MATÌÙT 12:25 - Ala Ane Wene Ket Mene Warogo Wo'ninapike Wene

²⁵ at Yesùt en it ina'la akasukwa mene enagat hùrisìlìk he, mel yogoisasike: “Ap kaintek inetagepogot inagoromì inawe a'ma hagisek welagaikarek obakwe lopok, it-it inom hùlìthakìlìk, inom weak logogun halok he, maben asugun o. Nen, apùnì inawì sili lopok omakeat mene mel, ap inebe lopok inagainapùrì mel, inom hùlìthakìlìk inom weak logogun halok, weak asugunat o.

MATÌÙT 12:25 ပူးပေါင်းရင်းမြစ်များ

KALATIA 5:15

Atì'nogo meneat he, wam okawerek en wam aike aik en lìbìlhìk, warogo haum hogo nìkìk, ikerek hak, hit-hit hinokawerek en atì'nogo hagatì logogun halok he, hinebe alema'larìk lanogo ìlùk hinepe hebelogo logoino o.

1 KORÌTÙT 2:11

Nit apùnì nina'la sa elu. Ninokawerek nina'la lopok ninelu welagorek akìgì. Atì hagat, Ala a'la re, it aike inokot enek. We, okawerek Areagùn aligat elu welagarek o.

MATÌÙT 9:4

Atì'nogo akasukwama, at Yesùt en inoabùt enagat palhikesik he, mel isike: “Hit hina'la nen wene kolo mene ebetì lagep atì nahalok.

ABÌKAKAN 16:19

Atì'nogo ikenem he, o sili hùko a'nogo kweang pak hogo 3 mogologo haga'lagìk, apùnì inùkùl etage lopok Ala ebe inokot mene inawì sili lopok obogat tukwak-lapuk hogo yeloken tagalagìk, ikenem, Ala nen he, “An na'mage apik anggur amusu hinago negen a'nogo, at o Pabel hùko a'nogo wogosigin,” ìlùk abok yogosike mene atì a'la ebetesik, wogotì laga hìgì.

IBERANI 4:13

Ala eilhanem he, yì mene tì mene at en elalhike mene aike hinago werek nogo? Motok lek o. We, at eilhanem he, yì mene tì mene obogat he, weinam hukalek motok welagarek atì nen, nit hagatì lago mene, at elumo re, ninoba lopogat ninom ugun o.

MAREKÙT 2:8

Atì'nogo akasukwama, at Yesùt en it ina'la akasukwa mene enagat hùrisìlìk he, mel yogoisasike: “Hit hina'la atì'nogo akìkì lagep atì nenahalok.

ABÌKAKAN 2:23

Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.

YOHANET 21:17

Anema eki pìre ba wokhasikesik hobuk anema aike mel wokhasike: “Simon Yohanet aput nagot e. Hat en an nebe hetawì a?” ìlùk, anema atì'nogo eki pìre ha wokhasikesik en, hobuk aike ba, “Hat en an nebe hetawì welagen a?” ìlùk yogosike atì nen he, a'la kolo agaikomo, at en Yesùt mel yogosike: “Noe. Hat he, yì wene tì wene obogat helu o. Halok, an nen noe hebe netawì welagì atì, hat helu o,” ìlùk yogotì lagaikomo, at Yesùt en he, mel yogosike: “Halok he, an nako topa hanorogo serisek logoino o,” ìlùk yogosike.