MATÌÙT 12:40 - Ala Ane Wene Ket Mene Warogo Wo'ninapike Wene

⁴⁰ At Yùnùt atì ikan alabut a'la werek kolek, o hi ìgìk, we ìgìk, iko kolek eki hinagan welagaike atì hak he, an abat ta'lasi wagagi a'nogo re, kweang a'la o hi ìgìk, we ìgìk, iko kolek, neki hinaganat logogin o.

MATÌÙT 12:40 ပူးပေါင်းရင်းမြစ်များ

YOHANET 2:19

Atì'nogo wenagasukwama, at Yesùt en he, mel yogoisasike: “Ala awì wùrìk yì mesalini o. Arat mesalumo re, an nen hobuk neki pìre ba wùtì logopik neki aike ba nen arat wusigin o,” ìlùk yogoisasike.

MATÌÙT 17:23

noasugun o. Noasumo, nebe warek neki pìre were'ma, aike nen he, Ala nen nelugu'nabigin o,” ìlùk yogoisasikomo re, ina'la motok weak arìk lagaike.

MATÌÙT 27:40

“Wì! Hat en he, mel isigin akìgì: Ala awì wùrìk yì mesalogo hìlìk he, neki pìre ba wùtì logopik aike nen arat katok hogo wusigin, ìlùk isigin a'nogo re, hebe Ala aput halok he, hokawerek hebe e arì ba nen telogo pi me ta!” ìlùk inùkùloak kwanìthìkì logolìk inane sagan wokhìkì lagaukwa.

MATÌÙT 16:21

Hùlì atì hùlì nen he, at Yesùt en agoromì ane wanhì lagaukwa mene amanogo at hobuk hagasigin mene pak hogo mel yogoisasike: “An o Yerusalem a'loma lasak welagì o. Lamo re, it ap inalùgetek amanogo mel, Ala esewerek mene inogogì kaintek mel, Ala ane helal waganek esewerek mene mel, inom en, yì aik tì aik apigat haga'nabìk nebe noasugun o. Noasumo, nebe warek neki pìre were'ma re, aike nen he, Ala nen nelugu'nabigin o,” ìlùk pak hogo yogoisasike.

MATÌÙT 8:20

Atì'nogo yogosikomo, at Yesùt en he, “Lo yeke atì re, awì wùrìk akola welagarek. Nen, sùe purogo nikerek mene atì, awì wùrìk welagaregat. Mene re, an abat ta'lasi wagagi atì nek he, nogo ìkì logousak oba nawì wùrìk he, motok lek o,” ìlùk yogosike.

MATÌÙT 12:8

Nineki sabìt oba Ala hesik welegat welagorek atì, esewerek he, an abat ta'lasi wagagi nebe yìat o,” ìlùk yogoisasike.

MATÌÙT 28:6

Mene re, ebe yoma lek. At en yogohisasike hak, Ala nen eluguthikomo werek o. At welaga ba yoma obùlùk enek yì hineileken hìtha we'ni.