MATÌÙT 12:31 - Ala Ane Wene Ket Mene Warogo Wo'ninapike Wene

³¹ Atì'nogo yogoisasikesik wene aike mel yogoisasike: “Wene atì'nogo egep atì nen, an wene yì yogohisak. Apùnì nen yì weak tì weak hagarì'lùgì mene mel, ina'la nen it aike meatsìlìk inane ba nen inabok palì'lùgì mene mel, at Ala nen elok sagalogo legetsasak meneat he, Ala Areagùn atì nek ina'la nen meathìlìk abok palho halok he, elok sagalogo legetsasak motok lek o.

MATÌÙT 12:31 ပူးပေါင်းရင်းမြစ်များ

LUKAT 12:10

An abat ta'lasi wagagi a'nogo nabok weak palho halok he, weak hagasugun mene atì inebe lopok Ala nen sagalogo legetsegein meneat he, Ala Areagùn atì abok weak palho halok he, weak hagasugun mene atì Ala nen legetsegein motok lek o.

IBERANI 10:29

Atì hak, it apùnì nen Ala aput meneat he, inesok en sagalogo heraksìgìk, Ala nen nit ninom hùnesuogolùk Karìsùt wa'lagaike atì ba amep oba hano horinapike meneat he, hobuk ina'la meathìgìk, Ala oabùt hano mene Areagùn a'nogo inane sagan wokhìgìk, iko halok he, ùkùm motok ekin mene inoba hìlìk weagarinabigin o.

IBERANI 10:26

Ebe wene Ala ane yogonisasukwa mene ninelu logolìgat he, nineram enat wene atì sagalogo heraksìlìk weak motogat hagatì logogun halok he, nit hobuk ninako Ala waresumo ho'ninabigin motok legat o.

LAKSASIKE 7:51

Hit apùnì yoma hinoabùt motok weak hinasuk holùhùk, hinogat hinekalìma mene palek logolìgat he, hinetaùken tegele'lek logolìk hinasuk ware'lek hagatì lagep yì rì! Hinopalak en: Ala Areagùn ane atì ninabìt, ìlùk ìkì lagaukwa hagat, hit it inoabùt waganogo ìkì lagep yoma rì!

1 YOHANET 5:16

It apùnì aike weak motok hagataresik he, inoabùt oba inebe moto'-motok wa'lasugun mene werek atì hesik, hit en Ala ayoko housak, ìlùk yogohisìgì lek o. At he, inoabùt higit hogo hagasusak mene werek kolegat he, kolo palogo weak hagatarek atì obogat etage weak meneat he, it aike nen weak hagatenem inoabùt oba inebe moto'-motok wa'lasusak lek mene hagatarek mene weregat o. Mene re, hit Ala againapùrì mene hinerùgì hinagaiya'lak aike weak hagatenem oabùt oba ebe moto'-motok wa'lasusak lek mene hagate halok, at hesik Ala ayoko houmo, at en nabùlal-habùlal ebe mene wogosigin werek o.

1 YOHANET 1:9

Mene re, nit weak hagato mene hukalogo hogoin halok, at oabùt higit motok logolìk, wene wa'nisikerek hagat hagateresi'mo re, nit weak hagatorek mene sagalogo heraksìlìk, weak hagasuogolùk nina'la kagalhorek mene sobalninaperek.

IBERANI 6:4

It apùnì aike, Ala nen ina'la lìarinapo kolek, yì mene tì mene etuk mìkhìlìk hano mene wanharek atì hak, Ala pogot oba nen oko lek welegat wo'nisikerek mene atì wanhìk, Areagùn sùpù'nisikerek mene atì aike wanhìk, Ala ane atì hano motok ìlùk ineluat welagìk, Ala oabùt hano nen hobuk omamerogo hano motok haga'ninabigin atì oan haga'ninapì'lek werek kolek, yogotak ya yì mene tì mene lilu nekarek hak, wogisikenem helìgìk, egaresik enat he, hobuk it en he, “Ala ninabìt,” ìlùk ane heraksalùk inapotkwe wùlìbi lìlìk logolìk, Yesùt Ala aput ebe e ba menhìlìk watì logolìk inane sagan wokhasukwa atì hagat hobuk hagarì'lùgì atì. Atì'nogo motok hagarìk laga logolìk, hobuk, it en he, “Nit weak hagato,” ìlùk inoabùt hebeluagalùk, inapotkwe nìkì'nogo wogisek wesu heat. Mea o.