MATÌÙT 12:45 - Ala Ane Wene Ket Mene Warogo Wo'ninapike Wene

⁴⁵ hobuk apotkwe wùlìbi lagaresik, mokareke aike inoabùt at oabùt hake lek. At he, inoabùt motok weak mene inebe 7 nen, inayoko lagaresik, wogisek o a'nogo ki wagaresik, ap atì a'la kagaresik welagaikarek o. Atì'nogo kìlìk were'ma re, ap atì alep he, oabùt hano negen welagaike meneat he, hobuk oabùt motok weagat haga'lagarek. Atì hak he, hit apùnì o yogotak ya hinoabùt motok weak hagatì lagep mene yì, atì'nogoat hagasugun o,” ìlùk yogoisasike.

MATÌÙT 12:45 ပူးပေါင်းရင်းမြစ်များ

LUKAT 11:26

hobuk apotkwe wùlìbi lagaresik, mokareke aike at oabùt hake lek. At he, inoabùt motok weak mene inebe 7 nen inayoko lagaresik wogisek wìrìk, ap atì a'la kagaresik welagaikarek o. Atì'nogo kìlìk were'ma re, ap atì alep he, oabùt hano negen welagaike meneat he, hobuk oabùt motok weagat haga'lagarek o,” ìlùk yogoisasike.

MAREKÙT 5:9

Ane hùkorogo isikomo re, at Yesùt en he: “Hat hetage sa,” ìlùk hinok oba wanhikomo re, at en he, mel yogosike: “Ninebe logolegat welago atì nen he, netage esa logolek u hak, netage Legiun,” yogosike.

MAREKÙT 16:9

[At Yesùt ebe hari Minggu ba melagaike atì sat ohealek hùp siak hogo re, melagaikesik, at he Maria aua o Maktala mene mokareke inoabùt weak mene inebe 7 nen a'la kìlìk were'ma hageat henogo wulaksasike mene a'nogo nen tak, “Emakum eileken neoak,” ìlùk elokoma melagaike.

IBERANI 10:39

Atì'nogo meneat he, nit he, it apùnì aike alema'lasuogolùk inapotkwe wùlùbugun mene atì hake welago hùk. Lek o. Nit he, ninebe telninabuagalùk ninetaùken at oba hìpìrìk welago mene welago o.

MATÌÙT 23:24

Apùnì ineileken mùm mene nen he, it aike yogoisìkì logolìk he, Kwe yùkwe lùok, ìlùk u hak, hit en he, elugeke hamùlùk mene i hinagasogo hakegesep oba a'la kìlì'mo enagat hìlìk wulaksegesep meneat he, wam unta hùko mene hinaik sagalhì'lek haum hogo nìkì lagep atì nen, Ala nen weagathinabigin o.

MATÌÙT 12:24

Atì'nogo ikenem, it ap Parisi mene amanogo inasuk holhukwasik he, mel isukwa: “Ap yì mokareke oabùt weak mene inoe kain etage Peelsepùl a'nogoat at oba louksek were'ma nogo nen he, mokareke at agoromì negen inoabùt weak mene apùnì ina'la kìlìk were'ma henogo wulaksìlì'logo,” ìlùk ikenem he,

EPESÙT 6:12

Nit weim negen yapì lago atì re, apùnì mene ninom yapì iago hùk. Lek o. At he, kain mene, inane werek mene, o mùmmo kweangma yoma hagisek welagaikarek mene, mokareke inoabùt weak mene pogot oba hokolek kweangma hokolek were'ma ninom yapì lago.

MATÌÙT 23:15

Hit ap Ala ane helal waganek esewerek mene yì mel, hit Parisi mene yì mel, hinogat oba nek hano salek logolìk hinetaùken pìre mene yì rì! Hit hinane wanhì logouagalùk apùnì heraginabìk, i laut yekelek aik ìlì ba wùlìpìk, o yìi awì tì awì lagìk, nìkì lagep mene atì, Ala nen ùkùm hit hinoba hìlìk etu ai'mo atoma hikegein atì hake, it hinane holì'lùgì mene atì Ala nen ùkùm atì'nogoat eki pìre ba sirogo inoba houagalùk ìkì lagep atì nen, weagathinabigin o.

MATÌÙT 12:44

Motok lek en, at en he, mel ikerek: An naua ebalep welagì ba a'nogo napotkwe lìlìk kigin o, ìlùk wagarek. Wagaresik kikerek he, o a'nogo inebe lek, somong meneat he, lelem wulagasogo tegelek were'ma ha wagaresik he,