineileken hìkì logogun meneat he, tùkùm hogo hìkì logogun lek o. Nen, inasuk holhì logogun meneat he, tùkùm hogo hùthìkì logogun legat o, ìlùk isike atì higit asuagalùk wene atì oba lìthìgìgat yogoisìkì lagì o,” ìlùk yogoisasike.

MAREKÙT 2:21

Atì'nogo yogoisasikesik aike mel yogoisasike: “Apùnì nen, su alep laberì'lùgì mene lìbìlaga halok, kain ket mene ba hìkìn katarek lek. Atì'nogo kato halok he, kain ket mene hesùmùrogo kìkì logolìk, su atì hùkoat lìbìlarìk lasak o.

YOHANET 2:5

Atì'nogo yogosike meneat he, at agosa nen, it he ita esewerek inatitigeke mene mel yogoisasike: “At en, Yì'nogo haga'ni, ike halok he, at igin mene atìat haga'no,” ìlùk yogoisasike.

LUKAT 2:33

Omalik atì abok atì'nogo isikomo re, agosa mel, opase mel, inasuk holhukwasik he, “Egi!” ìlùk, hogorasukwa.

YOHANET 2:1

Atì'nogo hagatì lagaukwasik, nogo ineki pìre ìlùk en, ineki aike ba nen he, o Kalilea o kota aike etage Kana atì, ap aike agwe ìgetenem Yesùt agosa ayoko hesukwama atoma inom welagaukwa.

LUKAT 2:51

Atì'nogo ìlùk he, at Yesùt agosa opase inom o Nasaret lagai wagaukwa. Lagai wagaukwasik logolìk, at agosa opase inane hanorogo hologo hagatì lagaike. Nen, agosa re, wene amanogo obogat etaùkenma wanhìkesik eberek motok welagaike.

MATÌÙT 2:20

“Yùsùp. Heluk ame o. Mela'lùk he, omalik tago arì agosa eperak wogisek o ap Isirael mene were'ma lan o. Omalik tago arì wasuogolùk ìkì lagaika a'nogo re, ebe arat wa'laga o,” ìlùk yogosike.

MATÌÙT 2:11

Ina'la hai apik hakìlìk ouma kisukwa re, omalik a'nogo agosa Marìa agoumo were'ma ineileken hìlìk, ineitep awì yagasogo hogorasukwa. Hogoratì logolìk he, oko hùko hano mene emas mel, kemenyan kamì apen hùke atì mel, e mur amusu mel, yegelogo wogosukwa.

MATÌÙT 1:18

At Yesùt Karìsùt ta'lagaike atì ebe yì'nogo ta'lagaike Agosa Marìa atì, ap Yùsùp ebe wanhì'lek, we, lopolek were'ma re, Ala Areagùn nen omalik a'mathesike.

YOHANET 19:25

Atì'nogo hagato kolek, Yesùt agosa mel, agosa agot mel, he Maria ap Kolopat agwe mel, he Maria aua o Maktala mene a'nogo mel, e Yesùt ebe menhesukwa ba era'lu metek welagaukwa.

LUKAT 1:43

Nen, hat hebe an noe Etagepogot agosa nen nea wagen yì nayùk e!

MATÌÙT 12:47

Were'ma re, ap aike nen he, “Yesùt, lakhan! Hat hagosa mel, hagoromì mel, wene yogohesuogolùk herakhabìk wagaikasik olilu werek o,” ìlùk yogosikomo re,

LUKAT 2:34

Nen, at Simeon a'nogo nen, “Ala nen hanothinabuak,” ìlùk, ane agauk hogo yogoisìlìk he, omalik a'nogo agosa Maria yogorik he, mel isike: “Ala nen he, yekerek yì ba, it ap Isirael mene inebe logolegat, aike menhisìgìk, aike pelakhisìgìk, hagasuagalùk menhesike o. At yì apùnì obogat hùthoagalùk menhesike meneat he, it apùnì obogat en, Ninabìt o, ìlùk ìlì'lùgì a'nogo,