MATÌÙT 12:30 - Ala Ane Wene Ket Mene Warogo Wo'ninapike Wene

³⁰ “Nen, sa nen ebe an werekwe agì'lek halok he, at atì an neperak weim palek meneat o. Nen, sa nen an neperak apùnì atogorìnapì lago lek mene halok he, at atì nenat pùgùlogo wulaksìlì'logo o,” ìlùk yogoisasike.

MATÌÙT 12:30 ပူးပေါင်းရင်းမြစ်များ

LUKAT 11:23

“Nen, sa nen ebe an werekwe agì'lek halok he, at atì an neperak weim palek meneat o. Nen, sa nen an neperak atogorinapì lago lek mene halok he, at atì nenat pùgùlogo wulaksìlì'logo o,” ìlùk yogoisasike.

LUKAT 9:50

at Yesùt en he, mel yogosike: “Hit en atì'nogo wenagasusak lek o. Sa nen hit wenakhisìlì'logo lek halok he, at atì hit werekwe meneat o,” ìlùk yogoisasike.

MATÌÙT 6:24

Atì'nogo yogoisasikesik he, aike mel yogoisasike: “Atì hak he, ap omakeat mene ap kaintek inebe pìre mene inatitigeke logolìk ineyabu hagatì logousak motok mea o. Atì'nogo logogin halok he, at inatitigeke atì nen: Nopase aike yì hano netawì. Nen, aike atì, weak nabìt, ìlùk, ìkì logolìk he, etawì mene atì eperak lopok hogo logolìk he, aike abìt mene atì aberalìthìkì logousak o. Atì hake, hit he, Ala atitigeke logolìk, uang atitigeke logousak mea o.

1 YOHANET 2:19

It apùnì atì inebe re, nit mene palek meneat he, it inebe eberogoat nit werekwe mene lek o. It inebe eberogoat nit werekwe mene logoilepma re, inebe nit ninom motogat logoilo o. Mene re, Ala a'la nen, “It atì, inebe obogat hit mene lek, hunigat mene werek, ìlùk, enagat asuak,” ìlùk akasike ba it atì'nogo wùlùpukwa atì.

YOHANET 11:52

Mene re, it apùnì Yahuri mene hesik enek isike hùk. Apùnì obogat Ala againapùrì mene hùgì o yì awì tì awì pùgùlogo lagaukwasik welagaikarek mene inom lapuk hogo hisagalùk, Yesùt wa'lasigin mene hesik isike.

MATÌÙT 12:29

Ap aike omame apik mene eki hele warogo hìgì'lek he, agarok yì mene tì mene ineki abusak elok wani kusak akegep? Mea o. We, eki hele warogo hìlìk enek he, elok wani kusak o.