MATÌÙT 12:35 - Ala Ane Wene Ket Mene Warogo Wo'ninapike Wene

³⁵ Apùnì inoabùt hano mene re, ina'la hano mene peserek logolìk, kagalogo lagai waganem he, wene hano meneat wulabi wagaikarek o. Mene re, apùnì inoabùt weak mene, ina'la weak mene peserek logolìk, kagalogo lagai waganem he, wene weak meneat wulabi wagaikarek o.

MATÌÙT 12:35 ပူးပေါင်းရင်းမြစ်များ

KOLOSE 4:6

Hinane yì hesik tì hesik it aike yogoisìkì logolìk, yì mene tì mene mayu helhenem etuk hano egarek hak, “Wene atì hano ù,” ìlùk, wanuagalùk, hinane lìok hogo yogoisìkì logoino. Atì'nogo yogoisikenem, it hinoba hinok wanhenem, wene oko inebe lopok yogoisoageip en, hinelùrogo logoino.

KOLOSE 3:16

Apùnì inagarok apik mene ineilmo wulalhak welagaikarek hak, hit he, Karìsùt ane atìat hinetaùkenma ning hogo hìlìk logolìk he, hina'la kagalogoat, hit-hit wene hinasuk wat-wat ìkì logolìk, wene hit en yakùlisìgìk, it en yakùlhisìgìk, ìkì logoino. Yakùlisìkì logolìk he, Ala hesik wùnì Masimùt wùnì watìk, etawì Ala hogoratarek etawì watìk, Ala Areagùn nen hina'la kagalhenem, wùnì helalogo watìk, ìkì logolìk he, hinetaùkenma nen Ala hai watì logoino.

MATÌÙT 12:34

Hit hinebe walo nen tagokwe mene yoma sanì! Apùnì nen yì wene tì wene inapema nen egarek atì re, ina'la peserek logolìk kagalogo lagai waganem egarek atì nen he, hit he, hinoabùt weagat logolìk wene hano mene ìkì logousak nogo? Mea o.

EPESÙT 4:29

Weneane uogolùk halok he, weak mene ìkì logogùp o. Wene hano mene ikenem it aike inetaùken akut mene inasuk holugun mene atì Ala nen hanorinapenem, inetaùken wurik asuagalùk, wene hano mene nek ìkì logoino o.

MATÌÙT 13:52

Atì'nogo yogosukwama, at Yesùt en he, “Halok he, it ap Ala ane helal waganek esewerek mene amanogo nen, Ala nen awe a'ma hisikerek a'nogo wene yakùlho halok he, atì mel hake usak. Ap kain mene agarok etaùken hutìk mene hakikerek oba nen, ket mene wulabi wagìk, hageat mene wulabi wagìk, hobugalep wulabi wagarek hagat o,” ìlùk yogoisasike.

MATÌÙT 7:17

E hano mene halok he, eken he, hano meneat ìterek o. Nen, e weak mene halok he, eken atì'nogoat weak mene ìterek o.

LUKAT 6:45

Apùnì nen yì wene tì wene inapema nen egarek atì re, ina'la peserek logolìk, kagalogo lagai waganem egarek o. Inoabùt hano mene ina'la hano mene peserek logolìk, wene hano meneat wulabi wagaikarek o. Meneat he, apùnì inoabùt weak mene ina'la weagat logolìk wene weak meneat wulabi wagaikarek o,” ìlùk yogoisasike.